«Astana EKSPO-2017» uıymdastyrýshy keńsesine Amerıka Qurama Shtattary memlekettik hatshysynyń saıası máseleler jónindegi orynbasary Tomas Alfred Shennon basqarǵan AQSh delegasııasy keldi. Aldymen amerıkalyq dıplomattar EKSPO pavılondaryn aralap shyqty, keıin «Astana EKSPO-2017» UK» AQ basqarma tóraǵasy Ahmetjan Esimovpen kezdesti, dep habarlaıdy egemen.kz BNews.kz-ke silteme jasap. «Men Astanaǵa keshe keshkisin keldim. Bul meniń alǵashqy resmı kezdesýim. Biz EKSPO-2017-geqatysamyz. Jańa ǵana AQSh ornalasatyn pavılondy kórdim. Tamasha ǵımarat, tańǵajaıyp pavılon», – dedi Tomas Alfred Shennon. Memlekettik hatshynyń orynbasary atap ótkendeı, EKSPO AQSh-pen qarym-qatynas arasyndaǵy mańyzdy element retinde qarastyrylyp otyr. Qazaqstan úshin jahandyq, onyń ishinde energetıka salasyndaǵy óz múmkindigin kórsetetin úlken múmkindik, dep habarlady kórmeniń resmı saıty. Ahmetjan Esimov AQSh-tyń kórmege qatysýynyń mańyzdylyǵyn aıtty. «Bıyl 2 márte AQSh-ta boldym. Balamaly energııa kózderin paıdalaný boıynsha qanshalyqty qarqyndy jumys atqarylyp jatqandyǵyn bilemin. Bul – jańa tehnologııa men zamanaýı ǵylymıjobalar boıynsha aldyńǵy qatardaǵy memleket» – dedi ulttyq kompanııanyń basqarma tóraǵasy. Kezdesý sońynda AQSh memlekettik hatshysynyń orynbasary EKSPO-2017 kórmesine qatysýǵa baılanysty máselelerdi meılinshe jyldam sheshýge tyrysatyndyǵyn aıtty.