Astanada túngi ýaqytta júretin avtobýstar 2017 jyly paıda bolady, - dep habarlaıdy tengrinews.kz qalalyq Jolaýshylar kóliginiń basqarmasyna silteme jasap.
Vedomstvodaǵylardyń málimetinshe, túngi avtobýstar 2017 jyly paıdalanýǵa berilýi múmkin. Sonymen qatar, olar avtobýstardyń baǵasy túngi ýaqytta qansha bolatyny ázirshe belgisiz ekenin aıtyp ótti.
"Túngi ýaqytta adamdardy tasymaldaýǵa qatysty júıege taldaý júrgizilip jatyr. Áleýmettik saýalnama alynyp, mekemelerdiń jumys kestesi qalaı bolatyny zerttelip jatyr. Taldaý jumystaryn aıaqtaǵan soń, túnde naqty qansha avtobýstyń jolǵa shyǵatyny, onda qansha júrgizýshiniń jumys isteıtini jáne olardyń jumys kestesi anyqtalyp, naqtylanatyn bolady. Túngi tarıfterge qatysty másele Astana qalasynyń máslıhatymen sheshiledi", - delingen Jolaýshylar kóligi basqarmasyndaǵylardyń redaksııanyń saýalyna bergen jaýabynda.
Aıta keteıik, osyǵan deıin "Astana LRT" JShS basshysy Talǵat Ardan Astanada túngi ýaqytta júretin avtobýstardyń 2015 jyly paıda bolatynyn aıtqan edi. Onyń aıtýynsha, túngi avtobýstar saǵat 23.00-den 05.00-ge deıin jumys isteý kerek.