2015 jylǵy 21 mamyr, Astana qalasy
Azamattyq qyzmetke kirý jáne azamattyq qyzmetshiniń bos laýazymyna ornalasýǵa arnalǵan konkýrs ótkizý qaǵıdalaryn bekitý týraly
Qazaqstan Respýblıkasynyń 2007 jylǵy 15 mamyrdaǵy Eńbek kodeksiniń 16-babynyń 27) tarmaqshasyna sáıkes buıyramyn:
1. Qosa berilip otyrǵan Azamattyq qyzmetke kirý jáne azamattyq qyzmetshiniń bos laýazymyna ornalasýǵa arnalǵan konkýrs ótkizý qaǵıdalary bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Eńbek jáne áleýmettik áriptestik departamenti zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýdy;
3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsyna ornalastyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri D.R.Arǵyndyqovqa júktelsin.
4. Osy buıryq ony alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Densaýlyq saqtaý jáne
áleýmettik damý mınıstri T.DÚISENOVA
«KELISILDI»
Qazaqstan Respýblıkasynyń
Ulttyq ekonomıka mınıstri
______________E.DOSAEV
2015 jylǵy _____________ «KELISILDI»
Qazaqstan Respýblıkasynyń
Bilim jáne ǵylym mınıstri
______________A.SÁRINJIPOV
mınıstrdiń m.a. E.IMANǴALIEV
2015 jylǵy 29 mamyr
Qazaqstan Respýblıkasy Densaýlyq saqtaý jáne áleýmettik damý mınıstrliginiń
2015 jylǵy 21 mamyrdaǵy №365 buıryǵymen bekitilgen
Azamattyq qyzmetke kirý jáne azamattyq qyzmetshiniń
bos laýazymyna ornalasýǵa arnalǵan konkýrs ótkizý qaǵıdalary
1. Jalpy erejeler
1. Osy Azamattyq qyzmetke kirý jáne azamattyq qyzmetshiniń bos laýazymyna ornalasýǵa arnalǵan konkýrs ótkizý qaǵıdalary (budan ári – Qaǵıdalar) Qazaqstan Respýblıkasynyń 2007 jylǵy 15 mamyrdaǵy Eńbek kodeksiniń 16-babynyń 27) tarmaqshasyna sáıkes ázirlendi jáne azamattyq qyzmetke kirý jáne azamattyq qyzmetshiniń bos laýazymyna ornalasýǵa arnalǵan konkýrs ótkizý tártibin aıqyndaıdy.
2. Azamattyq qyzmetshiniń bos laýazymyna ornalasýǵa konkýrsty (budan ári – konkýrs) bos laýazymy bar memlekettik mekeme, qazynalyq kásiporyn (budan ári – uıym) uıymdastyrady jáne ótkizedi.
3. Azamattyq qyzmetshi laýazymyna kandıdatty irikteý kezinde qajetti beıin boıynsha bilimi, kásibı daıarlyq deńgeıi, sondaı-aq azamattyq qyzmetshige qoıylatyn biliktilik talaptaryna (budan ári – biliktilik talaptary) sáıkestigi negizgi talaptar bolyp tabylady.
4. Qyzmetkerlerge qoıylatyn biliktilik talaptary men belgili bir jumys túrleriniń kúrdeliligi jumysshylardyń jumystary men kásipteriniń biryńǵaı tarıftik-biliktilik anyqtamalyǵy, jumysshy kásipteriniń tarıftik-biliktilik sıpattamalary, Basshylardyń, mamandardyń jáne basqa da qyzmetshiler laýazymdarynyńı biliktilik anyqtamalyǵy, sondaı-aq uıymdar basshylarynyń, mamandarynyń jáne basqa da qyzmetshileri laýazymdarynyń úlgilik biliktilik sıpattamalary negizinde belgilenedi.
2. Azamattyq qyzmetke kirý
5. Azamattyq qyzmetke kirý taǵaıyndaý tártibimen nemese konkýrs boıynsha jumys berýshiniń sheshimine sáıkes júzege asyrylady.
6. Azamattyq qyzmetke qabyldaý eńbek shartyn jasasý jáne jumys berýshiniń aktisin shyǵarý jolymen júzege asyrylady.
Azamattyq qyzmetke konkýrs boıynsha kirýge konkýrstyq komıssııanyń (budan ári – komıssııa) oń qorytyndysy negiz bolyp tabylady.
Azamattyq qyzmetshi laýazymyna taǵaıyndalý úshin ótinish berýshi uıymǵa Qazaqstan Respýblıkasy Eńbek kodeksiniń 31-babynyń 1-tarmaǵynda kózdelgen qujattardy usynady.
7. О́tinish berýshini azamattyq qyzmetshi laýazymyna taǵaıyndaý úshin usynymdy qaraý, kelisý jáne uıym basshysyna engizý tártibi uıymnyń ishki aktilerinde belgilenedi.
8. Azamattyq qyzmetshi laýazymyna taǵaıyndaý adam tıisti bos laýazymǵa qoıylatyn biliktilik talaptaryna sáıkes kelgen jaǵdaıda júzege asyrylady.
9. Qazynalyq kásiporynnyń basshysyn taǵaıyndaýdy tıisti salanyń ýákiletti organy (jergilikti atqarýshy organ) «Memlekettik kásiporynnyń basshysyn taǵaıyndaý jáne attestattaý, sondaı-aq onyń kandıdatýrasyn kelisý qaǵıdalaryn bekitý týraly» Qazaqstan Respýblıkasy Ulttyq ekonomıka mınıstriniń 2015 jylǵy 2 aqpandaǵy №70 buıryǵymen (Normatıvtik quqyqtyq aktilerdi memlekettik tirkeý tiziliminde №10379 bolyp tirkeldi) belgilegen tártippen júzege asyrady.
Qazynalyq kásiporyn basshysynyń orynbasarlaryn laýazymǵa osy kásiporyn basshysynyń usynýy boıynsha tıisti salanyń ýákiletti organy (jergilikti atqarýshy organ) taǵaıyndaıdy.
Laýazymǵa basshynyń usynýy boıynsha tıisti salanyń ýákiletti organy (jergilikti atqarýshy organ) taǵaıyndaıtyn qazynalyq kásiporyn qyzmetkerleriniń nomenklatýrasy kásiporynnyń jarǵysynda belgilenedi.
10. Azamattyq qyzmetshi onyń jazbasha ótinishi boıynsha tıisti uıymdardyń basshylary arasyndaǵy kelisimge sáıkes basqa memlekettik mekemege (qazynalyq kásiporyn) jumysqa aýystyrylady.
11. Joǵary oqý oryndarynyń professorlyq-oqytýshylar quramy men ǵylymı qyzmetkerleriniń laýazymdaryn almastyrý «Joǵary oqý oryndarynyń professor-oqytýshy quramy men ǵylymı qyzmetkerlerdiń laýazymdarǵa konkýrstyq ornalasýy qaǵıdalaryn bekitý týraly» Qazaqstan Respýblıkasy Bilim jáne ǵylym mınıstriniń 2015 jylǵy 23 sáýirdegi № 230 buıryǵymen (Normatıvtik quqyqtyq aktilerdi memlekettik tirkeý tiziliminde № 11122 bolyp tirkeldi) belgilegen tártippen konkýrstyq negizde júzege asyrylady.
3. Konkýrs ótkizý tártibi
12. Uıymda azamattyq qyzmetshiniń bos laýazymy bolǵan jaǵdaıda tıisti uıym qujattardy qabyldaý aıaqtalǵan kúnge deıin keminde kúntizbelik 15 kún buryn ınternet-resýrsta jáne Qazaqstan Respýblıkasynyń búkil aýmaǵyna taralatyn merzimdi baspa basylymdarynda konkýrs ótkizý týraly habarlandyrý ornalastyrady.
13. Habarlandyrýda kórsetilgen qujattardy qabyldaý aıaqtalatyn kúnge deıin qajetti qujattardy tabys etken adamdar konkýrsqa qatysýshylar bolyp tabylady.
14. Komıssııanyń sheshimi negizinde áńgimelesýge jiberilgen konkýrsqa qatysýshylar azamattyq qyzmetshiniń bos laýazymyna ornalasýǵa kandıdattar (budan ári – kandıdattar) bolyp tabylady.
15. Komıssııa keminde bes adamnan (komıssııa múshelerinen) turatyn alqaly organ bolyp tabylady.
16. Komıssııa tóraǵadan, hatshydan (kadr qyzmetiniń ókili) jáne komıssııa múshelerinen turady.
17. Qajet bolǵan jaǵdaıda konkýrs ótkizý jónindegi komıssııanyń quramyna olardyń kelisimi boıynsha memlekettik organdardyń jáne basqa da uıymdardyń ókilderi engiziledi.
18. Uıym:
1) konkýrs ótkizý týraly sheshim qabyldaıdy;
2) konkýrs ótkiziletin kún men oryndy belgileıdi;
3) uıymnyń qarajaty esebinen konkýrs ótkizý týraly habarlandyrýdyń ınternet-resýrsta jáne merzimdi baspa basylymdarynda jarııalanýyn qamtamasyz etedi;
4) konkýrsqa qatysý úshin usynylǵan qujattardy qabyldaýdy, tirkeýdi jáne saqtaýdy júrgizedi;
5) komıssııany qalyptastyrady jáne óz uıymynyń ókilderi qatarynan komıssııa tóraǵasyn taǵaıyndaıdy;
6) komıssııa otyrysyn uıymdastyrady.
19. Konkýrs ótkizý týraly habarlandyrý mynadaı málimetterdi:
1) azamattyq qyzmetshiniń bos laýazymynyń ataýyn;
2) uıymnyń ornalasqan jerin, pochtalyq mekenjaıyn, telefonyn kórsete otyryp onyń ataýyn, negizgi qyzmetiniń qysqasha sıpattamasyn;
3) konkýrsqa qatysýshylarǵa qoıylatyn biliktilik talaptaryn;
4) qujattardy qabyldaý aıaqtalatyn kúni men ýaqytyn qamtıdy.
Qajet bolǵan jaǵdaıda habarlandyrýda Qazaqstan Respýblıkasynyń zańnamasyna qaıshy kelmeıtin qosymsha aqparat qamtylady.
20. Konkýrsqa qatysýǵa nıet bildirgen adam habarlandyrýda kórsetilgen qujattardy qabyldaıtyn merzimde uıymǵa qolma-qol nemese pochta arqyly mynadaı qujattardy:
1) qosa beriletin qujattardyń tizbesi kórsetilgen konkýrsqa qatysý týraly ótinishti;
2) jeke basyn kýálandyratyn qujattyń kóshirmesin;
3) kadrlardy esepke alý jónindegi toltyrylǵan jeke paraqty (naqty turatyn mekenjaıy men baılanys telefondary kórsetilgen);
4) laýazymǵa qoıylatyn biliktilik talaptaryna sáıkes bilimi týraly qujattardyń kóshirmelerin;
5) eńbek qyzmetin rastaıtyn qujattyń kóshirmesin;
6) «Densaýlyq saqtaý uıymdarynyń bastapqy medısınalyq qujattama nysandaryn bekitý týraly» Qazaqstan Respýblıkasy Densaýlyq saqtaý mınıstri mindetin atqarýshysynyń 2010 jylǵy 23 qarashadaǵy № 907 buıryǵymen (Normatıvtik quqyqtyq aktilerdi memlekettik tirkeý tiziliminde № 6697 bolyp tirkeldi) bekitilgen nysan boıynsha densaýlyq jaǵdaıy týraly anyqtama usynady.
Kórsetilgen qujattardyń biriniń bolmaýy qujattardy konkýrsqa qatysýshyǵa qaıtarý úshin negiz bolyp tabylady.
Konkýrsqa qatysýshy, bolǵan jaǵdaıda onyń bilimine, jumys tájirıbesine, kásibı deńgeıine qatysty qosymsha aqparatty (biliktiligin arttyrý, ǵylymı dáreje men ataq berý, ǵylymı jarııalanymdar týraly qujattardyń kóshirmeleri, aldyńǵy jumys ornyndaǵy basshylyq bergen usynymdar jáne t.s.s.) usynady.
21. Konkýrs mynadaı kezeńderden turady:
1) konkýrsqa qatysýshylardyń biliktiligin baǵalaý;
2) kandıdattarmen áńgimelesýler ótkizý;
3) konkýrstyń qorytyndysyn shyǵarý.
22. Qujattardy qabyldaý aıaqtalǵan kúnnen keıin bes jumys kúni ishinde komıssııa qatysýshynyń biliktilik talaptaryna sáıkestigin baǵalaýdy júrgizedi.
23. Konkýrsqa qatysýshylardyń biliktilik talaptaryna sáıkes kelý mánine júrgizilgen baǵalaý nátıjeleri boıynsha komıssııa daýys berý jolymen biliktilik talaptaryna sáıkes keletin kandıdattardyń tizimin bekitý týraly jáne (nemese) áńgimelesýge jiberýden bas tartý týraly sheshimder qabyldaıdy.
24. Uıym kandıdattardyń tizimin bekitken kúnnen bastap úsh jumys kúni ishinde:
1) biliktilik talaptaryna sáıkes keletin konkýrsqa qatysýshylardy kandıdat retinde bekitý týraly, áńgimelesý ótetin kún, ýaqyt jáne oryn týraly habardar etedi. Bul rette áńgimelesý ótetin kún kandıdattardyń áńgimelesýge kelýi úshin qajetti ýaqytty qamtamasyz etýdi eskere otyryp belgilenedi;
2) biliktilik talaptaryna sáıkes kelmeıtin konkýrsqa qatysýshylardy áńgimelesýge jiberýden bas tartý týraly habardar etedi.
25. Komıssııa kandıdattarmen áńgimelesý júrgizgen kezde kandıdattardyń osy laýazymǵa fýnksıonaldyq mindetterdi oryndaýyna qajetti kásibı bilimderi aıqyndalady.
26. Komıssııa otyrysy onyń quramynyń jalpy sanynyń keminde úshten ekisi qatysqan jaǵdaıda ótkiziledi.
27. Komıssııa otyrysynyń qorytyndylary boıynsha sheshim kandıdattyń qatysýynsyz ashyq daýys berý jolymen bir kún ishinde qabyldanady.
28. Kandıdat, eger oǵan komıssııa quramynan qatysyp otyrǵandardyń kópshiligi daýys bergen jaǵdaıda oń qorytyndyǵa ıe bolady. Daýys bergen kezde daýystar teń bolǵan jaǵdaıda komıssııa tóraǵasynyń daýysy sheshýshi bolyp tabylady.
29. Komıssııa sheshimimen kelispegen jaǵdaıda komıssııanyń kez - kelgen múshesiniń jazbasha túrde baıandalatyn jáne komıssııa otyrysynyń hattamasyna qosa beriletin pikirin bildiredi.
30. Komıssııanyń sheshimi tóraǵa men komıssııa músheleri, sondaı-aq hattamalaýdy júzege asyratyn hatshy qol qoıatyn hattamamen resimdeledi.
31. Uıym áńgimelesýden ótken kandıdattarǵa konkýrs aıaqtalǵan kúnnen bastap úsh jumys kúni ishinde onyń nátıjeleri týraly jazbasha habarlaıdy. Habarlamamen birge kandıdattarǵa uıymnyń mórimen kýálandyrylǵan komıssııa otyrysy hattamasynyń kóshirmesi (ol bolǵan jaǵdaıda) jiberiledi.
32. Komıssııa konkýrstyq irikteýdiń qorytyndylary boıynsha uıymnyń basshysyna konkýrstyń jeńimpazyn azamattyq qyzmetshi laýazymyna qabyldaý týraly usynymmen qosa komıssııanyń sheshimin engizedi.
33. Eger konkýrs nátıjesinde komıssııa osy laýazymǵa ornalasýǵa kandıdattardy anyqtamaǵan bolsa, konkýrs ótkizilmedi dep tanylady.
34. Komıssııanyń oń qorytyndysyna ıe bolǵan kandıdatpen uıymnyń basshysy azamattyq qyzmetshi tanystyrylatyn eńbek shartyn jasasady jáne azamattyq qyzmetke qabyldaý týraly akt shyǵarady.
4. Qorytyndy erejeler
35. Konkýrsqa qatysýshylar men kandıdattar ózderine qatysy bar bóliginde konkýrstyq qujattarmen jáne komıssııanyń sheshimderimen tanystyrylady.
36. Komıssııanyń sheshimine konkýrsqa qatysýshylar men kandıdattar sot tártibimen shaǵymdanady.
Buıryq Qazaqstan Respýblıkasynyń Ádilet mınıstrliginde 2015 jylǵy 26 maýsymdaǵy Normatıvtik quqyqtyq kesimderdi memlekettik tirkeýdiń tizilimine №11464 bolyp engizildi.