AQSh kólik mınıstrligi jolaýshylar men ekıpaj múshelerine Galaxy Note 7 smartfondaryn ushaq bortyna ákelýge tyıym saldy. Bul týraly BBC agenttigi habarlady.
Mekeme saıtyndaǵy habarlamaǵa súensek, smartfondardy qol júgimen alyp kirýge ǵana emes, júkpen birge tasymaldaýǵa da tyıym salyndy.
Osylaısha, mekeme jolaýshylardy ushaq bortynda mobıldi qurylǵydan týyndaýy múmkin órt qaýpinen saqtaǵysy keledi.
«Atalǵan telefondarǵa tyıym salý birqatar jolaýshylarǵa yńǵaısyzdyq týdyratynyn bilemiz, alaıda borttaǵy qaýipsizdik odan da mańyzdyraq», - delingen AQSh kólik mınıstrliginiń máilmdemesinde.
Budan bylaı jolaýshylar qurylǵyny ushaqqa alyp ótýge árekettense, qurylǵy tárkilenip, jolaýshyǵa aıyppul salynady. Eger smartfondy júk arasyna salyp, borttaǵy órt qaýpin ulǵaıtsa, qylmystyq qýǵyndaýǵa ushyraýy da múmkin.