Qoǵamdyq komıssııa is ústinde

Budan buryn habarlanǵanyn­daı, yntaly toptyń basta­ma­shy­lyǵymen Qazaqstan Respýblıka­sy­nyń kezekten tys prezıdenttik saılaýyn baıqaý jónindegi respýblıkalyq qoǵamdyq komıssııa qurylǵan bolatyn. Sol ko­mıssııanyń elektoraldy kezeń­degi qyzmetimen tanystyrý ba­ry­synda respýblıka jurtshy­ly­ǵy, Qazaqstanda akkredıtasııa­lan­ǵan halyqaralyq baıqaý­shy­lar ınstıtýty jáne sheteldik BAQ ókilderi osy qoǵamdyq ko­mıssııanyń aldaǵy kezekten tys saılaý aldynda ári elektoraldyq úderistiń barlyq kezeńinde júr­gize­tin qyzmeti týraly egjeı-teg­jeıli tanysýǵa múmkindik aldy. Keshe Almatydaǵy «Astana» qonaq úıinde atalmysh qoǵamdyq komıssııanyń Almaty qalasy boıynsha fılıalynyń keńesi bas­pasóz máslıhatyn ótkizdi. Komıssııa qurylýynyń jaı-jap­sa­ry, aldynda turǵan maqsat-min­det­teri jaıynda keńes múshesi, «Abaı-aqparat» qazaq ınternet keńistigin damytý qory» QQ vıse-prezıdenti Aıdos Sarym ke­ńirek áńgimelep berdi. Respýb­lıkalyq komıssııa quramynda on bes adam bar kórinedi. Olardyń bári aqy almaı, qoǵamdyq negizde jumys isteıdi. Bul komıssııa negizinen saılaýdy ótkizý jóninde qurylǵan qoǵamdyq shtabtardyń, «Ádil sóz» medıa tobynyń, úki­mettik emes uıymdardyń, oppo­zı­sııa­lyq kúshterdiń, sondaı-aq bes myń shamalas erikti baıqaý­shylardyń, qoǵamdyq birles­tikterdiń aqparattaryna arqa súıeıdi. Burmalaýshylyq baı­qalsa, birden dabyl qaǵylady. Komıssııa saılaý bitkennen keıin óz qorytyndylaryn shyǵaryp, jarııaly túrde óz baǵasyn beredi. A.Sarym Táýelsizdigimizdiń 20 jyldyǵynda ádil de ashyq prezıdenttik saılaý ótkizý úlken syn ekendigin atap kórsetti. Al osy synnan múdirmeı ótip, demokratııa taǵylymdaryn tanytýǵa biz­diń elimizde naqty múmkindikter bar. Bul saılaý burynǵysynan jaqsy ótip, saılaý mádenıetiniń jaqsarǵanyn aıǵaqtaıtynyna senim mol. Qoǵam qaıratkeri, mádenıet­tanýshy Murat Áýezov osynaý kúrdeli ýaqyttaǵy jalpy saılaý fenomeni týraly áń­gime qozǵady. Saılaý prezıdenttik nemese bıliktik qana emes, ol – eń aldymen halyqqa qajet ınstıtýt. Sondyqtan, bizdegi saılaý eldi odan ári demokra­tııa­lan­dyrýǵa qyzmet etýi tıis. Qalyń buqara tuıyqqa tirelmeı, senimsizdikke urynbaı, óziniń tańdaý quqyǵyn, saılaý quqyǵyn saýat­ty paıdalanýy kerek. Qazaqta «Úmitsiz – shaıtan» degen sóz bar. Mine, osy bolmaýy kerek. Sony boldyrmaıtyn ınstıtýt – demokratııalyq ádil saılaý. Jazýshy, qoǵam qaıratkeri Smaǵul Elýbaı keńes zamanynda saı­laýǵa senbeıtin edi, ol úmit­sizdiktiń kórinisi bolatyn, dep bastady áńgimeni. Onyń oıynsha, sol úmitsizdik bizdiń Táýelsiz Qazaqstannyń ómirinde bolmaýy kerek. Keıde mundaı kóńil aýany ár jerde baıqalyp ta qalady. О́ıtkeni, eger bári kesilip-pishilip qoıǵan bolsa, saılaýdan ne paıda? Biraq halyqtyń basym bóligi ózi sengen bir adamdy aıqyn jaqtap tursa, onda áńgime basqa. Eń bastysy – ádil de adal saılaý. Biz jazýshylyq arymyzben osy ádil saılaýdy jaqtaıtyndyqtan, qoǵamdyq komıssııa jumysyna qatysýǵa kelisim berdik, dep túıindedi ol sózin. Budan soń komıssııa músheleri jýrnalısterdiń qoıǵan suraq­tary­na jaýap berdi. Jazýshy-dramatýrg, qoǵam qaıratkeri Dýlat Isabekov Lıngvıstıkalyq ko­mıs­sııanyń keıbir sheshimderimen óz basy kelispeıtindigin málimdedi. Kınorejısser Igor Vovnıanko, eń bastysy azamattyq qoǵam qalyptastyrý degendi aıtty. Árqıly alyp­qashpa sybystarǵa jel beretin asúılik demokratııany qoıa turyp, naǵyz demokratııalyq prezıdenttik saılaý tetigin ázirleý kerek. Basty mindet saılaý týraly zańnyń buzylýyna jol bermeýge saıady. Biz soǵan qyzmet etemiz, dedi ol. Qorǵanbek AMANJOL.