2016 jylǵy 12 qańtar, Astana qalasy
Mindetti zeınetaqy jarnalaryn,
mindetti kásiptik zeınetaqy jarnalaryn jáne (nemese) ósimpuldardy
derbestendirilgen esepke alýdy júrgizý qaǵıdalaryn bekitý týraly
«Qazaqstan Respýblıkasynda zeınetaqymen qamsyzdandyrý týraly» 2013 jylǵy 21 maýsymdaǵy Qazaqstan Respýblıkasy Zańynyń 7-babynyń 6-1) tarmaqshasyna sáıkes buıyramyn:
1. Qosa berilip otyrǵan Mindetti zeınetaqy jarnalaryn, mindetti kásiptik zeınetaqy jarnalaryn jáne (nemese) ósimpuldardy derbestendirilgen esepke alýdy júrgizý qaǵıdalary bekitilsin.
2. Áleýmettik qamsyzdandyrý jáne áleýmettik saqtandyrý departamenti zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde, sondaı-aq Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna resmı jarııalaýǵa baspa jáne elektrondyq túrde jiberýdi;
3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń resmı ınternet-resýrsynda ornalastyrýdy;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri S.Q. Jaqypovaǵa júktelsin.
4. Osy buıryq 2016 jylǵy 1 naýryzdan bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Densaýlyq saqtaý jáne áleýmettik
damý mınıstri T.DÚISENOVA
«KELISILDI»
Qazaqstan Respýblıkasynyń
Investısııalar jáne damý mınıstri
______________ Á.Isekeshev
2016 jylǵy «__»______________
Qazaqstan Respýblıkasy Densaýlyq saqtaý jáne áleýmettik damý mınıstriniń
2016 jylǵy 12 qańtardaǵy №12 buıryǵymen bekitilgen
Mindetti zeınetaqy jarnalaryn, mindetti kásiptik zeınetaqy jarnalaryn jáne (nemese) ósimpuldardy derbestendirilgen esepke alýdy júrgizý qaǵıdalary
1. Osy Mindetti zeınetaqy jarnalaryn, mindetti kásiptik zeınetaqy jarnalaryn jáne (nemese) ósimpuldardy derbestendirilgen esepke alýdy júrgizý qaǵıdalary (budan ári – Qaǵıdalar) «Qazaqstan Respýblıkasynda zeınetaqymen qamsyzdandyrý týraly» 2013 jylǵy 21 maýsymdaǵy Qazaqstan Respýblıkasy Zańynyń (budan ári – Zań) 7-babynyń 6-1) tarmaqshasyna sáıkes ázirlendi jáne mindetti zeınetaqy jarnalaryn, mindetti kásiptik zeınetaqy jarnalaryn jáne (nemese) ósimpuldardy derbestendirilgen esepke alýdy júrgizýdi aıqyndaıdy.
2. Osy Qaǵıdalarda mynadaı negizgi uǵymdar paıdalanylady:
1) «Azamattarǵa arnalǵan úkimet» memlekettik korporasııasy (budan ári – Memlekettik korporasııa) – Qazaqstan Respýblıkasynyń zańnamasyna sáıkes memlekettik qyzmetter kórsetý, «bir tereze» qaǵıdaty boıynsha memlekettik qyzmetter kórsetýge ótinishter qabyldaý jáne kórsetiletin qyzmetti alýshyǵa olardyń nátıjelerin berý jónindegi jumysty uıymdastyrý, sondaı-aq elektrondyq nysanda memlekettik qyzmetter kórsetýdi qamtamasyz etý úshin Qazaqstan Respýblıkasy Úkimetiniń sheshimi boıynsha qurylǵan zańdy tulǵa;
2) áleýmettik qamsyzdandyrý jónindegi ýákiletti organ (budan ári – ýákiletti organ) – áleýmettik qamsyzdandyrý salasyndaǵy memlekettik saıasatty júzege asyratyn memlekettik organ;
3) biryńǵaı jınaqtaýshy zeınetaqy qory (budan ári – BJZQ) – zeınetaqy jarnalaryn tartý jáne zeınetaqy tólemderi jónindegi qyzmetti júzege asyratyn zańdy tulǵa;
4) mindetti zeınetaqy jarnalary – Qazaqstan Respýblıkasynyń zańnamasynda belgilengen tártippen BJZQ-ǵa Zańǵa sáıkes salynatyn aqsha;
5) mindetti kásiptik zeınetaqy jarnalary – eńbek jaǵdaılary zııandy (erekshe zııandy) jumystarmen aınalysatyn, kásipteri óndiristerdiń, jumystardyń, jumyskerler kásipteriniń tizbesinde kózdelgen jumyskerlerdiń paıdasyna BJZQ-ǵa agentter menshikti qarajaty esebinen aýdarǵan aqsha.
3. Mindetti zeınetaqy jarnalaryn, mindetti kásiptik zeınetaqy jarnalaryn jáne (nemese) ósimpuldardy derbestendirilgen esepke alýdy Memlekettik korporasııa mindetti zeınetaqy jarnalary, mindetti kásiptik zeınetaqy jarnalary esebinen zeınetaqymen qamsyzdandyrý týraly shart jasasqan jeke tulǵalardyń biryńǵaı tizimindegi (budan ári – biryńǵaı tizim) jáne salymshylardyń (alýshylardyń) mindetti zeınetaqy jarnalary, mindetti kásiptik zeınetaqy jarnalary boıynsha derekqoryndaǵy (budan ári – derekqor) málimetterdiń negizinde júrgizedi jáne árbir salymshy (alýshy) boıynsha mynadaı derbes derekterdi qamtıdy:
1) jeke sáıkestendirý nómiri (budan ári – JSN);
2) salymshynyń (alýshynyń) tegi, aty, ákesiniń aty (bar bolsa), týǵan kúni, týǵan jeri, jynysy, turǵylyqty mekenjaıy, azamattyǵy;
3) jeke basyn kýálandyratyn qujattyń serııasy jáne nómiri, kórsetilgen qujattardyń berilgen kúni jáne bergen organnyń ataýy;
4) jeke basyn kýálandyratyn qujattyń nómiri jáne berilgen kúni ózgergeni týraly;
5) azamattyǵynyń ózgergeni, biryńǵaı tizimdegi mindetti zeınetaqy jarnalary, mindetti kásiptik zeınetaqy jarnalary esebinen zeınetaqymen qamsyzdandyrý týraly sharttardyń ashylǵany nemese jabylǵany týraly;
6) salymshy (alýshy) derektemeleriniń, mártebesiniń ózgergeni týraly;
7) Qazaqstan Respýblıkasy Úkimetiniń 2013 jylǵy 18 qazandaǵy № 1116 qaýlysymen bekitilgen Mindetti zeınetaqy jarnalaryn, mindetti kásiptik zeınetaqy jarnalaryn esepteý, ustap qalý (esebine jazý) jáne biryńǵaı jınaqtaýshy zeınetaqy qoryna aýdarý jáne olar boıynsha óndirip alý qaǵıdalary men merzimderinde (budan ári – № 1116 Qaǵıdalar) belgilengen tártippen aýdarylǵan mindetti zeınetaqy jarnalary, mindetti kásiptik zeınetaqy jarnalary jáne (nemese) ósimpuldar, sondaı-aq olardy qaıtarý týraly;
8) №1116 Qaǵıdalarda belgilengen tártippen agenttiń ataýy men derektemelerin qosa alǵanda, mindetti kásiptik zeınetaqy jarnalaryn tóleý jónindegi agentter týraly.
4. Memlekettik korporasııa:
1) Qazaqstan Respýblıkasy Densaýlyq saqtaý jáne áleýmettik damý mınıstriniń 2014 jylǵy 22 qańtardaǵy № 12-ó buıryǵymen bekitilgen (Normatıvtik quqyqtyq aktilerdi memlekettik tirkeý tiziliminde № 9167 bolyp tirkelgen) Salymshylardyń (alýshylardyń) mindetti zeınetaqy jarnalary, mindetti kásiptik zeınetaqy jarnalary boıynsha derekqoryn jáne mindetti zeınetaqy jarnalary, mindetti kásiptik zeınetaqy jarnalary esebinen zeınetaqymen qamsyzdandyrý týraly shart jasasqan jeke tulǵalardyń biryńǵaı tizimin qalyptastyrý qaǵıdalaryna sáıkes biryńǵaı tizimge jáne derekqorǵa málimetter men ózgeristerdiń ýaqtyly engizilýin qamtamasyz etedi;
2) «Derbes derekter jáne olardy qorǵaý týraly» Qazaqstan Respýblıkasynyń Zańyna sáıkes biryńǵaı tizimde jáne derekqorda qamtylǵan málimetterdiń senimdi saqtalýyn uıymdastyrady;
3) ár aıdyń 10-kúnine deıin ýákiletti organǵa salymshylardyń (alýshylardyń) sany jáne mindetti zeınetaqy jarnalary, mindetti kásiptik zeınetaqy jarnalary boıynsha somalar, sondaı-aq aýdarylǵan mindetti zeınetaqy jarnalarynyń, mindetti kásiptik zeınetaqy jarnalarynyń somalary jáne agentterdiń sany týraly málimetterdi usynady.
5. Memlekettik korporasııa kún saıyn BJZQ-men mindetti zeınetaqy jarnalary, mindetti kásiptik zeınetaqy jarnalary esebinen zeınetaqymen qamsyzdandyrý týraly shart jasasqan biryńǵaı tizimdegi salymshylardyń (alýshylardyń) derektemelerin Jeke tulǵalardyń memlekettik derekqoryndaǵy málimettermen salystyryp tekserý júrgizedi.
6. Salymshylardyń (alýshylardyń) derektemelerinde: teginde, atynda, ákesiniń atynda (bar bolsa), týǵan kúninde, JSN men jynysynda aıyrmashylyqtar anyqtalǵan kezde Memlekettik korporasııa salymshynyń (alýshynyń) derektemelerin Jeke tulǵalardyń memlekettik derekqoryndaǵy derektermen sáıkestikke keltiredi.
7. Salymshynyń (alýshynyń) derektemeleri ózgergeni týraly málimetterdi BJZQ-ǵa berý Memlekettik korporasııa men BJZQ arasyndaǵy shartqa sáıkes aıqyndalǵan elektrondyq tásilmen biryńǵaı tizimge ózgeristerdi engizgen kúnnen keıingi bir jumys kúninen keshiktirmeı júzege asyrylady.
Buıryq Qazaqstan Respýblıkasynyń Ádilet mınıstrliginde 2016 jylǵy 15 aqpanda Normatıvtik quqyqtyq kesimderdi memlekettik tirkeýdiń tizilimine №13072 bolyp engizildi.