Olımpıadanyń boıtumary

Reseıde 2014 jy­ly Sochıde óte­­tin Qysqy Olımpııa oıyndarynyń boıtumaryna ja­rııa­lanǵan baıqaý máresine jetti. Oǵan 1,5 mln. ha­lyq qatysyp, qory­­tyn­­dysynda úsh boı­­tumar tań­dap alyn­dy. Sóı­tip, leopard, aq aıý men aq qoıan Olım­pıadanyń boı­tu­ma­ry bolyp qa­byl­­dandy. Leo­pard­­qa halyqtyń 28 pa­ıyzy, aq aıýǵa – 18, al aq qoıanǵa – 16 paıyz daýys beripti. Bulardan basqa baıqaýǵa qatysqan delfın – 12, aqsha qar – 10, kún – 8, matreshka – 5, sur aıý – 3 paıyz daýys jınapty. Al Sochı Paraolımpıadasynyń boıtumary bolyp Otty bala men Aqsha qar tańdap alyndy. JASTAR OIYNDARY Osy kúnderi Týrızm jáne sport mı­nıstr­liginiń uıymdastyrýymen Astana, Almaty qalalary men Aqmola, Shyǵys Qazaqstan oblys­tarynda sporttyń 13 túrinen qysqy jastar oıyndary ótýde. Oıyndardyń maqsaty – dene tárbıesi men sportty nasıhattaý, qysqy sport túrlerin odan ári damytý, ulttyq quramany jasaqtaý úshin sport­shylardy irikteý, olardy halyqaralyq jarystardy synap kórý, sportshylardyń izbasarlaryn daıyn­daýdyń qorytyndysyn shyǵarý. Qazir jarystar úsh kezeń boıynsha ótýde. Alǵashqy jarystar 16 – 20 aqpan kúnderi Almatydaǵy shańǵymen tuǵyrdan sekirý kesheninde ótse, kelesi oıyndar «Medeý» muz aıdynynda dopty hokkeıden bolyp ótti. Odan keıingi jarystar Rıdder qalasynda (ShQO) 24 aqpan kúni shańǵymen baǵdarlaý túrinen bastaldy. Bul jerdegi básekeler 2 naýryz kúni máresine jetedi. Al 28 aqpan kúni Shýche qalasynda jalaýyn kótergen bıatlon báıgesi 7 naýryz kúni bitedi. Osy jerde kesheden beri shańǵydan jarystar ótip jatyr. Sondaı-aq 2 naýryzda Astanadaǵy «Qazaqstan» sport saraıynda mánerlep syrǵanaýdan saıys bolsa, Konkı tebý stadıonynda sporttyń osy túrinen, 28 naýryz kúni velotrek kesheninde short-trekten jarystar ótedi. О́skemen qalasynda 16-20 naýryz kúnderi frıstaıldan, 28-31 naýryzda snoýbordtan, Kókshetaýda 1-7 naýryz kúnderi erler arasynda shaıbaly hokkeıden, 12-18 naýryzda Almatyda áıelder arasynda shaıbaly hokkeıden ulttyq quramaǵa irikteý syńdary ótetin bolady. BILETTER SATYLA BASTADY 2012 jyly fýtboldan Ýkraına men Polshada ótetin Eýropa chempıonatynyń matchtaryna bıletter satyla bastady. Chempıonattyń ashylý saltanatyna bıletter 45 eýrodan 250 eýroǵa deıin turatyn bolady. Iаǵnı, birinshi dárejeli bıletterdiń baǵasy 250 eýro bolsa, ekinshi dárejelisi 140, al úshinshi dárejelisi 45 eýroǵa baǵalanýda. Toptyq kezdesýlerdiń bıletteri de ár túrli. Birinshi dárejelisi – 120, ekinshi kategorııaly bıletter – 70, al úshinshi dárejelisi – 30 eýro. Shırek fınaldyq oıyndar 40 eýrodan 150 eýroǵa deıin, jartylaı fınaldyq matchtar 45 eýrodan 270 eýroǵa deıin, al fınal 50 eýrodan 600 eýroǵa deıin bolady. Bıletter ÝEFA-nyń resmı saıtynda 1-31 naýryz kúnderi satylady. RONALDO. SOŃǴY OIYN Brazılııanyń úsh dúrkin álem chempıony, kezinde Gollandııanyń «Eındhoven», Ispanııanyń «Barselona», «Real» komandalary men Italııanyń «Inter», «Mılan», al sońǵy jyldary óz eliniń «Korıntıans» klýbynda óner kórsetken Ronaldo jasyl alańmen qoshtasatynyn málimdedi. 34 jasar aıaqdop sheberi Brazılııa quramasynyń sapynda sońǵy ret oınap, qoshtasý matchyn ótkizbekshi. Sonymen birge ol osy oıynda sońǵy ret alańǵa shyǵyp, sol kezdesýge ózimen birge 15 jyldan astam ýaqyt dop tepken ataqty fýtbolshylardy shaqyrýdy josparlap otyrǵanyn aıtýda. «Menimen birge oınaǵan fýtbolshylardyń bári jankúıer­lerdiń eń úlken qurmetine laıyq. Sondyqtan olardyń basyn bir jerge biriktirýdi oılastyryp jatyrmyn», – deıdi ol. ROBERTO KARLOS RESEIGE KETTI Brazılııanyń taǵy bir oıynshysy Roberto Karlos Reseıdiń «Anjı» komandasymen kelisim-shart jasasty. Jaqynda ol Daǵystannyń Mahachkala qalasyna kelip, komanda ujymymen tanysyp bolǵannan soń oqý-jattyǵý jumystaryna kirisip ketti. О́ziniń aıtýynsha, oǵan buǵan deıin Anglııanyń birneshe klýb­tary «quda» túskisi kelgen eken. Odan keıin ony Brazılııanyń ózinen de, Túrkııanyń koman­da­lary da shaqyrǵan kórinedi. Biraq oılana kele Roberto tańdaýdy Reseıdiń «Anjı» komandasyna jasaýdy jón kórgen eken. «Men Ronaldo sekildi 34 jasymda emes, fýtbolmen 40-41 jasymda qoshtas­qym keledi. Túrkııada oınap júrgende Reseı chem­pıonatyn jıi kóretinmin. Onyń matchtary maǵan qyzyq kórinetin. Sondyqtan fýtboldaǵy kareram­dy «Anjı» komandasynda aıaqtaıtyn shyǵarmyn», deıdi ol. Sonymen birge ol Mahach­kalanyń koman­dasyna jasyl alańmen qoshtas­qysy kelip júrgen Ronaldony shaqyrǵysy keletinin jasyrmaıdy. Dastan KENJALIN.