2015 jylǵy 28 jeltoqsan, Astana qalasy
Uıymda kadrlardy kásiptik daıarlaýǵa, qaıta daıarlaýǵa jáne olardyń biliktiligin arttyrýǵa qoıylatyn jalpy talaptardy bekitý týraly
2015 jylǵy 23 qarashadaǵy Qazaqstan Respýblıkasynyń Eńbek kodeksi 16-babynyń 24) tarmaqshasyna sáıkes buıyramyn:
1. Qosa berilip otyrǵan uıymda kadrlardy kásiptik daıarlaýǵa, qaıta daıarlaýǵa jáne olardyń biliktiligin arttyrýǵa qoıylatyn jalpy talaptar bekitilsin.
2. «Uıymda kadrlardy kásiptik daıarlaýdyń, qaıta daıarlaýdyń jáne biliktiligin arttyrýdyń jalpy talaptaryn bekitý týraly» Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 31 naýryzdaǵy № 191 buıryǵynyń kúshi joıyldy dep tanylsyn (Qazaqstan Respýblıkasynyń normatıvtik quqyqtyq aktilerin memlekettik tirkeý tiziliminde № 10835 bolyp tirkelgen, 2015 jylǵy 16 maýsymda «Ádilet» aqparattyq-quqyqtyq júıesinde jarııalanǵan).
3. Qazaqstan Respýblıkasy Densaýlyq saqtaý jáne áleýmettik damý mınıstrliginiń Halyqty jumyspen qamtý departamenti zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq memlekettik tirkelgennen keıin kúntizbelik on kúnniń ishinde ony merzimdik baspa basylymdarda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
4. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri B.B.Nurymbetovke júktelsin.
5. Osy buıryq 2016 jylǵy 1 qańtardan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Densaýlyq saqtaý jáne
áleýmettik damý mınıstri T.DÚISENOVA
KELISILDI
Qazaqstan Respýblıkasynyń Bilim jáne ǵylym
mınıstri ___________ A.Sárinjipov
2015 jylǵy «___»________
Qazaqstan Respýblıkasy Densaýlyq saqtaý jáne áleýmettik damý mınıstriniń
2015 jylǵy 28 jeltoqsandaǵy №1045 buıryǵymen bekitilgen
Uıymda kadrlardy kásiptik daıarlaýǵa, qaıta daıarlaýǵa jáne
olardyń biliktiligin arttyrýǵa qoıylatyn jalpy talaptar
Uıymda kadrlardy kásiptik daıarlaýǵa, qaıta daıarlaýǵa jáne olardyń biliktiligin arttyrýǵa qoıylatyn jalpy talaptar:
1) uıymnyń Jarǵysynda (Erejesinde) qyzmetkerlerdi kásiptik daıarlaýdy, qaıta daıarlaýdy jáne biliktiligin arttyrýdy tikeleı júrgizetin uıymdar úshin kadrlardy kásiptik daıarlaý, qaıta daıarlaý jáne biliktiligin arttyrý jónindegi normanyń;
2) kadrlardy kásiptik daıarlaý, qaıta daıarlaý jáne biliktiligin arttyrý jónindegi oqý jumys josparlarynyń jáne baǵdarlamalarynyń;
3) tıisti kásipter (mamandyqtar) boıynsha oqýlyqtar men oqý-ádistemelik keshenderdiń;
4) oqytý shartynyń (jumys berýshi men oqýshy arasynda tikeleı uıymda kásiptik daıarlaý, qaıta daıarlaý jáne biliktiligin arttyrý sharttary týraly jazbasha kelisimniń) nemese bilim berý qyzmetin kórsetý týraly sharttyń (jumys berýshi men qosymsha, tehnıkalyq jáne kásiptik, orta bilimnen keıingi bilim, joǵary jáne joǵary oqý ornynan keıingi bilim berý baǵdarlamalaryn iske asyratyn uıym arasyndaǵy kásiptik daıarlaý, qaıta daıarlaý jáne biliktiligin arttyrý sharttary týraly jazbasha kelisimniń) bolýyn qamtıdy.
Buıryq Qazaqstan Respýblıkasynyń Ádilet mınıstrliginde 2015 jylǵy 31 jeltoqsanda Normatıvtik quqyqtyq kesimderdi memlekettik tirkeýdiń tizilimine №12765 bolyp engizildi.