Qurylys kompanııalary ótken jylǵa qaraǵanda 5 esege kóp taza paıda tapty. Bıyl eńbek ónimdiligi rekord ornatýda - kórsetkish bir adamǵa 5,6 mıllıonǵa deıin artty. Bul týraly finprom.kz-ke silteme jasaı otyryp QazAqparat habarlady.
Mamandardyń aıtýynsha, osy jylǵy qańtar-maýsymda qurylys kompanııalarynyń óndiris kólemi 2,2 trıllıon teńgege jetti. Bul ótken jylmen salystyrǵanda 32 paıyzǵa kóp. Birinshi jartyjyldyqta 21 myńnan astam qurylys nysandary (ótken jylmen salystyrǵanda +6%) engizildi.
Iri jáne orta qurylys kompanııalary ózderin barynsha belsendi kórsetýde - bir jylda óndiris ónimdiligi 51 paıyzǵa - 1,5 trıllıon teńgege deıin ósti. Eńbek ónimdiliginiń ortasha deńgeıi (ınflıasııany esepke alǵanda) bıyl 7,7 mıllıon teńgeni qurady. Bul ótken jylǵy qańtar-maýsymdaǵy kórsetkishke qaraǵanda 45 paıyzǵa kóp. Shaǵyn kásiporyndar kerisinshe, daǵdarys jaǵdaıynda eńbek ónimdiligin 23 paıyzǵa tómendetken.
Jalpy sektorda naqty eńbek ónimdiligi 2016 jylǵy 1 jartyjyldyqta bir adamǵa 5,6 mıllıon teńgeni qurady. Bul rette jyl ishinde kásiporyndardaǵy qyzmetkerler sany 3 paıyzǵa, 334 myń adamǵa ósken. Aǵymdaǵy jyly qurylys kompanııalarynyń artqan belsendiligi aıasynda - 1-jartyjyldyqta sala kásiporyndary 5 ese kóp taza tabys alǵan. Barlyǵy 812 mıllıard teńge.