Elordadaǵy «Qazmedıa» kınokonsert zalynda «Qazaqstan-Túrkııa dostyq áýenderi» atty konsert ótti.
Shara Túrkııa Respýblıkasynyń Qazaqstandaǵy elshiligi, Iýnýs Emre atyndaǵy túrik mádenıet ortalyǵy men Túrik yntymaqtastyq jáne úılestirý agenttiginiń (TIKA) Astana koordınatarlyǵynyń tarapynan Túrkııanyń Astana qalasyndaǵy kúnderi aıasynda uıymdastyryldy.
Konsertte Túrkııanyń Mádenıet jáne týrızm mınıstrligine qarasty «Ankara Túrki álemi mýzykalyq ansambli» jáne sol eldiń tanymal ánshi-bıshileri - Chıdem Gıýrdal, Djem Gıýrdal, Mýstafa Eke, Alı Shar, Gókche Kýchýkbaharlar arnaıy merekelik repertýar daıyndap, túriktiń áýezdi ánderi men myń buralǵan bılerimen kórermenderdiń yqylasyna bólendi. Odan bólek, keshte otandyq ánshiler Kámshat Joldybaeva, Gúlnur Orazymbetova, «Hanzada» toby da óner kórsetti. Qazaqstandyq ánshiler túrik tilinde, Túrkııadan kelgen qonaqtar qazaq tilinde de án oryndady.
Kesh sońynda konsertke kelgen kórermenderge qolma qol lotoreıa oınatylyp, joly bolǵan kórermender Túrik áýe joldarynyń Stambýlǵa baryp qaıtý bıletine jáne Smartfonǵa ıe boldy.
Atap ótý kerek, Túrkııanyń elordadaǵy kúnderi aıasynda «Osmanly dáýirindegi saraı kıimderi» defılesi uıymdastyrylǵan. Defılede Osmanly dáýirinde saraıda kıilgen kıim úlgileri kórsetiledi. Stılıster 40 kıim úlgisinen turatyn toptamany usynbaq.
Aıgúl Seıilova
Foto Orynbaı Balmurat