2016 jylǵy 27 maýsym, Astana qalasy
Jumys berýshilerge sheteldik jumys kúshin tartýǵa ruqsat berý jáne
(nemese) uzartý, sondaı-aq korporatıvishilik aýystyrýdy júzege asyrý qaǵıdalary men sharttaryn bekitý týraly
«Halyqty jumyspen qamtý týraly» 2016 jylǵy 6 sáýirdegi Qazaqstan Respýblıkasy Zańynyń 7-babynyń 20) tarmaqshasyna sáıkes buıyramyn:
1. Qosa berilip otyrǵan Jumys berýshilerge sheteldik jumys kúshin tartýǵa ruqsat berý jáne (nemese) uzartý, sondaı-aq korporatıvishilik aýystyrýdy júzege asyrý qaǵıdalary men sharttary (budan ári – Qaǵıdalar) bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Eńbek, áleýmettik qorǵaý jáne kóshi-qon komıteti zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) tirkelgen osy buıryqty alǵan kúnnen bastap bes jumys kúni ishinde onyń kóshirmesin baspa jáne elektrondyq túrde memlekettik jáne orys tilderindegi bir danada Qazaqstan Respýblıkasy normatıvtik quqyqtyq aktileriniń Etalondyq baqylaý bankine qosý úshin «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberýdi;
4) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy;
5) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine osy tarmaqtyń 1) 2) 3) jáne 4) tarmaqshalarynda kózdelgen is-sharalardyń oryndalýy týraly málimetter usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri B.B. Nurymbetovke júktelsin.
4. Osy buıryq 2017 jylǵy 1 qańtardan bastap qoldanysqa engiziledi, bul rette Qaǵıdalardyń 40-tarmaǵy men 50-tarmaǵynyń 2) tarmaqshasy 2021 jylǵy 1 qańtarǵa deıin qoldanylady.
Qazaqstan Respýblıkasynyń Densaýlyq saqtaý jáne áleýmettik
damý mınıstriniń mindetin atqarýshy E.BIRTANOV
KELISILDI KELISILDI KELISILDI
Qazaqstan Respýblıkasynyń Qazaqstan Respýblıkasynyń Qazaqstan Respýblıkasynyń
Ulttyq ekonomıka mınıstriniń Ulttyq ekonomıka Ishki ister mınıstri
mindetin atqarýshy mınıstri ____________________ Q. Qasymov
_______________ M. Qusaıynov _____________ Q. Bıshimbaev
2016 jylǵy 1 tamyz 2016 jylǵy «___» _________ 2016 jylǵy 14 shilde
Qazaqstan Respýblıkasy Densaýlyq saqtaý jáne áleýmettik damý mınıstriniń
2016 jylǵy 27 maýsymdaǵy №559 buıryǵymen bekitildi
Jumys berýshilerge sheteldik jumys kúshin tartýǵa ruqsat berý jáne (nemese) uzartý, sondaı-aq korporatıvishilik aýystyrýdy júzege asyrý qaǵıdalary men sharttary
1-taraý. Jalpy erejeler
1. Osy Jumys berýshilerge sheteldik jumys kúshin tartýǵa ruqsat berý jáne (nemese) uzartý, sondaı-aq korporatıvishilik aýystyrýdy júzege asyrý qaǵıdalary men sharttary (budan ári – Qaǵıdalar) «Halyqty jumyspen qamtý týraly» 2016 jylǵy 6 sáýirdegi Qazaqstan Respýblıkasy Zańynyń (budan ári – Zań) 7-babynyń 20) tarmaqshasyna sáıkes ázirlendi jáne jumys berýshilerge sheteldik jumys kúshin tartýǵa ruqsat berý jáne (nemese) uzartý, sondaı-aq korporatıvishilik aýystyrýdy júzege asyrý tártibi men sharttaryn belgileıdi.
2. Osy Qaǵıdalarda mynadaı negizgi uǵymdar paıdalanylady:
1) basymdy joba – memlekekttik jáne salalyq baǵdarlamalyq qujattarda kórsetilgen basymdyqtarǵa sáıkes iske asyrylatyn joba;
2) basshylar – korporatıvishilik aýystyrýdy júzege asyratyn zańdy tulǵa sheginde joǵary laýazymdardy atqaratyn, uıymdy tikeleı basqarýdy júzege asyratyn, uıymnyń maqsattary men saıasatyn aıqyndaıtyn, uıymnyń dırektorlar keńesinen nemese aksıonerlerinen tek jalpy nusqaýlar alatyn, uıymǵa tikeleı qyzmet kórsetýge baılanysty mindetterdi oryndamaıtyn adamdar;
3) bos oryn – jumys berýshidegi bos jumys orny (laýazym);
4) jergilikti atqarýshy organ (ákimdik) – oblystyń, respýblıkalyq mańyzy bar qalanyń jáne astananyń ákimi basqaratyn, óz quzyreti sheginde tıisti aýmaqta jergilikti memlekettik basqarýdy jáne ózin ózi basqarýdy júzege asyratyn alqaly atqarýshy organ (budan ári – jergilikti atqarýshy organ);
5) jumys berýshi – jumysker eńbek qatynastarynda turatyn zańdy nemese jeke tulǵa, sheteldik zańdy tulǵanyń fılıaly, ókildigi;
6) jumyskerlerdiń tizimdik sany – azamattyq-quqyqtyq sıpattaǵy sharttar boıynsha jumystardy oryndaıtyn adamdardan, sondaı-aq bir jumys berýshimen qosa atqarý boıynsha jumys týraly eńbek shartyn jasasqan jumyskerlerden basqa, jasalǵan merzimine qaramastan, eńbek sharttary negizinde qabyldanǵan adamdar sany;
7) korporatıvishilik aýystyrý – Qazaqstan Respýblıkasynyń sheginen tys jerde ornalasqan jáne áreket etetin, Dúnıejúzilik saýda uıymyna múshe eldiń aýmaǵynda qurylǵan zańdy tulǵada basshy, menedjer nemese maman laýazymynda eńbek qyzmetin júzege asyratyn sheteldikti nemese azamattyǵy joq adamdy osy zańdy tulǵanyń Qazaqstan Respýblıkasynyń aýmaǵynda Qazaqstan Respýblıkasynyń zańnamasyna sáıkes qurylǵan fılıaldaryna, enshiles uıymdaryna, ókildikterine eńbek shartynda aıqyndalǵan, biraq úsh jyldan aspaıtyn merzimge, bir jylǵa uzartý quqyǵymen ýaqytsha aýystyrý;
8) mamandar – korporatıvishilik aýystyrýdy júzege asyratyn zańdy tulǵa sheginde joǵary laýazymdardy atqaratyn, joǵary deńgeıdegi arnaıy jáne (nemese) biregeı bilimi men daǵdylary, uıymnyń beıini boıynsha qyzmetter kórsetý, ǵylymı-zertteý jabdyǵyn, progressıvti tehnologııalar men tehnıkany, olardy basqarý ádisterin paıdalaný úshin belgili bir salada nemese ǵylymda aıtarlyqtaı jumys tájirıbesi bar adamdar. Ondaı bilimi men daǵdylaryn baǵalaý kezinde uıymnyń beıini boıynsha kásiptik biliminiń bolýyn, sondaı-aq jumys túrlerine nemese uıymnyń qyzmetine sáıkes keletin, arnaıy tehnıkalyq bilimderdi talap etetin joǵary deńgeıdegi biliktiligin de, onyń ishinde tıisti akkredıttelgen kásiptik qaýymdastyqtarǵa músheligin eskergen jón;
9) maýsymdyq sheteldik jumyskerler – klımat nemese ózge de tabıǵat jaǵdaılaryna baılanysty belgili bir kezeń (maýsym) ishinde, biraq bir jyldan aspaıtyn merzim atqarylatyn maýsymdyq jumystardy oryndaý úshin jumys berýshiler jumysqa tartatyn ımmıgranttar;
10) menedjerler – korporatıvishilik aýystyrýdy júzege asyratyn zańdy tulǵa sheginde joǵary laýazymdardy atqaratyn, kásiptik biliktilik deńgeıi joǵary jáne tıisti salada menedjer pozısııasyndaǵy jumys tájirıbesi bar jáne uıymdy, uıymnyń departamentin nemese basqarmasyn basqaratyn, ózge basshy kásibı nemese ákimshilik jumyskerlerdiń jumysyna basshylyq etetin jáne baqylaıtyn, personaldy jaldaıtyn jáne jumystan bosatatyn, personaldy jaldaýǵa, jumystan bosatýǵa nemese ózge is-qımylyna usynym beretin personaldy, joǵary turǵan basshylardan, uıymnyń dırektorlar keńesinen nemese aksıonerlerinen tek jalpy nusqaýlar nemese nusqama alatyn adamdar.
Qyzmetter kórsetý úshin qajetti fýnksııalardy tikeleı júzege asyratyn jumyskerler atalǵan sanatqa qosylmaıdy;
11) halyqty jumyspen qamtý máseleleri jónindegi ýákiletti organ – Qazaqstan Respýblıkasynyń zańnamasyna sáıkes halyqty jumyspen qamtý salasyndaǵy basshylyqty jáne salaaralyq úılestirýdi júzege asyratyn ortalyq atqarýshy organ;
12) halyqty jumyspen qamtý ortalyǵy – aýdannyń, oblystyq jáne respýblıkalyq mańyzy bar qalalardyń, astananyń jergilikti atqarýshy organy jumyspen qamtýǵa járdemdesýdiń belsendi sharalaryn iske asyrý jáne jumyssyzdyqtan áleýmettik qorǵaýdy jáne Zańǵa sáıkes jumyspen qamtýǵa járdemdesýdiń ózge de sharalaryn uıymdastyrý maqsatynda quratyn memlekettik mekeme;
13) sheteldik jumys kúshi – maýsymdyq sheteldik jumyskerlerdi, jumysqa óz betinshe ornalasatyn jumyskerlerdi, sondaı-aq korporatıvishilik aýystyrý sheńberinde eńbek qyzmetin júzege asyratyn sheteldik jumyskerlerdi qosa alǵanda, Qazaqstan Respýblıkasynyń aýmaǵynda eńbek qyzmetin júzege asyrý úshin jumys berýshi tartatyn sheteldikter men azamattyǵy joq adamdar;
14) sheteldik jumys kúshin tartýǵa arnalǵan kvota – Qazaqstan Respýblıkasynyń aýmaǵynda eńbek qyzmetin júzege asyrý úshin jumys berýshiniń tartýyna ruqsat etilgen sheteldik jumys kúshiniń shekti sany;
15) sheteldik jumys kúshin tartýǵa ruqsat (budan ári – ruqsat) – Qazaqstan Respýblıkasyna sheteldik jumys kúshin tartý úshin jumys berýshige jergilikti atqarýshy organ beretin osy Qaǵıdalarǵa 1-qosymshaǵa sáıkes belgilengen nysandaǵy qujat;
16) sheteldik jumysker – jumys berýshiler Qazaqstan Respýblıkasynyń aýmaǵynda eńbek qyzmetin júzege asyrý úshin, onyń ishinde korporatıvishilik aýystyrý sheńberinde tartatyn shetildikter men azamattyǵy joq adamdar.
2-taraý. Jumys berýshilerge sheteldik jumys kúshin tartýǵa ruqsat berý jáne (nemese) uzartý,
sondaı-aq korporatıvishilik aýystyrýdy júzege asyrý tártibi men sharttary
1-paragraf. Jumys berýshilerge sheteldik jumys kúshin tartýǵa ruqsat berý jáne (nemese) uzartý tártibi men sharttary
3. Ruqsat berý jáne (nemese) uzartý tártibi men sharttaryn aıqyndaý maqsatynda jumyskerlerdiń mynadaı sanattary belgilenedi:
1) birinshi sanat – birinshi basshylar men olardyń orynbasarlary;
2) ekinshi sanat – kásiptik standarttarda, basshylar, mamandar jáne basqa da qyzmetshiler laýazymdarynyń biliktilik anyqtamalyǵynda, uıymdar basshylary, mamandary jáne basqa da qyzmetshileri laýazymdarynyń úlgilik biliktilik sıpattamalarynda belgilengen biliktilik talaptaryna sáıkes keletin qurylymdyq bólimsheler basshylary;
3) úshinshi sanat – kásiptik standarttarda, basshylar, mamandar jáne basqa da qyzmetshiler laýazymdarynyń biliktilik anyqtamalyǵynda, uıymdar basshylary, mamandary jáne basqa da qyzmetshileri laýazymdarynyń úlgilik biliktilik sıpattamalarynda belgilengen biliktilik talaptaryna sáıkes keletin mamandar;
4) tórtinshi sanat – kásiptik standarttarda, Jumystar men jumysshy kásipteriniń biryńǵaı tarıftik-biliktilik anyqtamalyǵynda, jumysshy kásipteriniń tarıftik-biliktilik sıpattamalarynda belgilengen biliktilik talaptaryna sáıkes keletin bilikti jumysshylar.
4. Jergilikti atqarýshy organ ruqsattardy halyqty jumyspen qamtý máseleleri jónindegi ýákiletti organ bólgen kvota sheginde beredi.
5. Tıisti ákimshilik-aýmaqtyq birliktiń aýmaǵynda qoldanystaǵy, buryn berilgen ruqsattardyń sany halyqty jumyspen qamtý máseleleri jónindegi ýákiletti organ sheteldik jumys kúshin tartýǵa bólgen kvotanyń tıisti kúntizbelik jylǵa arnalǵan sanynan aspaýǵa tıis.
6. Jergilikti atqarýshy organ mynadaı sharttar:
1) Qazaqstan Respýblıkasy azamattarynyń sany birinshi jáne ekinshi sanattarǵa jatatyn jumyskerlerdiń tizimdik sanynyń keminde 70%;
2) Qazaqstan Respýblıkasy azamattarynyń sany úshinshi jáne tórtinshi sanattarǵa jatatyn jumyskerlerdiń tizimdik sanynyń keminde 90% sharttaryn saqtaǵan kezde ruqsat berý jáne (nemese) uzartýdy júzege asyrady.
Qadrlardaǵy jergilikti qamtýdy esepteý kezinde sheteldik jumyskerler qatarynda 2014 jylǵy 14 qazandaǵy Qazaqstan Respýblıkasynyń Zańymen ratıfıkasııalanǵan Eýrazııalyq ekonomıkalyq qaýymdastyq týraly shartqa qatysýshy memleketterdiń azamattary eseptelmeıdi.
Jumys berýshi kadrlardaǵy jergilikti qamtý týraly aqparatty jergilikti atqarýshy organǵa osy Qaǵıdalarǵa 2-qosymshaǵa sáıkes nysan boıynsha usynady.
7. Osy Qaǵıdalardyń 6-tarmaǵy:
1) shaǵyn kásipkerlik sýbektilerine;
2) memlekettik mekemeler men kásiporyndarǵa;
3) «Halyqty jumyspen qamtý týraly» 2016 jylǵy 6 sáýirdegi Qazaqstan Respýblıkasy Zańynyń 7-babynyń 21) tarmaqshasyna sáıkes óz betinshe jumysqa ornalasý úshin Qazaqstan Respýblıkasyna kelgen sheteldik jumyskerge;
4) Qazaqstan Respýblıkasy ratıfıkasııalaǵan eńbek kóshi-qony jáne eńbekshi mıgranttardy áleýmettik qorǵaý salasyndaǵy yntymaqtastyq týraly halyqaralyq sharttar bolǵan kezde shyǵý elderi boıynsha kvota sheńberinde berilgen ruqsattarǵa qoldanylmaıdy.
8. Basymdy jobalar úshin kadrlardaǵy jergilikti qamtý jónindegi sharttardy aýmaǵynda jobalar iske asyrylyp jatqan jergilikti atqarýshy organmen jáne halyqty jumyspen qamtý máseleleri jónindegi ýákiletti organmen kelisim boıynsha osy Qaǵıdalarǵa 3-qosymshaǵa sáıkes belgilengen nysan boıynsha múddeli ortalyq memlekettik organdar aıqyndaıdy.
9. Ruqsatty bergeni jáne (nemese) uzartqany úshin jumys berýshilerden «Qazaqstan Respýblıkasyna sheteldik jumys kúshin tartýǵa ruqsatty bergeni jáne (nemese) uzartqany úshin alym mólsherlemelerin belgileý týraly» Qazaqstan Respýblıkasy Úkimetiniń 2016 jylǵy 18 tamyzdaǵy № 459 qaýlysymen bekitilgen Qazaqstan Respýblıkasyna sheteldik jumys kúshin tartýǵa ruqsatty bergeni jáne (nemese) uzartqany úshin alym mólsherlemelerine sáıkes salyq alymy (budan ári – alym) alynady.
10. Ruqsat alý úshin jumys berýshi ne ol ýákilettik bergen adam «E-lısenzııalaý» memlekettik derek qory» aqparattyq júıesi arqyly ne qaǵaz túrinde sheteldik jumys kúshiniń eńbek qyzmetin júzege asyrý orny boıynsha jergilikti atqarýshy organǵa osy Qaǵıdalarǵa 5-qosymshaǵa sáıkes sheteldek jumys kúshin tartýǵa ruqsatty alý úshin usynylatyn qujattardy qosa bere otyryp, osy Qaǵıdalarǵa 4-qosymshaǵa sáıkes ótinish beredi.
11. Osy Qaǵıdalardyń 10-tarmaǵynda kózdelgen qujattar tolyq kólemde berilmegen jáne (nemese) belgilengen nysan boıynsha toltyrylmaǵan jaǵdaılarda jergilikti atqarýshy organ olar kelip túsken kúnnen bastap úsh jumys kúni ishinde ótinishke qosa berilgen qujattardy qaıtarady jáne jumys berýshige qujattardyń qaıtarylǵany týraly (Qaǵıdalarǵa sáıkes berilmegen jáne (nemese) belgilengen nysan boıynsha toltyrylmaǵan qujattardy kórsete otyryp) jazbasha negizdeme beredi.
Qujattardy qaǵaz túrinde qabyldaǵan kezde jergilikti atqarýshy organ jumys berýshige osy Qaǵıdalarǵa 6-qosymshaǵa sáıkes qabyldanǵan qujattardyń tizbesin kórsete otyryp, qolhat beredi.
12. Sheteldik jumys kúshin tartýǵa ruqsat:
1) birinshi sanat úshin – jyl saıyn on eki aı merzimge uzartýmen on eki aı;
2) ekinshi jáne úshinshi sanattar úshin – on eki aı merzimge, biraq úsh retten artyq emes uzartýmen on eki aı;
3) tórtinshi sanat úshin – uzartý quqyǵynsyz on eki aı;
4) maýsymdyq sheteldik jumyskerler úshin – uzartý quqyǵynsyz on eki aıǵa deıingi merzimge beriledi.
13. Jergilikti atqarýshy organ ruqsat berý ne ruqsat berýden bas tartý týraly sheshimdi jumys berýshiniń qujattaryn qabyldaǵan kúnnen bastap jeti jumys kúni ishinde qabyldaıdy.
Jergilikti atqarýshy organ sheshimdi jergilikti atqarýshy organ quratyn Sheteldik jumys kúshin tartýǵa ruqsattar berý jónindegi komıssııa (budan ári – Komıssııa) usynymdarynyń negizinde qabyldaıdy.
14. Komıssııanyń quramyna ishki ister organdarynyń, bilim berý salasyndaǵy organnyń jáne eńbek ınspeksııasy jónindegi jergilikti organnyń ókilderi kiredi.
15. Jumys berýshi ne onyń ókili óz uıǵarymy boıynsha Komıssııanyń otyrysyna qatysa alady. Jergilikti atqarýshy organ otyrys ótkiziletin kúnge deıin keminde úsh jumys kúni qalǵanda óziniń ınternet-resýrsynda Komıssııa otyrysynyń ótkiziletin kúni, ýaqyty jáne orny týraly aqparatty ornalastyrady.
16. Jergilikti atqarýshy organ «E-lısenzııalaý» memlekettik derekqory» aqparattyq júıesi arqyly ne jazbasha jumys berýshige ruqsatty berý ne berýden bas tartý, uzartý ne uzartýdan bas tartý týraly qabyldanǵan sheshim jóninde ony qabyldaǵan kúnnen keıin bir jumys kúni ishinde habarlaıdy.
17. Ruqsatty berý jáne (nemese) uzartý týraly sheshim qabyldaǵan jaǵdaıda jergilikti atqarýshy organ jumys berýshige osy Qaǵıdalarǵa 7-qosymshaǵa sáıkes habarlama jiberedi.
18. Ruqsatty berýden nemese uzartýdan bas tartý týraly sheshim qabyldaǵan jaǵdaıda jergilikti atqarýshy organ osy Qaǵıdalardyń 21-tarmaǵyna sáıkes onyń negizdemelerin kórsetedi.
19. Jumys berýshi ruqsatty berý týraly habarlama alǵan kúnnen bastap on jumys kúni ishinde «E-lısenzııalaý» memlekettik derekqory» aqparattyq júıesi arqyly ne qaǵaz túrinde jergilikti atqarýshy organǵa ruqsatty bergeni úshin alymdy engizgenin rastaıtyn qujattardyń kóshirmelerin beredi.
Jumys berýshi habarlama alǵan kúnnen bastap on jumys kúni ishinde jergilikti atqarýshy organǵa alymdy tólegenin rastaıtyn qujattardy bermegen kezde jergilikti atqarýshy organ ruqsatty berý týraly sheshimniń kúshin joıady.
20. Jergilikti atqarýshy organ osy Qaǵıdalardyń 19-tarmaǵynda kórsetilgen qujattardyń kóshirmelerin alǵan kúnnen bastap eki jumys kúni ishinde «E-lısenzııalaý» memlekettik derekqory» aqparattyq júıesi arqyly ne qaǵaz túrinde jumys berýshige ruqsat beredi.
Jumys berýshi eki jumys kúni ótken soń ruqsatty alýǵa kelmegen jaǵdaıda jergilikti atqarýshy organ poshtalyq jóneltilimdi alý týraly habarlamany ala otyryp, ruqsatty jumys berýshiniń tirkelgen mekenjaıy boıynsha poshta arqyly jiberedi.
21. Mynadaı:
1) bólingen kvotanyń mólsherinen asyp ketken;
2) jumys berýshi osy Qaǵıdalardyń 6-tarmaǵynda belgilengen sharttardy saqtamaǵan;
3) jumys berýshiniń sheteldik jumyskerlerdi ruqsatsyz tartý faktisi anyqtalǵan. Mundaı jaǵdaıda osyndaı fakti anyqtalǵan kúnnen bastap on eki aı boıy jańa ruqsattar berilmeıdi;
4) sheteldik jumys kúshiniń bilim deńgeıi (kásibı daıarlyǵy) jáne praktıkalyq jumys tájirıbesi (eńbek ótili) kásiptik standarttarǵa, Jumystar men jumysshy kásipteriniń biryńǵaı tarıftik-biliktilik anyqtamalyǵyna jáne Basshylar, mamandar jáne basqa da qyzmetshiler laýazymdarynyń biliktilik anyqtamalyǵyna, uıymdar basshylary, mamandary jáne basqa da qyzmetshileri laýazymdarynyń úlgilik biliktilik sıpattamalaryna sáıkes jumysshy kásipterine jáne basshylar, mamandar jáne qyzmetshiler laýazymdaryna qoıylatyn biliktilik talaptaryna sáıkes kelmegen jaǵdaılarda sheteldik jumys kúshin tartýǵa ruqsat berilmeıdi jáne uzartylmaıdy.
22. Ruqsat berilgen sheteldik jumysker jumys ornyna kelmegen nemese sheteldik jumys kúshin tartýǵa ruqsattyń qoldanylý merzimi aıaqtalǵanǵa deıin onymen eńbek sharty buzylǵan jaǵdaıda ol osy kásip úshin belgilengen biliktilik talaptaryna sáıkes kelgen kezde buryn berilgen ruqsatty bastapqyda berilgen ruqsattyń qoldanylý merzimi aıaqtalǵanǵa deıin qalǵan merzimge osy Qaǵıdalarda belgilengen tártippen jańa nómir bere otyryp, basqa sheteldik jumyskerge qaıta resimdeý júzege asyrylady.
Bul rette jumys berýshi ruqsat qaıta resimdeletin sheteldik jumyskerge osy Qaǵıdalarda kózdelgen qujattardy jiberedi. Jergilikti atqarýshy organ bastapqyda berilgen ruqsattyń qoldanysyn toqtatýǵa tıis.
Jergilikti atqarýshy organ ruqsat qoldanysynyń kúshi toqtatylǵan kúnnen bastap úsh jumys kúni ishinde Qazaqstan Respýblıkasy Ishki ister mınıstrliginiń (budan ári – QR IIM) oblystyq, Astana jáne Almaty qalalarynyń aýmaqtyq organyna ruqsattyń qoldanysy toqtatylǵany týraly aqparat joldaıdy.
23. Jergilikti atqarýshy organ buryn berilgen ruqsatty basqa sheteldik jumyskerge qaıta resimdeý týraly sheshimdi qujattardy qabyldaǵan kúnnen bastap bes jumys kúni ishinde, Komıssııa otyrysynda qaramaı qabyldaıdy.
24. Ruqsattyń qoldanylý merzimin uzartý úshin jumys berýshi ruqsattyń qoldanylý merziminiń aıaqtalýyna deıin keminde bir aıdan keshiktirmeı «E-lısenzııalaý» memlekettik derekqory» aqparattyq júıesi arqyly ne qaǵaz túrinde jergilikti atqarýshy organǵa mynadaı qujattardy jiberedi:
1) ótinish;
2) osy Qaǵıdalarǵa 2-qosymshaǵa sáıkes kadrlardaǵy jergilikti qamtý týraly aqparat;
3) tartylatyn sheteldik jumysker týraly málimetter;
4) sheteldik jumyskerdiń jeke basyn kýálandyratyn qujattyń kóshirmesi.
25. Jergilikti atqarýshy organ berilgen qujattardyń negizinde qujattardy qabyldaǵan kúnnen bastap úsh jumys kúni ishinde sheteldik jumys kúshin tartýǵa ruqsatty uzartý ne uzartýdan bas tartý týraly sheshim qabyldaıdy.
Ýákiletti organ ruqsattyń qoldanylý merzimin uzartý týraly oń sheshim qabyldaǵan jaǵdaıda ruqsat on eki aıǵa uzartylady, bul rette ruqsattyń qoldanylý merzimi buryn berilgen ruqsattyń qoldanylý merzimi aıaqtalǵan kúni bastalady.
Ruqsatty uzartý týraly sheshimdi jergilikti atqarýshy organ Komıssııa otyrysynda qaramaı júzege asyrady.
26. Jergilikti atqarýshy organ sheteldik jumys kúshin tartýǵa ruqsattyń merzimin uzartý ne uzartýdan bas tartý týraly sheshim qabyldaǵan kúnnen keıin bir jumys kúni ishinde «E-lısenzııalaý» memlekettik derekqory» aqparattyq júıesi arqyly ne qaǵaz túrinde jumys berýshige ruqsattyń merzimin uzartý ne uzartýdan bas tartý týraly habarlama jiberedi.
27. Jumys berýshi ruqsatty uzartý týraly habarlamany alǵan kúnnen bastap on jumys kúni ishinde «E-lısenzııalaý» memlekettik derekqory» aqparattyq júıesi arqyly ne qaǵaz túrinde jergilikti atqarýshy organǵa ruqsatty uzartqany úshin alymdy engizgenin rastaıtyn qujattardyń kóshirmelerin usynady.
28. Jumys berýshi habarlamany alǵan kúnnen bastap on jumys kúni ishinde jergilikti atqarýshy organǵa alymdy engizgenin rastaıtyn qujattardy usynbaǵan jaǵdaıda jergilikti atqarýshy organ sheteldik jumys kúshin tartýǵa ruqsattyń qoldanysyn toqtatý týraly sheshim qabyldaıdyn.
29. Jergilikti atqarýshy organ osy Qaǵıdalardyń 27-tarmaǵynda kórsetilgen qujattyń kóshirmesin alǵan kúnnen bastap eki jumys kúni ishinde «E-lısenzııalaý» memlekettik derekqory» aqparattyq júıesi arqyly ne qaǵaz túrinde jumys berýshige ruqsatty beredi.
Jumys berýshi habarlamany alǵan kúnnen bastap úsh jumys kúni ótken soń ruqsatty alýǵa kelmegen jaǵdaıda jergilikti atqarýshy organ poshtalyq jóneltilimdi alý týraly habarlamany ala otyryp, ruqsatty jumys berýshiniń tirkelgen mekenjaıy boıynsha poshta arqyly jiberedi.
30. Jergilikti atqarýshy organ bergen ruqsatty basqa jumys berýshilerge berýge bolmaıdy, tıisti ákimshilik-aýmaqtyq birliktiń aýmaǵynda ǵana qoldanylady.
Bul rette jumys berýshige ruqsat alynǵan sheteldik jumyskerlerdi ózge ákimshilik-aýmaqtyq birlik aýmaǵyndaǵy kásiporyndarǵa, uıymdarǵa kúntizbelik bir jyl ishinde jıyntyǵy kúntizbelik toqsan kúnnen aspaıtyn merzimge issaparǵa jiberýge ruqsat etiledi.
Sheteldik jumyskerlerdi issaparǵa jibergen kezde jumys berýshi sheteldik jumyskerlerdiń tirkelgen jeri jáne tıisti ákimshilik-aýmaqtyq birliktiń aýmaǵyna kelgen jeri boıynsha ishki ister organdaryn jazbasha habardar etedi.
31. Qyzmetin Qazaqstan Respýblıkasynda fılıal, ókildik qurmaı júzege asyratyn sheteldik zańdy tulǵa – jumys berýshi óz jumyskerlerin jumystardy oryndaý, qyzmetterdi kórsetýge kelisimshart boıynsha Qazaqstan Respýblıkasyna jibergen jaǵdaıda onyń ruqsat alýyna baılanysty qujattardy resimdeýdi paıdasyna jumystar oryndalatyn, qyzmetter kórsetiletin zańdy tulǵa (onyń ishinde fılıaly, ókildigi arqyly Qazaqstan Respýblıkasynda qyzmetin júzege asyratyn sheteldik zańdy tulǵa) júzege asyrady.
32. Jergilikti atqarýshy organ qoldanystaǵy sheteldik jumys kúshin tartýǵa ruqsattardy keri qaıtaryp alýdy mynadaı:
1) sheteldik jumyskerdi ruqsatta kórsetilgen kásipke nemese mamandyqqa sáıkes kelmeıtin kásip nemese mamandyq boıynsha tartqan;
2) jumys berýshi osy Qaǵıdalardyń 6-tarmaǵynda belgilengen sharttardy saqtamaǵan jaǵdaılarda júrgizedi. Bul rette jergilikti atqarýshy organ sany osy Qaǵıdalardyń 6-tarmaǵynda belgilengen paıyzdyq qatynastan asatyn sońǵy berilgen ruqsattardy keri qaıtaryp alady.
33. Sheteldik jumys kúshin tartýǵa ruqsattyń qoldanysy mynadaı:
1) ol berilgen merzim aıaqtalǵan;
2) ruqsat keri qaıtaryp alynǵan;
3) jeke tulǵa – jumys berýshiniń qyzmeti toqtatylǵan, zańdy tulǵa – jumys berýshi taratylǵan;
4) jumys berýshi ruqsatty jergilikti atqarýshy organǵa óz erkimen qaıtarǵan;
5) ruqsatty bergeni jáne uzartqany úshin alymdy tólegenin rastaıtyn qujattardyń kóshirmelerin engizbegen jaǵdaılarda toqtatylady.
Jergilikti atqarýshy organ ruqsattyń qoldanysyn toqtatý týraly sheshimin qabyldaǵan kúnnen bastap úsh jumys kúni ishinde QR IIM-niń oblystyq, Astana jáne Almaty qalalarynyń aýmaqtyq organyna ruqsattyń qoldanysy toqtatylǵany týraly aqparat joldaıdy.
2-paragraf. Korporatıvishilik aýystyrý sheńberinde júzege asyrylatyn sheteldik jumys kúshin tartýǵa ruqsat berý jáne (nemese) uzartý sharttary men tártibi
34. Korporatıvishilik aýystyrý kezeńinde sheteldik jumyskerge qabyldaýshy taraptyń jumys ýaqyty men tynyǵý ýaqytynyń rejımi, sondaı-aq eńbek qaýipsizdigi jáne eńbekti qorǵaýdy saqtaý boıynsha talaptary qoldanylady, bul rette eńbek qatynastary Qazaqstan Respýblıkasynyń Eńbek kodeksiniń 28-babyna sáıkes sheteldik jumysker men odan korporatıvishilik aýystyrý júzege asyrylatyn zańdy tulǵanyń arasynda jasalǵan eńbek shartymen (nemese kelisimimen) retteledi.
35. Korporatıvishilik aýystyrý sheńberinde aýystyrylatyn sheteldik jumyskerlerdi tartý Zańnyń 32-babynyń 3-tarmaǵyna sáıkes Qazaqstan Respýblıkasynyń Úkimeti aıqyndaıtyn ekonomıka salalarynda júzege asyrylady.
36. Korporatıvishilik aýystyrý sheńberinde júzege asyrylatyn sheteldik jumys kúshin tartýǵa ruqsat berý jáne (nemese) uzartý tegin negizinde júzege asyrylady.
37. Korporatıvishilik aýystyrý sheńberinde sheteldik jumyskerlerdi tartý sharttaryn aıqyndaý maqsatynda jumyskerlerdiń mynadaı sanattary belgilenedi:
1) basshylar; 2) menedjerler; 3) mamandar.
38. Korporotıvishilik aýystyrýlar sheńberinde ruqsat mynadaı jaǵdaılarda beriledi:
1) basshyda, menedjerde jáne mamanda Dúnıejúzilik saýda uıymyna múshe eldiń aýmaǵynda qurylǵan, Qazaqstan Respýblıkasynyń aýmaǵynan tys jerde ornalasqan jáne áreket etetin, sheńberinde korporotıvishilik aýystyrý júzege asyrylatyn zańdy tulǵada keminde bir jyl jumys tájirıbesiniń bolýy jáne olardyń mynadaı talaptarǵa sáıkes kelýi:
2) Qazaqstan Respýblıkasynda qoldanylatyn kásiptik standarttarǵa, Basshylar, mamandar jáne basqa da qyzmetshiler laýazymdarynyń biliktilik anyqtamalyǵyna, uıym basshylary, mamandary jáne basqa da qyzmetshileri laýazymdarynyń úlgilik biliktilik sıpattamalaryna, sondaı-aq 01-99 «Kásipter synyptaýyshy» Qazaqstan Respýblıkasynyń Memlekettik synyptaýyshyna saı biliktilik talaptaryna sáıkes kelýi;
3) «Bilim jáne ǵylym salasyndaǵy memlekettik kórsetiletin qyzmetter standarttaryn bekitý týraly» Qazaqstan Respýblıkasy Bilim jáne ǵylym mınıstriniń 2015 jylǵy 16 sáýirdegi № 212 buıryǵymen bekitilgen (Qazaqstan Respýblıkasy Ádilet mınıstrliginde 2015 jyly 3 maýsymda № 11820 bolyp tirkelgen) «Qazaq tilin bilý deńgeıin baǵalaý (QAZTEST)» memlekettik kórsetiletin qyzmet standartyna sáıkes beriletin sertıfıkatpen rastalǵan qazaq tilin qarapaıym deńgeıinen tómen emes bilýi (sheteldik jumyskerdi maman retinde tartqan kezde).
39. Jergilikti atqarýshy organ ruqsatty bos jumys oryndary bolǵan jáne biliktilik deńgeıi bos orynǵa ornalasý úshin deńgeıge sáıkes keletin úmitkerler bolmaǵan kezde beredi.
40. Tıisti kandıdatýralardy ishki eńbek naryǵynan izdeý jumys berýshilerdiń respýblıkalyq, jergilikti merzimdi basylymdarda, sondaı-aq jekemenshik jumyspen qamtý agenttikteriniń ınternet-resýrstarynda memlekettik jáne orys tilderinde bar bos oryndar týraly habarlandyrýlar jarııalaýy jáne bos jumys oryndarynyń (bos laýazymdardyń) bolýy týraly málimetterdi sheteldik jumys kúshiniń eńbek qyzmetin júzege asyrý orny boıynsha halyqty jumyspen qamtý ortalyǵyna joldaýy jolymen Zańǵa sáıkes júzege asyrylady.
Habarlandyrýlarda mynadaı málimetter kórsetiledi:
1) Qazaqstan Respýblıkasynda qoldanylatyn kásiptik standarttarǵa, Basshylar, mamandar jáne basqa da qyzmetshiler laýazymdarynyń biliktilik anyqtamalyǵyna, uıymdar basshylary, mamandary jáne basqa da qyzmetshileri laýazymdarynyń úlgilik biliktilik sıpattamalaryna, sondaı-aq 01-99 «Kásipter synyptaýyshy» Qazaqstan Respýblıkasynyń Memlekettik synyptaýyshyna sáıkes laýazymǵa (kásipke) qoıylatyn biliktilik talaptary;
2) jumys berýshiniń jáne jergilikti atqarýshy organnyń ataýy, ornalasqan jeri jáne baılanys telefondary. Sondaı-aq bos oryndarǵa ornalasýǵa úmitkerler óz málimetterin jumys berýshiniń jáne jergilikti atqarýshy organnyń mekenjaıyna jiberetini kórsetiledi.
Jergilikti atqarýshy organ jumys berýshiden bos oryndardyń bolýy týraly málimetterdi alǵannan keıin jumyspen qamtý ortalyǵynyń derekqory boıynsha úmitkerlerdi izdeýdi júzege asyrady.
Izdeýdiń oń nátıjesi jaǵdaıynda jergilikti atqarýshy organ úmitkerlerdi jumys berýshige áńgimelesýge jiberedi. Bos oryndarǵa ornalasýǵa úmitkerlermen áńgimelesýdi jumys berýshi jumyspen qamtý ortalyǵy ókiliniń qatysýymen júzege asyrady.
Áńgimelesýdiń qorytyndysy boıynsha jumys berýshi osy Qaǵıdalarǵa 8-qosymshaǵa sáıkes nysan boıynsha jumys berýshiniń bos orynǵa ornalasýǵa úmitkermen áńgimelesýiniń hattamasyn jasaıdy.
41. Korporatıvishilik aýystyrý sheńberinde sheteldik jumyskerlerdi tartýǵa ruqsatty alý úshin jumys berýshi bos oryndar týraly habarlandyrýlardy jarııalaǵan kúnnen bastap kúntizbelik otyz kún ótken soń «E-lısenzııalaý» memlekettik derekqory» aqparattyq júıesi arqyly ne qaǵaz túrinde sheteldik jumys kúshiniń eńbek qyzmetin júzege asyrý orny boıynsha jergilikti atqarýshy organǵa osy Qaǵıdalarǵa 9-qosymshasyna sáıkes korporatıvishilik aýystyrý sheńberinde aýystyrylatyn sheteldik jumyskerlerdi tartýǵa ruqsatty alý úshin usynylatyn qujattardy qosa bere otyryp, osy Qaǵıdalarǵa 4-qosymshaǵa sáıkes nysan boıynsha ótinish beredi.
42. Jergilikti atqarýshy organ ruqsattardy bergen kezde jumys berýshimen kelisý boıynsha oǵan mynadaı erekshe sharttardyń birin júkteıdi:
1) Qazaqstan Respýblıkasynyń azamattaryn tartylatyn sheteldik jumyskerdiń mamandyǵy boıynsha keıinnen sheteldik jumyskerlerdi aýystyra otyryp kásiptik daıarlaý;
2) Qazaqstan Respýblıkasynyń azamattaryn tartylatyn sheteldik jumyskerdiń mamandyǵy boıynsha keıinnen sheteldik jumyskerlerdi aýystyra otyryp qaıta daıarlaý;
3) keıinnen sheteldik jumyskerlerdi aýystyra otyryp, Qazaqstan Respýblıkasy azamattarynyń biliktiligin arttyrý;
4) Qazaqstan Respýblıkasynyń azamattary úshin sheteldik jumyskerler tartylatyn mamandyqtar boıynsha qosymsha jumys oryndaryn qurý.
43. Korporatıvishilik aýystyrý kezinde:
menedjerdi – jumys berýshi osy Qaǵıdalardyń 42-tarmaǵynda kózdelgen sharttardyń birin tańdaıdy;
mamandy – jumys berýshi osy Qaǵıdalardyń 42-tarmaǵynda 1), 3) jáne 4) tarmaqshalarynda kózdelgen sharttardyń birin tańdaıdy.
44. Jergilikti atqarýshy organ jumys berýshige sheteldik jumys kúshin tartýǵa berilgen ruqsattardyń sanyna sáıkes erekshe sharttar sanyn júkteıdi.
45. Erekshe sharttardy kelisý Qaǵıdalarǵa 10-qosymshaǵa sáıkes ruqsat berýdiń erekshe sharttaryn jumys berýshimen kelisý nysany boıynsha júzege asyrylady.
46. Sheteldik jumys kúshin tartýǵa ruqsattardyń:
osy Qaǵıdalardyń 42-tarmaǵynyń 3) jáne 4) tarmaqshalarynda kózdelgen erekshe sharttaryn oryndaý ruqsattyń qoldanylý merzimi ishinde júrgiziledi;
osy Qaǵıdalardyń 42-tarmaǵynyń 1) jáne 2) tarmaqshalarynda kózdelgen erekshe sharttaryn oryndaý ruqsattyń qoldanylý merziminiń alǵashqy alty aıy ishinde júrgiziledi.
47. Korporatıvishilik aýystyrý sheńberinde sheteldik jumyskerlerdi tartatyn jumys berýshi sheteldik jumyskerler (menedjerler jáne mamandar) sanynyń tıisti sanattaǵy qazaqstandyq kadrlar sanyna elý paıyzdan aspaıtyn paıyzdyq qatynasyn qamtamasyz etedi.
Jumys berýshi korporatıvishilik aýystyrý sheńberinde sheteldik jumyskerlerdi tartqan kezde kadrlardaǵy jergilikti qamtý týraly aqparatty jergilikti atqarýshy organǵa osy Qaǵıdalarǵa 11-qosymshaǵa sáıkes nysan boıynsha beredi.
48. Sheteldik jumyskerdi basshy laýazymdarǵa tartqan kezde Qazaqstan Respýblıkasy azamattarynyń sanyna qatynasty saqtaý jónindegi talaptar qoldanylmaıdy.
49. Jergilikti atqarýshy organ qajetti qujattardy qabyldaýdy, sondaı-aq sheteldik jumys kúshin tartýǵa ruqsatty berýdi jáne uzartýdy www.egov.kz, www.elicense.kz «elektrondyq úkimet» veb-portaly arqyly elektrondyq tásilmen ne qaǵaz túrinde júzege asyrady.
50. Korporatıvishilik aýystyrý sheńberinde sheteldik jumys kúshin tartýǵa ruqsat mynadaı:
1) jumys berýshi osy Qaǵıdalardyń 47-tarmaǵynda belgilengen sharttardy saqtamaǵan;
2) ishki eńbek naryǵynda tıisti usynystar bolǵan (jumysqa ornalasqysy keletin adam jumys berýshiniń jáne halyqty jumyspen qamtý ortalyǵy ókiliniń oń baǵasyn alǵan kezde);
3) jumys berýshiniń sheteldik jumyskerlerdi ruqsatsyz tartý faktisi anyqtalǵan. Mundaı jaǵdaıda osyndaı fakti anyqtalǵan kúnnen bastap on eki aı boıy jańa ruqsattar berilmeıdi;
4) ótken jáne aǵymdaǵy kúntizbelik jyldar úshin berilgen ruqsattardyń oryndalý merzimi kelgen erekshe sharttaryn (bar bolsa) oryndamaǵan;
5) sheteldik jumys kúshiniń bilim deńgeıi (kásiptik daıarlyǵy) men praktıkalyq jumys tájirıbesi (ótili) osy Qaǵıdalardyń 37 jáne 38-tarmaqtarynda kózdelgen talaptarǵa sáıkes kelmegen jaǵdaılarda berilmeıdi nemese uzartylmaıdy.
51. Jergilikti atqarýshy organ mynadaı:
1) sheteldik jumyskerdi ruqsatta kórsetilgen kásipke nemese mamandyqqa sáıkes kelmeıtin kásip nemese mamandyq boıynsha tartqan;
2) jumys berýshi osy Qaǵıdalardyń 47-tarmaǵynda belgilengen sharttardy saqtamaǵan jaǵdaılarda qoldanystaǵy korporatıvishilik aýystyrý sheńberinde sheteldik jumys kúshin tartýǵa ruqsatty keri qaıtaryp alýdy júrgizedi. Bul rette jergilikti atqarýshy organ sany osy Qaǵıdalardyń 47-tarmaǵynda belgilengen paıyzdyq qatynastan asatyn sońǵy berilgen ruqsattardy keri qaıtaryp alady.
Jergilikti atqarýshy organ ruqsatty keri qaıtaryp alǵan kúnnen bastap úsh jumys kúni ishinde QR IIM oblystyq, Astana jáne Almaty qalalarynyń aýmaqtyq organyna osy Qaǵıdalarǵa 12-qosymshaǵa sáıkes keri qaıtaryp alynǵan sheteldik jumys kúshin tartýǵa ruqsattar týraly aqparat joldaıdy.
52. Korporatıvishilik aýystyrý sheńberinde sheteldik jumys kúshin tartýǵa ruqsattar eńbek shartynda kórsetilgen aýystyrý merzimine, biraq bir retten asyrmaı on eki aıǵa uzartý quqyǵymen úsh jyldan aspaıtyn merzimge beriledi.
Eńbek sharty bolmaǵan kezde korporatıvishilik aýystyrý merzimi korporatıvishilik aýystyrý týraly hatta nemese kelisimde (shartta), biraq bir retten asyrmaı on eki aıǵa uzartý quqyǵymen úsh jyldan aspaıtyn merzim bolyp aıqyndalady.
53. Jergilikti atqarýshy organ bergen ruqsatty basqa jumys berýshilerge berýge bolmaıdy, jumys berýshiniń ruqsat alǵan sheteldik jumyskerlerdi ózge ákimshilik-aýmaqtyq birlikterdiń aýmaǵynda ornalasqan kásiporyndarǵa, uıymdarǵa kúntizbelik bir jyl ishinde jıyntyǵy kúntizbelik toqsan kúnnen aspaıtyn merzimge issaparǵa jiberýin qospaǵanda, tıisti ákimshilik-aýmaqtyq birliktiń aýmaǵynda ǵana qoldanylady.
Sheteldik jumyskerlerdi issaparǵa jibergen kezde jumys berýshi sheteldik jumyskerlerdiń tirkelgen jeri jáne tıisti ákimshilik-aýmaqtyq birliktiń aýmaǵyna kelgen jeri boıynsha ishki ister organdaryn jazbasha habardar etedi.
54. Sheteldik jumys kúshin tartýǵa ruqsat berilgen sheteldik jumysker jumys ornyna kelmegen nemese sheteldik jumys kúshin tartýǵa ruqsattyń qoldanylý merzimi aıaqtalǵanǵa deıin onymen eńbek sharty buzylǵan jaǵdaıda ol osy kásip úshin belgilengen, osy Qaǵıdalarǵa 9-qosymshada kózdelgen qujattarmen rastalǵan biliktilik talaptaryna sáıkes kelgen kezde buryn berilgen ruqsatty jańa nómir bere otyryp, basqa sheteldik jumyskerge qaıta resimdeý júzege asyrylady.
Qaıta resimdelgen ruqsat bastapqyda berilgen ruqsattyń qoldanylý merzimi aıaqtalǵanǵa deıin qalǵan merzimge beriledi.
55. Jergilikti atqarýshy organ buryn berilgen sheteldik jumys kúshin tartýǵa ruqsatty basqa sheteldik jumyskerge qaıta resimdeý týraly sheshimdi qujattardy qabyldaǵan kúnnen bastap bes jumys kúni ishinde, Komıssııa otyrysynda qaramaı qabyldaıdy.
56. Jergilikti atqarýshy organ ruqsatty uzartý týraly sheshimdi qujattardy qabyldaǵan kúnnen bastap bes jumys kúni ishinde Qaǵıdalarǵa sáıkes, Komıssııa otyrysynda qaramaı júzege asyrady.
57. Korporatıvishilik aýystyrý sheńberinde sheteldik jumys kúshin tartýǵa ruqsattyń qoldanysy mynadaı:
1) ol berilgen merzim aıaqtalǵan;
2) ruqsat keri qaıtaryp alynǵan;
3) jeke tulǵa – jumys berýshiniń qyzmeti toqtatylǵan, zańdy tulǵa – jumys berýshi taratylǵan;
4) jumys berýshi ruqsatty jergilikti atqarýshy organǵa óz erkimen qaıtarǵan jaǵdaılarda toqtatylady.
58. Sheteldik jumys kúshin tartýǵa ruqsattyń merzimin uzartý úshin jumys berýshi ruqsattyń qoldanylý merziminiń aıaqtalýyna deıin keminde bir aıdan keshiktirmeı «E-lısenzııalaý» memlekettik derekqory» aqparattyq júıesi arqyly ne qaǵaz túrinde jergilikti atqarýshy organǵa mynadaı qujattardy:
1) ótinishti;
2) ótken jáne aǵymdaǵy kúntizbelik jyldar úshin berilgen ruqsattardyń oryndalý merzimi kelgen erekshe sharttaryn (bar bolsa) oryndaý týraly aqparatty;
3) osy Qaǵıdalarǵa 11-qosymshaǵa sáıkes korporatıvishilik aýystyrý sheńberinde sheteldik jumys kúshin tartqan kezde kadrlardaǵy jergilikti qamtý týraly aqparatty;
4) ruqsat merzimin uzartýdyń negizdemesin;
5) osy Qaǵıdalarǵa 9-qosymshanyń 5-tarmaǵynda kózdelgen tartylatyn sheteldik jumyskerler