Eńbegi eldiń esinde

Keshe Astanadaǵy Qazaq ulttyq «Shabyt» óner ýnıversıtetinde qazaq óneriniń jergilikti jerdegi janashyry bolyp, úlken qyzmetter istegen, sonyń ishinde S.Seıfýllın atyndaǵy pedınstıtýtta óner fakýltetiniń ashylýyna muryndyq bolǵan Saılaý Boranbaevtyń 80 jyldyǵyna arnalǵan ǵylymı-praktıkalyq konferensııa boldy. Ulaǵatty ustaz, tabandy tá­lim­ger, ult óneriniń janashyry, tamasha azamat Saılaý Boran­baevtyń eli úshin etken eńbegi men qyzmetiniń jetkilikti dárejede elenbeı kelgendigi týraly «Egemen» ótken jylǵy jel­toqsan aıynda jazǵan edi («Elen­beı júrgen bir esim»., 03.12.2010 j.) Atalǵan konferensııa sol maqa­la­da kótergen máselelerdi qýattaı túskendeı shara boldy. Konferensııany ýnıversıt rek­tory Aıman Musaqojaeva ashyp, jı­nalǵandarǵa quttyqtaý sózin aıt­ty. Osydan keıin Saılaý Boranbaev týraly derekti fılm kórsetildi. Onda azamattyń ómir jolyna qys­qa­sha sholý jasaldy. Sóz kezegi ózi­ne berilgende Qazaqstannyń Eńbek Eri, ataqty kompozıtor Erkeǵalı Rah­madıev Saılaý Boranbaevty óte jaq­sy bilgendigin jáne onyń sol­tústik oblystarda qazaq ónerin da­my­týǵa sińirgen eńbegin Ybyraı Al­­tyn­sarınniń halyq aǵartý isine jasaǵan eńbegindeı kóretinin tilge tıek etti. «Sary Arqa» jýrnalynyń bas redaktory, Qazaqstannyń eńbek si­ńirgen qaıratkeri, jazýshy Nur­ǵoja Oraz Saılaý Boranbaevtyń Aq­mo­la­ǵa qazaq óneri tyń ıgerý sal­dary­nan qatty zardap shegip jatqan kezde kelgendigin aıtty. Sol shaqta, dedi jazýshy, barlyq konsert, óner sharalary tek orys tilinde ótetin. Arasyna bir nómir de qazaq ánin qospaıtyn. Olar bizde óner múlde joqtaı kóretin. Osyndaı kezde Saılaý aǵamen birigip, qazaq óner ujym­daryn qur­maq boldyq. Sonda bizge Aqmo­la­daǵy Tyń ıgerýshiler, Te­mir­­jol­shy­lar saraıynan bir bólme de beril­megen edi. Tipti, ózimizdi bas­tyq­tar, sonyń ishinde qazaqtary da bar, «ultshyldar» dep aıyp­tap, qý­da­laýǵa da salǵan. Osynyń bárine S.Boranbaev tótep berip, artynan bá­ri­bir qazaq óner ujymdaryn uıym­­dastyra bildi, dep qorytty sózin. Konferensııaǵa elimizdiń kóp­tegen oblystarynan, Reseıden, Ger­manııadan Saılaý Boran­baev­tyń shá­kirtteri kelgen eken. Olar­dyń bá­ri de aıtylǵan estelikterinde Saı­laý Boranbaevtyń erekshe eńbe­gin aýyz­ǵa aldy. Jasal­ǵan ǵylymı baıandamalar negizinen S.Boran­baev­tyń mý­zykalyq aǵartýshylyq, peda­gogtyq qyz­meti men ǵylymı eńbek­terin tal­qy­laýǵa arnaldy. Konferensııa barysynda óner­ge aıtarlyqtaı eńbek sińir­gen jer­gilikti azamat Saılaý Boran­baevtyń jarqyn esimin este qal­dyrý úshin Astana qalasynyń bir kóshesine jáne bir mýzyka mektebine onyń atyn berýdi ótinip, qala ákimdigine hat jazý kerektigi týra­ly sheshim qabyldandy. Jaqsybaı SAMRAT.