Memleket basshysy Nursultan Nazarbaevtyń Jarlyǵymen Qazaqstanda Qorǵanys jáne aeroǵarysh ónerkásibi mınıstrligin quryldy dep habarlaıdy Egemen-aqparat Aqordanyń baspasózi qyzmetine silteme jasap.
Jarlyqqa sáıkes jańa mınıstrliktiń negizgi qyzmet baǵyttary mynadaı:
Qorǵanys, aeroǵarysh ónerkásibi jáne elektrondyq ónerkásip, aqparattandyrý jáne baılanys salasyndaǵy aqparattyq qaýipsizdik (kıberqaýipsizdik), jumyldyrý daıarlyǵy jáne jumyldyrý salasyndaǵy memlekettik saıasatty iske asyrý, memlekettik materıaldyq rezervti qalyptastyrý jáne damytý, biryńǵaı áskerı-tehnıkalyq saıasatty jáne áskerı-tehnıkalyq yntymaqtastyqty júrgizýge qatysý, qorǵanystyq tapsyrysty qalyptastyrý, ornalastyrý jáne oryndaý salasyna basshylyq jasaý.
Jańadan qurylǵan Mınıstrlikke:
Qazaqstan Respýblıkasynyń Qorǵanys mınıstrliginen – qorǵanys ónerkásibi salasyndaǵy;
Qazaqstan Respýblıkasynyń Investısııalar jáne damý mınıstrliginen – ǵarysh qyzmeti salasyndaǵy;
Qazaqstan Respýblıkasynyń Ulttyq ekonomıka mınıstrliginen – jumyldyrý daıarlyǵy jáne jumyldyrý, memlekettik materıaldyq rezervti qalyptastyrý jáne damytý salasyndaǵy;
Qazaqstan Respýblıkasy Premer-Mınıstriniń Keńsesinen – aqparattyq qaýipsizdikti qamtamasyz etý jáne Qazaqstan Respýblıkasynyń Aqparat jáne kommýnıkasııalar mınıstrliginen aqparattandyrý jáne baılanys salasyndaǵy aqparattyq qaýipsizdikti qamtamasyz etý salasyndaǵy fýnksııalar men ókilettikter beriledi.
Egemen-aqparat