Aqmola oblysynda zańsyz bulan aýlaǵandar ustaldy, dep habarlady QR AShM-nyń baspasóz qyzmeti.
«2016 jyly 23 qazanda kúndizgi saǵat 12-de Aqmola oblysy Arshaly aýdanynyń Bolıarka aýylynan soltústikke qaraı on shaqyrym jerde «Sapsan» ań aýlaý sharýashylyǵynyń qoryqshy qyzmetkerleri Toyota Land Cruzer markaly avtokóligi jáne urǵashy bulannyń etin múshelep otyrǵan úsh adamdy tapty. Brakonerdiń janynda Browning markaly qarý bolǵan, sonymen qatar, buǵynyń urǵashysynda boljamdy eki embrıon bolǵan», delingen habarlamada.
Atalmysh fakti Aqmola oblysynyń Arshaly aýdandyq ishki ister bóliminde QR QK-niń 337 babynyń 1 bólimi boıynsha (zańsyz ań aýlaý) tirkeldi.
Zalal somasy 636 300 teńge dep belgilendi. Tıisti saraptamalar ótkizilip, eki embrıon deregi anyqtalǵan jaǵdaıda zalal somasy 1 272 600 teńgege jetýi múmkin.