2016 jylǵy 18 aqpan, Astana qalasy
Qazaqstan Respýblıkasynda revmatologııalyq kómek kórsetýdi uıymdastyrý standartyn bekitý týraly
«Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 7-babynyń 1-tarmaǵynyń 6) tarmaqshasyna sáıkes buıyramyn:
1. Qosa berilip otyrǵan Qazaqstan Respýblıkasynda revmatologııalyq kómek kórsetýdi uıymdastyrý standarty bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq kómekti uıymdastyrý departamenti zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq Qazaqstan Respýblıkasynyń normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna joldaýdy;
3) osy buıryq memlekettik tirkelgennen keıin bes jumys kúni ishinde baspa jáne elektrondyq túrde memlekettik jáne orys tilderinde bir danada onyń kóshirmesin Qazaqstan Respýblıkasynyń normatıvtik quqyqtyq aktileriniń etalondyq baqylaý bankine qosý úshin «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberýdi;
4) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsyna ornalastyrýdy;
5) osy buıryqty Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy tarmaqtyń 1), 2), 3) jáne 4) tarmaqshalarynda kózdelgen is-sharalardyń oryndalýy týraly málimetti Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń densaýlyq saqtaý jáne áleýmettik damý vıse-mınıstri E.A. Birtanovqa júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Densaýlyq saqtaý jáne
áleýmettik damý mınıstri T.DÚISENOVA
Qazaqstan Respýblıkasy Densaýlyq saqtaý jáne áleýmettik damý mınıstriniń
2016 jylǵy 18 aqpandaǵy №126 buıryǵymen bekitilgen
Qazaqstan Respýblıkasynda revmatologııalyq kómek kórsetýdi uıymdastyrý standarty
1. Jalpy erejeler
1. Qazaqstan Respýblıkasynda revmotologııalyq kómek kórsetýdi uıymdastyrý standarty (budan ári – Standart) «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 7-baby 1-tarmaǵynyń 6) tarmaqshasyna sáıkes ázirlendi jáne menshik nysanyna jáne vedomstvalyq tıistiligine qaramastan ambýlatorııalyq-emhanalyq, stasıonarlyq jáne stasıonardy almastyratyn deńgeılerde pasıentterge revmatologııalyq kómek kórsetýdi uıymdastyrýǵa qoıylatyn talaptardy belgileıdi.
2. Osy Standartta paıdalanylatyn anyqtamalar:
1) revmatıkalyq aýrýlar – onyń negizinde dáneker tinniń júıeli nemese jergilikti zaqymdanýy bar aýrýlar;
2) revmatologııalyq kómek – revmatıkalyq aýrýlary bar pasıentterdi ýaqtyly anyqtaý, emdeý jáne medısınalyq ońaltý;
3) pasıent – medısınalyq qyzmetterdiń tutynýshysy bolyp tabylatyn (bolyp tabylǵan) jeke tulǵa;
4) beıindi maman – «revmatologııa» mamandyǵy boıynsha (eresekter, balalar) sertıfıkaty bar joǵary medısınalyq bilimi bar medısına qyzmetkeri;
5) medısınalyq uıym (budan ári - MU) – onyń negizgi qyzmeti medısınalyq kómek kórsetý bolyp tabylatyn densaýlyq saqtaý uıymy;
6) medısınalyq kómektiń sapasy – kásibı mamannyń biliktiligine negizdelgen dáriger men pasıenttiń ózara árekettesý qasıeti;
7) medısınalyq-áleýmettik saraptama (budan ári - MÁS) – bul organızm fýnksııasynyń turaqty buzylýynan týyndaǵan tirshilik-tynysynyń shektelýin baǵalaý negizinde kýálandyrylatyn adamnyń áleýmettik qorǵaý sharalaryna (sonyń ishinde eńbek qyzmetine qabilettiliginiń shektelý dárejesi) qajettilikterin aıqyndaıtyn sarapshylar toby;
8) tegin medısınalyq kómektiń kepildik berilgen kólemi (budan ári - TMKKK) - Qazaqstan Respýblıkasynyń azamattaryna jáne oralmandarǵa kórsetiletin tizbesi boıynsha biryńǵaı medısınalyq kómektiń kólemi;
9) Emdeýge jatqyzý bıýrosy portaly (budan ári - Portal) - TMKKK sheńberinde pasıentterdi stasıonarǵa josparly emdeýge jatqyzý joldamalaryn elektrondyq tirkeýdiń, esepke alýdyń, óńdeýdiń jáne saqtaýdyń biryńǵaı júıesi;
10) gendik-ınjenerlik terapııa – revmatıkalyq aýrýlardy emdeý maqsatynda adamnyń somatıkalyq jasýshalarynyń genetıkalyq apparatyna ózgerister engizýge baǵyttalǵan gendik-ınjenerlik (bıotehnologııalyq) (budan ári - GIBT) jáne medısınalyq ádisterdiń jıyntyǵy;
11) profılaktıka – aýrýlardyń paıda bolýynyń, olardyń erte satyda órshýiniń aldyn alýǵa jáne oryn alǵan asqynýlardy, aǵzalar men tinderdiń búlinýlerin baqylaýǵa baǵyttalǵan medısınalyq jáne medısınalyq emes is-sharalar kesheni;
12) skrınıng – aýrýlardy erte anyqtaý maqsatynda halyqtyń nysanaly tobyn medısınalyq qarap-tekserý.
2. Revmatologııalyq kómek kórsetýdi uıymdastyrý
3. Qazaqstan Respýblıkasynda revmatıkalyq aýrýlary bar pasıentterge medısınalyq kómek TMKKK sheńberinde aıqyndalatyn Qazaqstan Respýblıkasynyń azamattary men oralmandarǵa kórsetiletin medısınalyq kómek kóleminiń medısınalyq qyzmetter tizbesi boıynsha kórsetiledi.
4. Revmatologııalyq kómek kórsetetin uıymdardyń shtattary «Densaýlyq saqtaý uıymdarynyń úlgi shtattarynyń jáne shtat normatıvterin bekitý týraly» Qazaqstan Respýblıkasy Densaýlyq saqtaý mınıstriniń 2010 jylǵy 7 sáýirdegi № 238 buıryǵymen (Normatıvtik quqyqtyq aktilerdi memlekettik tirkeý tiziliminde № 6173 bolyp tirkelgen) bekitilgen shtat normatıvterine sáıkes belgilenedi.
5. Halyqqa (eresekter men balalar) revmatologııalyq kómek «Qazaqstan Respýblıkasynyń halqyna revmatologııalyq kómek kórsetetin uıymdar týraly erejeni bekitý týraly» Qazaqstan Respýblıkasy Densaýlyq saqtaý mınıstriniń 2011 jylǵy 14 naýryzdaǵy № 132 buıryǵymen bekitilgen Qazaqstan Respýblıkasynyń halqyna revmatologııalyq kómek kórsetetin uıymdar týraly erejege sáıkes konsýltasııalyq-dıagnostıkalyq jáne (nemese) stasıonarlyq medısınalyq kómek nysanynda kórsetiledi (Normatıvtik quqyqtyq aktilerdi memlekettik tirkeý tiziliminde № 6869 bolyp tirkelgen).
6. Revmatıkalyq aýrýlary bar pasıentterge (eresekter, balalar) konsýltasııalyq-dıagnostıkalyq kómek (budan ári – KDK) Qazaqstan Respýblıkasy Densaýlyq saqtaý jáne áleýmettik damý mınıstriniń 2015
jylǵy 28 shildedegi № 626 buıryǵymen bekitilgen Konsýltasııalyq-dıagnostıkalyq kómek kórsetý qaǵıdalaryna sáıkes júzege asyrylady (Normatıvtik quqyqtyq aktilerdi memlekettik tirkeý tiziliminde № 11958 bolyp tirkelgen) (budan ári – № 626 buıryq).
7. Revmatıkalyq aýrýlary bar pasıentterge (eresekter, balalar) stasıonarlyq medısınalyq kómek kórsetý Qazaqstan Respýblıkasynyń Densaýlyq saqtaý jáne áleýmettik damý mınıstriniń 2015 jylǵy 29 qyrkúıektegi № 761 buıryǵymen bekitilgen Stasıonarlyq kómek kórsetý qaǵıdalaryna sáıkes júzege asyrylady (Normatıvtik quqyqtyq aktilerdi memlekettik tirkeý tiziliminde № 12204 bolyp tirkelgen).
8. Pasıent MSAK uıymyna alǵash júgingen kezde MSAK uıymynyń tirkeý ornynda «Densaýlyq saqtaý uıymdarynyń bastapqy medısınalyq qujattama nysandaryn bekitý týraly» Qazaqstan Respýblıkasynyń Densaýlyq saqtaý mınıstriniń mindetin atqarýshynyń 2010 jylǵy 23 qarashadaǵy № 907 buıryǵyna sáıkes (Normatıvtik quqyqtyq aktilerdi memlekettik tirkeý tiziliminde № 6697 bolyp tirkelgen) (budan ári – № 907 buıryq) 025/e nysany boıynsha medısınalyq bastapqy esepke alý qujattamasy jáne 112/e nysany boıynsha balanyń damý tarıhy resimdeledi.
9. Revmatıkalyq aýrýy bar pasıentke KDK kórsetý MSAK dárigeriniń nemese basqa beıindi mamannyń joldamasy boıynsha TMKKK sheńberinde júzege asyrylady.
10. Revmatıkalyq aýrýy bar pasıentke KDK-ny «revmatologııa» mamandyǵy boıynsha dárigerler:
1) aýdandyq nemese qalalyq emhanada;
2) qalalyq nemese oblystyq konsýltasııalyq-dıagnostıkalyq ortalyqta;
3) respýblıkalyq dıagnostıkalyq ortalyqta kórsetedi.
11. Revmatıkalyq aýrýy bar pasıentti KDK kórsetýge jiberý № 626 buıryqpen belgilengen tártipte júzege asyrylady.
12. KDK kórsetý úshin revmatolog dárigerge jibergen kezde MSAK dárigeri zerthanalyq jáne aspaptyq zertteýlerdiń nátıjeleri bar № 907 buıryqpen bekitilgen № 001-4/e nysany boıynsha joldama resimdeıdi.
13. Kórsetilimder boıynsha revmatıkalyq aýrýlardyń alǵashqy dıagnostıkasy úshin: ózindik aýtoantı denelerdi anyqtaı otyryp, tikeleı emes ımmýnoflıýoressensııa reaksııasy, ımmýnologııalyq jáne molekýlıarlyq-genetıkalyq testiler, ımmýnogıstohımııalyq zertteýler júrgizile otyryp, aǵzalar men tinderdiń bıopsııasy, qos energetıkaly absorbsııalyq densıtometrııa, keńistiktik jıiligi joǵary magnıttik-rezonansty jáne kompıýterlik tomografııa, pozıtrondyq-emıssııalyq tomografııa, angıografııa, radıoızotoptyq ssıntıgrafııa, ınemen elektromıografııa júrgiziledi.
14. Revmatolog dáriger KDK kórsetken kezde pasıentti konsýltasııaǵa jibergen MSAK dárigerine júrgizilgen zertteýler men emdeýdiń nátıjeleri, sondaı-aq № 907 buıryqpen bekitilgen № 071/e nysany boıynsha revmatıkalyq aýrýy bar pasıentti odan ári emdeý jónindegi usynymdar kórsetilgen № 086/e nysany boıynsha konsýltasııalyq-dıagnostıkalyq qorytyndy beredi.
15. KDK kórsetetin MU-nyń revmatolog dárigeri № 907 buıryqpen belgilengen tártipte bastapqy medısınalyq qujattamany júrgizýdi, esepterdi usynýdy qamtamasyz etedi.
16. MSAK dárigeri konsýltasııalyq–dıagnostıkalyq qorytyndy alǵannan keıin revmatolog dárigerdiń usynymdary boıynsha pasıentke odan ári baqylaý júrgizýdi júzege asyrady.
17. Revmatıkalyq aýrýy bar pasıentterdi ambýlatorııalyq deńgeıde dárilik preparattarmen qamtamasyz etý Qazaqstan Respýblıkasy Densaýlyq saqtaý mınıstriniń mindetin atqarýshynyń 2011 jylǵy 4 qarashadaǵy № 786 buıryǵymen (Normatıvtik quqyqtyq aktilerdi memlekettik tirkeý tiziliminde № 7306 bolyp tirkelgen) bekitilgen Tegin medısınalyq kómektiń kepildik berilgen kóleminiń sheńberinde ambýlatorııalyq deńgeıde belgili bir aýrýlary (jaı-kúıi) bar halyqty tegin qamtamasyz etý úshin dárilik zattardyń jáne medısınalyq maqsattaǵy buıymdardyń jáne mamandandyrylǵan emdik ónimderdiń tizbesine sáıkes júzege asyrylady.
18. Revmatıkalyq aýrýlary bar, sonyń ishinde GIBT alatyn pasıentti stasıonarlyq emdeý úshin medısınalyq kórsetilimder bolmaǵan jaǵdaıda dıspanserdi revmatolog dáriger, al ol bolmaǵan kezde ýchaskelik terapevt, jalpy praktıka dárigeri, pedıatr dáriger júzege asyrady.
19. Stasıonarda emdeý úshin medısınalyq kórsetilimder bolǵan jaǵdaıda revmatıkalyq aýrýy bar pasıentti qalanyń (oblystyń) densaýlyq saqtaý basqarmasy emdeýdiń jańa tehnologııalaryn paıdalana otyryp, mamandandyrylǵan medısınalyq kómek (budan ári – MMK) júrgizý úshin beıindi densaýlyq saqtaý uıymdaryna jiberedi.
20. MMK-ny revmatolog dárigerler kóp beıindi stasıonarlarda KDK nysanynda, al qajet bolǵan jaǵdaıda - dıagnostıka men emdeýdiń arnaıy ádisterin talap etetin stasıonarlyq medısınalyq kómek nysanynda kórsetedi.
21. Pasıentterdi MMK kórsetý úshin joldama berý Qazaqstan Respýblıkasy Densaýlyq saqtaý mınıstriniń 2010 jylǵy 20 jeltoqsandaǵy № 986 buıryǵymen bekitilgen Mamandandyrylǵan, joǵary mamandandyrylǵan medısınalyq kómek kórsetý erejesine sáıkes (Normatıvtik quqyqtyq aktilerdi memlekettik tirkeý tiziliminde № 6711 bolyp tirkelgen) júrgiziledi.
22. Revmatıkalyq aýrýy bar pasıentti stasıonarlyq medısınalyq kómekti kórsetý úshin josparly emdeýge jatqyzý pasıenttiń TMKKK sheńberinde densaýlyq saqtaý uıymyn erkin tańdaý quqyǵy eskerilip, Portal arqyly júzege asyrylady.
23. TMKKK sheńberinde revmatıkalyq aýrýlary bar pasıentti stasıonarǵa emdeýge jatqyzýdy táýlik boıǵy medısınalyq baıqaýǵa medısınalyq kórsetilimder bolǵan kezde:
1) revmatolog dárigerdiń, terapevt dárigerdiń, jalpy praktıka dárigeriniń, pedıatr dárigerdiń joldamasy boıynsha;
2) joldamanyń bolý-bolmaýyna qaramastan shuǵyl kórsetilimder boıynsha júzege asyrylady.
24. Pasıentti TMKKK sheńberinde stasıonarǵa josparly emdeýge jatqyzý úshin MSAK uıymy:
1) nozologııaǵa sáıkes klınıkalyq-dıagnostıkalyq, zerthanalyq, ınvazıvti emes aspaptyq zertteýlerdiń qajetti tizbesin, qajet bolǵan jaǵdaıda beıindi mamandardyń konsýltasııasyn júrgizedi;
2) №907 buıryqpen bekitilgen № 001-3/e nysany boıynsha júrgizilgen zertteýlerdiń nátıjelerin kórsete otyryp, stasıonarǵa emdeýge jatqyzý joldamasyn resimdeıdi;
3) Portal nemese telefon arqyly Kútý paraǵymen stasıonarǵa emdeýge jatqyzý kúni týraly pasıentti habardar etedi. Emdeýge jatqyzý kody boıynsha pasıent www.bg.eisz.kz saıtynda respýblıka stasıonarlaryndaǵy bos tósekter jáne stasıonarǵa óziniń kezegin jáne qaıda emdeýge jatqyzý josparlanyp otyrǵany týraly aqparatty qaraıdy.
25. Josparly emdeýge jatqyzý kórsetilimderi:
1) dıagnozdy naqtylaý jáne bazalyq terapııany tańdaý;
2) revmatıkalyq aýrýdyń joǵary belsendiligi;
3) revmatıkalyq aýrýdan jáne júrgizilgen dárilik terapııadan bolǵan asqynýlar;
4) bıotehnologııalyq preparatty engizý bastamasy (bastapqy).
26. Shuǵyl kórsetilimder boıynsha emdeýge jatqyzý revmatolog dárigerdiń, terapevt dárigerdiń, jalpy praktıka dárigeriniń, pedıatr dárigerdiń joldamasy boıynsha jedel medısınalyq járdem joldamasy boıynsha, óz betimen júgingen kezde jáne pasıentti jetkizýdiń kez kelgen tásili kezinde turǵylyqty jerine jáne bekitilgen jerine qaramastan TMKKK sheńberinde júzege asyrylady.
27. Shuǵyl emdeýge jatqyzý kórsetilimderi:
1) revmatıkalyq aýrý belsendiliginiń joǵary dárejesi;
2) bazalyq terapııany, sonyń ishinde GIBT qabyldap júrgen pasıentte aýyr ınterkýrrenttik ınfeksııanyń damýy;
3) júrgizilgen dárilik terapııadan ishki aǵzalary men júıelerdiń aýyr zaqymdalyp revmatıkalyq aýrýdyń asqynýy.
28. Revmatıkalyq aýrýy bar pasıentke stasıonarlyq deńgeıde revmatologııalyq kómek kórsetý mynalardy qamtıdy:
1) onyń jaı-kúıin anyqtaý jáne dıagnoz qoıý maqsatynda dárigerdiń pasıentti tekserip-qaraýy;
2) № 907 buıryqqa sáıkes medısınalyq qujattamany resimdeý;
3) emdik-dıagnostıkalyq is-sharalardy júrgizý;
4) bekitilgen klınıkalyq hattamalarǵa sáıkes terapııany tańdaý jáne taǵaıyndaý;
5) kórsetilimder boıynsha beıindi mamandardyń konsýltasııasy.
29. Stasıonardyń qabyldaý bólimshesinde dáriger qarap-teksergennen keıin pasıenttiń nemese onyń zańdy ókiliniń oǵan medısınalyq kómek kórsetýge jazbasha kelisimi bolǵan kezde, pasıent № 907 buıryqpen bekitilgen 003/e nysany boıynsha stasıonar naýqastyń kartasy toltyrylyp, revmatologııalyq bólimshege/tósekke emdeýge jatqyzylady.
30. Aldyn ala qoıylǵan revmatıkalyq aýrý boıynsha dıagnoz klınıkalyq zertteý derekteriniń, aspaptyq jáne zerthanalyq zertteý nátıjeleriniń negizinde kelip túsken kezden bastap bir táýlik ishinde qoıylady.
31. Revmatıkalyq aýrýdyń klınıkalyq dıagnozy klınıkalyq-aspaptyq zertteýlerdiń, zerthanalyq zertteý ádisteriniń jáne dınamıkalyq baıqaý nátıjeleriniń negizinde pasıent kelip túsken kezden bastap úsh táýlik ishinde qoıylady.
32. О́mirlik mańyzdy fýnksııalarynyń buzylýyna qaýip tóngen jaǵdaıda revmatıkalyq aýrýy bar pasıent shuǵyl túrde qarqyndy terapııa palatasyna (bólimine) nemese reanımasııalyq bólimshege emdeýge jatqyzylady.
33. Revmatıkalyq aýrý bar pasıentke komorbıdtik jaı-kúı kezinde medısınalyq kómek kórsetý beıindi mamandardyń qosymsha konsýltasııasyn qamtıdy.
34. GIBT densaýlyq saqtaý basqarmasynyń shtattan tys bas revmatologynan, bas dárigerdiń klınıkalyq jumys jónindegi orynbasarynan, pasıent baqylanyp jáne emdelip júrgen MU emdeýshi dárigerinen qurylǵan densaýlyq saqtaý basqarmasynyń buıryǵymen bekitilgen medısınalyq komıssııanyń sheshimi boıynsha júrgiziledi.
35. GIBT-ǵa muqtaj pasıent vırýstyq gepatıtke, adamnyń ımmýn tapshylyǵy vırýsyna jáne latenttik týberkýlezge zerttelip-qaralady.
36. GIBT-ǵa muqtaj 18 jasqa deıingi pasıent jelsheshek jáne pnevmokokk ınfeksııasyna qarsy vaksına alady.
37. GIBT terapııasyna josparly daıyndyqty revmatolog dáriger, al ol bolmaǵan jaǵdaıda ýchaskelik terapevt, jalpy praktıka dárigeri, pedıatr dáriger júrgizedi.
38. Shuǵyl kórsetilimder boıynsha emdeýge jatqyzylǵan kezde, pasıent medısına qyzmetkeriniń alyp júrýimen stasıonarǵa jedel medısınalyq járdem qyzmetimen nemese ambýlatorııalyq-emhanalyq uıymnyń sanıtarııalyq avtokóligimen jetkiziledi.
39. Revmatıkalyq aýrýy bar júkti áıeldi MMK kórsetýge jiberý qajettiligi týraly sheshimdi mindetti túrde revmatolog dárigerdiń, akýsher gınekologtyń qatysýymen dárigerlerdiń konsılıýmy qabyldaıdy.
40. Erte jastaǵy balalarda MMK kórsetýdi qajet etetin revmatıkalyq aýrý belgisi anyqtalǵan jaǵdaıda, onyń qurylymynda balalar revmatologııalyq bólimshesi (revmatologııalyq tósekteri) jáne balalar revmatolog dárigeri bar beıindi MU-ǵa jiberiledi.
41. Stasıonarlyq jaǵdaıda MMK kórsetý aıaqtalǵannan keıin, pasıentke júrgizilgen zertteýler men emdeýdiń nátıjeleri bar stasıonar naýqastyń medısınalyq kartasynan úzindi kóshirme № 907 buıryqpen bekitilgen № 027/e nysany boıynsha naýqasty qadaǵalap qaraýdyń odan arǵy taktıkasy boıynsha usynymdary bar shyǵarý epıkrızi beriledi.
42. Revmatıkalyq aýrýy bar pasıentke aýyldyq eldi mekenderde revmatologııalyq kómekti medısınalyq pýnktterde, dárigerlik ambýlatorııalarda, feldsherlik-akýsherlik pýnktterde, aýyldyq jáne aýdandyq emhanalarda revmatolog dárigerdiń usynymdaryna sáıkes medısına qyzmetkerleri kórsetedi.
43. Ýaqytsha eńbekke jaramsyzdyq belgileri bolǵan jaǵdaıda ýaqytsha eńbekke jaramsyzdyqqa saraptama júrgizý úshin revmatıkalyq aýrýy bar pasıent Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 5 mamyrdaǵy № 321 buıryǵymen bekitilgen Dárigerlik-konsýltasııalyq komıssııanyń qyzmeti týraly erejege sáıkes (Normatıvtik quqyqtyq aktilerdi memlekettik tirkeý tiziliminde № 11310 bolyp tirkelgen) dárigerlik-konsýltasııalyq komıssııaǵa jiberiledi.
44. Revmatolog dáriger, al ol bolmaǵan kezde - terapevt dáriger, jalpy praktıka dárigeri, pedıatr dáriger eńbekke ýaqytsha jaramsyzdyq paraǵyn nemese eńbekke ýaqytsha jaramsyzdyq anyqtamasyn beredi jáne qajet bolǵan jaǵdaıda ony uzartady, al eńbekke qabilettilikten turaqty aıyrylǵan kezde - Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 30 qańtardaǵy № 44 buıryǵymen bekitilgen Medısınalyq-áleýmettik saraptama júrgizý qaǵıdalaryna sáıkes (Qazaqstan Respýblıkasynyń normatıvtik quqyqtyq aktilerin memlekettik tirkeý tiziliminde № 10589 bolyp tirkelgen ) (budan ári – № 44 buıryq) medısınalyq-áleýmettik saraptamaǵa (budan ári-MÁS) jiberý úshin qujattardy resimdeýge qorytyndy beredi.
45. Eńbekke qabilettilikten turaqty aıyrylý dárejesin belgileý, kýálandyrý (qaıta kýálandyrý), sondaı-aq kýálandyrylatyn adamnyń áleýmettik qorǵaý sharalaryna qajettiligin belgileý MÁS júrgizý arqyly №44 buıryǵyna sáıkes júrgiziledi.
Buıryq Qazaqstan Respýblıkasynyń Ádilet mınıstrliginde 2016 jylǵy 15 naýryzda Normatıvtik quqyqtyq kesimderdi memlekettik tirkeýdiń tizilimine №13474 bolyp engizildi.