Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaev EQYU/DIAQB-nyń Qazaqstan Respýblıkasynyń kezekten tys prezıdenttik saılaýyn baqylaý jónindegi mıssııasynyń basshysy Daan Evertsti qabyldady, dep habarlady QR SIM-iniń baspasóz qyzmeti.
Kezdesý barysynda suhbattastar 2010 jyly Qazaqstan EQYU-ǵa tóraǵalyǵy barysynda DIAQB-men tıimdi yntymaqtastyq baılanystarda bolǵanyn atap kórsetti.
Qazaqstan syrtqy saıasat vedomstvosynyń basshysy meımandy aldaǵy prezıdenttik saılaýǵa daıyndyq barysymen tanystyryp, Qazaqstanda halyqaralyq standarttarǵa sáıkes ashyq, móldir jáne taza saılaý ótkizýge úlken mańyz beriletinin aıtty.
Q.Saýdabaev suhbattasyna saılaýǵa baıqaýshylar mıssııasyn jedel uıymdastyrǵany úshin rızashylyǵyn jetkizip, elimizdiń Syrtqy ister mınıstrligi mıssııanyń tolyqqandy jáne tıimdi jumysy úshin barlyq qajetti jaǵdaıdy jasaýǵa daıyn ekenin málimdedi.