Almaty qalasy Tótenshe jaǵdaılar departamentiniń ahýaldyq zalynda on balany qutqarǵan avtobýs júrgizýshisiniń qurmetine saltanatty shara ótkizildi. Marapattaý rásimine onyń áriptesteri, «Green Bus» JShS Almaty qalasy №1 kommýnaldyq avtobýs parkiniń qyzmetkerleri qatysty.
Adam ómirin qutqarý kezinde kórsetken erligi men batyldyǵy úshin Azamat Saǵynovty IIM Tótenshe jaǵdaılar komıtetiniń Almaty qalasy boıynsha tótenshe jaǵdaılar departamentiniń bastyǵy Serik Áýbákirov alǵys hatpen marapattady.
«Bul – adamdardy qutqarý úshin qoldan kelgenniń bárin jasaıtyn naǵyz qazaqstandyq azamattyń is-áreketi», dep atap ótti Serik Ǵabdollauly.
Aıta ketsek, 2016 jylǵy 6 qazanda saǵat 15.00 shamasynda Dostyq dańǵylynda №29 baǵyttaǵy avtobýs órtengen edi. Sonda júrgizýshi Azamat Saǵynov balalardy jalyn qushaǵynan qutqaryp, órtti sóndirgen.
Mıra BAIBEK,
«Egemen Qazaqstan»
ALMATY