Qyrǵyzstan prezıdenti Almazbek Atambaev «Qyrǵyz Respýblıkasynyń úkimetin otstavkaǵa jiberý týraly» jarlyqqa qol qoıdy. «Qyrǵyzstan», «Onýgýý-Progress», «Ata Meken», QSDP fraksııalary arasyndaǵy koalısııalyq kelisimge sáıkes Qyrǵyz Respýblıkasynyń Jogorký Keneshiniń 2015 jylǵy 2 qarashasynda qurylǵan Qyrǵyz Respýblıkasynyń Úkimeti otstavkaǵa ketti dep sanalsyn.
Premer-mınıstr, birinshi vıse-premer-mınıstr, vıse-premer-mınıstrler laýazymyndaǵy adamdar, Úkimet músheleri, sondaı-aq Qyrǵyz Respýblıkasy ákimshilik vedomstvolarynyń basshylary Úkimet músheleri jáne Qyrǵyz Respýblıkasynyń ákimshilik vedomstvolarynyń basshylary Úkimettiń jańa quramy múshelerin jáne ákimshilik basshylaryn taǵaıyndaǵanǵa deıin buryn atqarǵan laýazymy boıynsha mindetterdi oryndaýdy jalǵastyrsyn», - delingen QR prezıdentiniń saıtynda.
Eske salsaq, Qyrǵyzstanda kópshilik koalısııa ydyrady. «Ymyrasyz saıası kózqarastarǵa baılanysty QSDP kópshilik koalısııasynan shyǵady», - dep habarlady jýrnalısterge bergen suhbatynda dúısenbide fraksııa kóshbasshysy Isa Omýrkýlov. Ol sheshim fraksııa otyrysynyń qorytyndysy boıynsha qabyldanǵanyn atap ótti. «Konstıtýsııalyq referendýmdy ótkizý máselesi boıynsha partııalardyń ýaǵdalasa almaýy koalısııanyń ydyraýyna alyp keldi», - dep atap ótti kópshilik parlamenttik alıans kóshbasshysy Qanat Isaev.