(Respýblıkalyq saılaýǵa qatysý úshin Qazaqstan Respýblıkasynyń azamattarynyń jeke basyn kýálandyratyn qujattarynyń biri bolýy qajet (tólqujat nemese jeke kýálik).
Sonymen qatar, azamattarǵa jeke kýáligi joǵalǵan, qoldanysqa jaramsyz bolǵan jaǵdaılarda jáne jeke basyn kýálandyratyn qujattary joq azamattarǵa olardyń ótinishi boıynsha jeke basyn kýálandyratyn jańa qujattar alǵanǵa deıin ádilet organdarymen turǵylyqty jeri boıynsha (tirkeý) ýaqytsha jeke kýálik beriletinin habarlaımyz.
Ýaqytsha jeke kýálik Qazaqstan Respýblıkasynyń aýmaǵynda jaramdy jáne saılaýǵa qatysý úshin qoldanýǵa bolady.
Osyǵan oraı, joǵaryda kórsetilgen sebepterge baılanysty saılaýǵa deıin, jeke basty kýálandyratyn qujattar bolmaǵan jáne olar daıyndalmaǵan jaǵdaıda, siz ádilet basqarmasynyń turǵylyqty jerińiz boıynsha (tirkeý) aýmaqtyq halyqty qujattandyrý jáne tirkeý bólimderine júginip, ýaqytsha jeke kýálik alý úshin kelesi qujattaryńyzdy usynýǵa quqylysyz:
– aýmaqtyq ádilet basqarmasy basshysynyń atyna ótinish;
– turaqty tirkeýdi rastaıtyn azamattardy tirkeý kitaby nemese meken-jaı bıýrosynyń anyqtamasy;
– jeke basty kýálandyratyn qujat úshin aılyq eseptik kórsetkishtiń 20% kóleminde memlekettik baj tólemi tólengeni týraly túbirtek;
3,5 h4,5 sm kólemindegi 1 fotosýret, dep habarlady Ádilet mınıstrliginiń baspasóz qyzmeti. Tel./faks: 74-06-01, veb-saıt: http://www.minjust.kz, elektrondyq meken-jaıy: press@minjust.kz