Qazaqstan bıylǵy Doing Business reıtınginde 51-orynnan 35-orynǵa bir-aq kóterildi.
Doing Business kórsetkishteri boıynsha Qazaqstan, Brýneı, Kenııa, Belarýs, Indonezııa, Serbııa, Grýzııa, Pákistan, BAÁ jáne Bahreın 2015-2016 jyldary ekonomıkasy eleýli ilgerilegen memleketter qataryna endi.
Bıylǵy reıtıngte Jańa Zelandııa kósh bastap, ondaǵan jyldar boıy taqtan túspegen Sıngapýrdy ekinshi orynǵa jyljytty. Sonymen birge, úzdik ondyqta Danııa, Gonkong, Koreıa Respýblıkasy, Norvegııa, Ulybrıtanııa, AQSh, Shvesııa jáne Makedonııa elderi bar.
Qazaqstan Japonııa men Rýmynııa arasynan oryn alsa, Belarýs 37-oryn, Armenııa - 37, Reseı - 40, Qyrǵyzstan - 75, О́zbekstan - 87, al Tájikstan - 187-orynǵa turaqtady.
Búkilálemdik banktiń jyl saıynǵy bul zertteýi 11 kórsetkish boıynsha bıznes júrgizý múmkindikterin qarastyrady. Bıyl 190 memleketti qamtyǵan Doing Business baıandamasy osymen 14-ret jaryq kórdi. Jyl saıyn baıandamada 8967 kórsetkish jarııalanady. Olardy esepteý úshin ujym 52000 jeke málimetterdi qoldanady eken. Sonymen qatar Doing Business kásipkerlikti damytýǵa keri áser etetin faktorlardy atap qana qoımaı, onyń sebepterin anyqtap, usynystar aıtady. Bıylǵy zertteýdiń barlyq málimetteri men baıandamanyń tolyq nusqasy Doing Business saıtynda jarııalanǵan.