Keshe Parlament Májilisiniń Tóraǵasy Oral Muhamedjanovtyń jetekshiligimen palata bıýrosynyń kezekti otyrysy ótti. Onda Májilistiń jalpy otyrysyna shyǵarylatyn máseleler saralandy.
Palatanyń Halyqaralyq ister, qorǵanys jáne qaýipsizdik komıteti depýtattardyń talqysyna eki zań jobasyn usynatyn boldy.
Ekonomıkalyq reforma jáne óńirlik damý komıtetiniń usynýymen keıbir zańdarǵa turǵyn úı qatynastary máseleleri boıynsha túzetýler engizýdi qarastyratyn zań jobasy birinshi oqylymda talqyǵa shyǵarylady dep sheshildi. Qarjy jáne bıýdjet komıteti elektrondyq aqsha máselelerine qatysty zań jobasyn birinshi oqylymda qaraýdy usyndy.
Zańnama jáne sot-quqyqtyq reforma komıteti «Esirtki, psıhotroptyq zattar, prekýrsorlar jáne olardyń zańsyz aınalymy men teris paıdalanylýyna qarsy is-qımyl sharalary týraly» Zańǵa tolyqtyrý engizý týraly» zań jobasynyń daıyn ekenin málim etse, Agrarlyq máseleler komıteti Jer kodeksine ózgerister men tolyqtyrýlar engizýdi kózdeıtin zań jobasyn ekinshi oqylymda talqyǵa shyǵarǵaly otyr.
«Egemen-aqparat».