Fýtzaldan Iran quramasynyń shabýylshysy Hosseın Taıebı almatylyq "Qaırat" komandasyna aýysty, - dep habarlaıdy egemen.kz qazaqstandyq klýbtyń resmı saıtyna silteme jasap.
Aıta keteıik, kelisimshart "1+1" syzbasy boıynsha jasalǵan. Taıebı medısınalyq tekseristerden ótti, jýyrda almatylyq komandanyń quramynda jattyǵý jumystaryn bastaıtyn bolady.
"Men "Qaırat" komandasymen kelisimshart jasasqanyma qýanyshtymyn. Sebebi, "Qaırat" komandasy - álemdegi úzdik komanda. Ol tek joǵary nátıjelerdi kórsetý úshin kúresedi. Men osy komandanyń múshesi bolǵanyma qýanamyn!", - dedi Hosseın Taıebı baspasóz klýbyna bergen suhbatynda.
Eske sala keteıik, Kolýmbııada qyrkúıek-qazan aıynda fýtzaldan ótken álem chempıonatynda Iran quramasy Portýgalııany basyp ozyp, 3-orynda ıelengen bolatyn. Iran quramasynda oınaǵan Taıebı 75 match ótkizip, 66 gol salǵan eken.