Qazaqstan táýelsizdiginiń 25 jyldyǵyn merekeleý sheńberinde Ulttyq Bank ulttyq valıýta – teńgeniń banknottary men monetalarynyń úzdik beınelenýine arnalǵan, 6-14 jas aralyǵyndaǵy balalar arasynda, sondaı-aq joǵary oqý oryndarynyń stýdentteri arasynda esse konkýrsyn jarııalady.
Konkýrs 2016 jylǵy 7 qazanda bastalyp, 15 qarashada aıaqtalady. Onyń qorytyndylary aǵymdaǵy jylǵy 1 jeltoqsanǵa deıin shyǵarylady. Jeńimpazdar 2016 jylǵy 15 jeltoqsannan keshiktirmeı marapattalady.
Balalar sýreti konkýrsynyń maqsaty –
Ulttyq Banktiń qyzmetin, onyń ishinde Banknot fabrıkasynyń jáne Qazaqstan teńge saraıynyń qyzmetin tanymal etý, balalardyń bilim deńgeıin arttyrý. Shyǵarmashylyq naýqan eki túrli jas sanaty boıynsha ótkiziledi: 6-10 jas aralyǵy, 11-14 jas aralyǵy.
Esse konkýrsynyń maqsaty – stýdent jastardyń Ulttyq Banktiń jáne tutastaı alǵanda qarjy naryǵynyń qyzmetine, táýelsiz Qazaqstannyń
tarıhyna qyzyǵýshylyǵyn arttyrý, zertteý qyzmetine qyzyǵýshylyqtaryn yntalandyrý. Osy ádebı-qarjylyq saıysqa Qazaqstannyń joǵary oqý oryndarynyń barlyq stýdentteri qatysa alady.
Mynadaı esse taqyryptary usynylady: «Ulttyq valıýtanyń Qazaqstan Respýblıkasy táýelsizdiginiń qalyptasýyndaǵy róli»; «Ulttyq valıýtadaǵy tulǵalar tarıhy»; «Qazaqstandaǵy ındýstrııalandyrý jáne ekonomıkalyq ósý»; «Qazaqstannyń álemdik qarjy júıesine yqpaldasýy»; «Qarjy sektorynyń Táýelsizdik jyldaryndaǵy damýy jáne jetistikteri».
Konkýrstyq komıssııanyń quramyna Ulttyq Banktiń, shyǵarmashyl zııaly qaýym ókilderi kiredi. Jumystar mazmuny jáne sýrettiń tańdalǵan taqyrypqa sáıkes kelýi; ıdeıanyń biregeıligi jáne shyǵarmashylyq arqaýy; jumystardyń kórkemdik deńgeıi, shyǵarmashylyq deńgeıiniń avtordyń jasyna sáıkes kelýi sııaqty ólshem-sharttar boıynsha baǵalanady. Balalar sýreti konkýrsynyń árbir sanatynda: «Banknottyń eń úzdik beınelenýi» jáne «Monetanyń eń úzdik beınelenýi» degen eki atalym boıynsha úsh bas júlde beriledi. Esse konkýrsynda tańdalǵan taqyrypqa qaramastan 1, 2 jáne 3-oryndar kózdelgen. Ár toptaǵy jáne atalymdaǵy jeńimpazdar aqshalaı jáne estelik júldelermen marapattalady. Uıymdastyrýshy jeńimpazdardyń attary men fotosýretterin, beınejazbalaryn buqaralyq aqparat quraldarynda, áleýmettik jelilerde jáne ózge de aqparattyq resýrstarda paıdalaný quqyǵyn ózine qaldyrady.
Konkýrstarǵa qatysýǵa arnalǵan ótinimder men konkýrstyq jumystar «Sýret konkýrsy», «Esse konkýrsy» belgisimen Ulttyq Bankke myna mekenjaı boıynsha jiberiledi: 050040, Almaty q., Kóktem-3 sh/a, 21-úı, Qarjylyq qyzmetterdi tutynýshylardyń quqyqtaryn qorǵaý jáne syrtqy kommýnıkasııalar basqarmasy.
Esse konkýrsyna qatysýǵa arnalǵan ótinimdi «Esse konkýrsy» belgisimen press@nationalbank.kz elektrondy mekenjaıyna da jiberýge bolady.
Konkýrstardyń tártibi men talaptary olar týraly erejelerde sıpattalǵan jáne Ulttyq Banktiń www.nationalbank.kz resmı ınternet-resýrsynda, sondaı-aq Ulttyq Banktiń Facebook-tegi resmı akkaýtynda ornalastyrylǵan.
Anyqtamalarǵa arnalǵan telefon:
+7 (727) 330-24-97, +7 (727) 2 704 585.