Aıta keteıik, buryn qyzmet alýshy bul memlekettik qyzmetti alý úshin HQKO-ǵa keminde úsh ret barýy qajet bolatyn.
«Azamattarǵa arnalǵan úkimet» memlekettik korporasııasy» KEAQ basqarma tóraǵasynyń orynbasary Medet Qumarǵalıevtiń aıtýynsha, derekterdiń ózgeristerin tirkeýge 2 fakti - qaıta ólsheý kezinde anyqtalǵan alańnyń ózgerisi jáne jyljymaıtyn múlik nysanyn qaıta josparlaǵan jaǵdaıdaǵy sáıkestendirý sıpattamalarynyń ózgerisi negiz bolýy múmkin.
Jóndeý jumystarynyń, balkon alańynyń qosylýy jáne t.b. nátıjesinde alań kólemi ózgergen jaǵdaıda, azamat sáıkestendirý derekteriniń ózgeristerimen tirkelgen tehnıkalyq tólqujatty jáne quqyq belgileıtin qujatty (satý-satyp alý sharty, jekeshelendirý, syıǵa berý jáne t.b.) alady.
Jyljymaıtyn múlik qaıta jobalanǵan nemese qaıta jabdyqtalǵan jaǵdaıda, azamat jyljymaıtyn múlik nysanynyń sáıkestendirý sıpattamalarynyń ózgeristerin tirketýi qajet. Ol úshin aldymen ózgeristerdi zańdastyrý úshin sáýlet organdaryna júginý kerek, nátıjesinde ol paıdalanýǵa qabyldaý aktisin alady.
Biraq, M. Qumarǵalıevtiń aıtýynsha, endi barlyq qujattar toptamasyn memlekettik korporasııa qyzmetkeri jınap bere alady. Ol senimhat negizinde óz betinshe barlyq qujattar toptamasyn jınaqtaıdy, onyń ishinde paıdalanýǵa arnalǵan qabyldaý aktisin de resimdeıdi. Al qyzmet alýshy HQKO-dan daıyn qujatty alady.
Aıta ketý kerek, qujattar toptamasyn jınaqtaý qyzmetin memlekettik korporasııa qyzmetkerleri aqyly negizde júzege asyrady, - dep habarlaıdy Premer-mınıstrdiń resmı saıty.