Qaraǵandy oblysyndaǵy Aqtoǵaı aýdanynda tabıǵatty qorǵaý polısııasynyń qyzmetkerleri men «Ohotzooprom» mekemesiniń ınspektorlary birigip júrgizgen reıd barysynda zańsyz ań-qus atqan brakonerler ustaldy.
Saryterek selolyq okrýgindegi Keneli qystaǵynyń mańynda qolǵa túsken bul bes brakoner Balqash qalasynyń turǵyndary bolyp shyqty. Tekserý barysynda olardyń avtokólikterinen oqqa ushqan 47 qur, arqardyń laǵy jáne ańshy myltyǵy tabyldy.
Qazirgi ýaqytta kúdiktilerge qatysty sotqa deıingi tergeý amaldary júrgizilýde.
Qaırat ÁBILDINOV,
«Egemen Qazaqstan»
Qaraǵandy oblysy,
Aqtoǵaı aýdany