Qazaqstandaǵy eń tómen kúnkóris deńgeıi Jambyl oblysynda (20 581 teńge) tirkeldi. Bul týraly Qazaqparat ranking.kz-ke silteme jasap habarlady.
Eseptegi málimetterge sáıkes, eń tómen kúnkóristiń joǵary deńgeıi Mańǵystaý oblysynda (28 785 teńge) 2015 jyldyń sońyna qaraı 117% óskeni baıqalady. Odan keıingi orynda eń tómengi kúnkóris deńgeıi 27 435 jáne 25 858 teńge bolatyn Astana men Almaty tur, 2015 jyldyń sońyna qaraı, Astanadaǵy ósý ındeksi +121,4% bolǵan. Shyǵys Qazaqstan, Atyraý jáne Almaty oblystaryndaǵy tómengi kúnkóristiń ortasha deńgeıi anyqtalǵan (23 422 teńge).
Eń joǵarǵy ósý ındeksi - Soltústik Qazaqstan oblysy (+122,3%).
Shilde aıynda Qazaqstandaǵy eń tómengi kúnkóris kólemi 23 191 teńgeni qurady.
2016 jyldyń qyrkúıek aıynda Qazaqstandaǵy tutyný baǵalarynyń ındeksi ótken jylǵy qyrkúıekpen salystyrǵanda 116,6% bolǵan.
Jyl basynan beri bul kórsetkish turaqty ósim kórsetip tur. Eń joǵarǵy baǵa ósimi azyq-túlikke jatpaıtyn taýarlar sanatynda baıqalady - 6,8%, azyq-túlik taýarlary 4,9% qymbattaǵan, tutyný taýarlary - 5,6%, aqyly qyzmetter - 5,3%.
2015-2016 jyldar dınamıkasyna sáıkes, azyq-túlik sebetiniń úlesi 60%-dy quraıdy, azyq-túlikke jatpaıtyn taýarlar men aqyly qyzmetterge 40% keledi. Eń tómengi kúnkóris deńgeıiniń ósý serpinin de atap ótken jón: 2016 jyly qyrkúıek aıynyń sońynda 2015 jyldyń osy kezeńimen salystyrǵanda 12%-ǵa ósken. Eń tómengi kúnkóris deńgeıi 19 800 teńge bolǵan 2015 jyldyń sońynda da dál osyndaı ósim tirkelgen. Bul 2016 jyldyń alǵashqy jartysyndaǵy eń joǵarǵy kórsetkish, sebebi 2015 jyldyń qorytyndysy boıynsha, qańtar-mamyr aılaryndaǵy ósim 2-4% shamasynda ǵana bolǵan edi.