2015 jylǵy 10 sáýir, Astana qalasy
«Ekonomıkalyq shoǵyrlanýǵa kelisim berý týraly qoldaýhattardy qaraý» memlekettik kórsetiletin qyzmet standartyn bekitý týraly
«Memlekettik kórsetiletin qyzmetter týraly» 2013 jylǵy 15 sáýirdegi Qazaqstan Respýblıkasy Zańynyń 10-babynyń 1) tarmaqshasyna sáıkes buıyramyn:
1. Qosa berilip otyrǵan «Ekonomıkalyq shoǵyrlanýǵa kelisim berý týraly qoldaýhattardy qaraý» memlekettik kórsetiletin qyzmet standarty bekitilsin.
2. Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý jáne básekelestikti qorǵaý komıteti zańnamasynda belgilengen tártippen:
1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin;
2) osy buıryqty memlekettik tirkeýden ótkennen keıin kúntizbelik on kún ishinde ony merzimdi baspa basylymdaryna «Ádilet» aqparattyq – quqyqtyq júıesinde resmı jarııalaýǵa joldaýdy;
3) Osy buıryqty Qazaqstan Respýblıkasy Ulttyq ekonomıka mınıstrliginiń resmı ınternet-resýrsynda ornalastyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Ulttyq ekonomıka mınıstriniń Birinshi vıse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Ulttyq ekonomıka mınıstri E.DOSAEV
«KELISILDI»
Qazaqstan Respýblıkasynyń Investısııalar jáne damý mınıstri
___________ Á. Isekeshev
2015 jylǵy 10 sáýir
Qazaqstan Respýblıkasy Ulttyq ekonomıka mınıstriniń
2015 jylǵy 10 sáýirdegi № 321 buıryǵymen bekitilgen
«Ekonomıkalyq shoǵyrlanýǵa kelisim berý týraly qoldaýhattardy qaraý»
memlekettik kórsetiletin qyzmet standarty
1. Jalpy erejeler
1. Memlekettik kórsetiletin qyzmet – «Ekonomıkalyq shoǵyrlanýǵa kelisim berý týraly qoldaýhattardy qaraý» (budan ári – memlekettik kórsetiletin qyzmet).
2. Memlekettik kórsetiletin qyzmet standartyn Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý jáne básekelestikti qorǵaý komıteti ázirledi.
3. Memlekettik qyzmetti Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý jáne básekelestikti qorǵaý komıteti (budan ári – kórsetiletin qyzmetti berýshi) kórsetedi.
Memlekettik qyzmetti kórsetý nátıjeleri kórsetiletin qyzmetti berýshiniń keńsesi arqyly, sondaı-aq «elektrondyq úkimetiniń» www.egov.kz veb-portaly (budan ári - portal) arqyly júzege asyrylady.
berý qaǵaz túrinde keńse arqyly jáne (nemese) elektrondyq túrde aqparattyq júıe arqyly júzege asyrylady. Kórsetiletin qyzmetti alýshy kórsetiletin qyzmetti berýshige júgingen jaǵdaıda memlekettik qyzmet kórsetý nátıjesi qaǵaz nysanynda resimdeledi nemese elektrondyq qujat nysanynda kórsetiletin qyzmetti alýshyǵa «jeke kabınetke» joldanady.
2. Memlekettik qyzmetti kórsetý tártibi
4. Memlekettik qyzmet kórsetý merzimderi:
1) kórsetiletin qyzmetti berýshige qujattar toptamasyn tapsyrǵan sátten bastap – kúntizbelik 40 (qyryq) kún:
kórsetiletin qyzmetti berýshi qoldaýhatty alǵan kúninen bastap kúntizbelik 10 (on) kún ishinde usynylǵan materıaldardyń tolyqtyǵyn tekserýge jáne kórsetiletin qyzmetti alýshyny qoldaýhatty qaraýǵa qabyldaǵany týraly nemese qabyldaýdan bas tartylǵany týraly jazbasha túrde habardar etýge mindetti.
memlekettik qyzmet kórsetý merzimi kórsetiletin qyzmetti berýshi nemese sot atalǵan qoldaýhat nemese onymen baılanysty basqa qoldaýhat boıynsha sheshim qabyldaǵanǵa deıin qoldaýhatty qaraý múmkin bolmaǵan jaǵdaıda toqtatyla turady, ol jóninde kórsetiletin qyzmetti berýshi kórsetiletin qyzmetti alýshyny mundaı sheshim qabyldanǵan sátten bastap 3 (úsh) jumys kúni ishinde jazbasha jáne (nemese) elektrondyq túrde habardar etýge mindetti;
qosymsha málimetterdi jáne (nemese) qujattardy usyný kezeńinde qoldaýhatty qaraý merzimi toqtatyla turady, ol jóninde kórsetiletin qyzmetti berýshi kórsetiletin qyzmetti alýshyny mundaı sheshim qabyldanǵan sátten bastap 3 (úsh) jumys kúni ishinde jazbasha jáne (nemese) elektrondyq túrde habardar etýge mindetti;
memlekettik qyzmet kórsetý merzimi kórsetiletin qyzmetti alýshy jáne (nemese) memlekettik organdar qosymsha málimetterdi jáne (nemese) qujattardy usynǵannan keıin qaıta bastalady, ol jóninde kórsetiletin qyzmetti alýshyny 3 (úsh) jumys kúni ishinde jazbasha jáne (nemese) elektrondyq túrde habardar etýge mindetti.
Portalda qoldaýhattyń tolyqtyǵyn qaraý nátıjesi kórsetiletin qyzmetti alýshynyń «jeke kabınetine» ýákiletti organnyń elektrondyq-sıfrlyq qoltańbasymen kýálandyrylǵan, tirkeý kúni men nómiri kórsetilgen qoldaýhattyń qaraýǵa qabyldanǵany ne qoldaýhattyń qabyldaýdan bas tartylǵany týraly habarlama túrinde joldanady.
Ekonomıkalyq shoǵyrlanýǵa kelisim berý týraly qoldaýhatty qaraý qaıta bastalǵan kúninen bastap qaraý merziminiń ótýi jalǵasady;
kórsetiletin qyzmetti berýshi aqparatty jáne (nemese) qujattardy berý úshin belgileıtin merzim 5 (bes) jumys kúninen kem bolmaýǵa tıis;
kórsetiletin qyzmetti berýshiniń qoldaýhatty qaraý toqtatylǵany týraly aktisi sheshim qabyldanǵan kúninen bastap 3 (úsh) jumys kúni ishinde joldanady.
2) kórsetiletin qyzmetti berýshige qujattar toptamasyn tapsyrýy úshin ruqsat etilgen kútýdiń eń uzaq ýaqyty – 15 (on bes) mınýt;
3) qyzmet kórsetýdiń ruqsat etilgen eń uzaq ýaqyty – 15 mınýt.
Kórsetiletin qyzmet berýshi keńsesiniń qabyldaýy aldyn ala jazylýsyz jáne jedel qyzmet kórsetýsiz kezek tártibimen júzege asyrylady.
5. Memlekettik qyzmetti kórsetý nysany: elektrondyq (ishinara avtomattandyrylǵan) nemese qaǵaz túrinde.
6. Memlekettik qyzmet kórsetýdiń nátıjesi:
1) ekonomıkalyq shoǵyrlanýǵa kelisim berý;
2) osy memlekettik kórsetiletin qyzmet standartynyń 10-tarmaǵynda kózdelgen jaǵdaılarda jáne negizder boıynsha dáleldi qorytyndy bere otyryp, ekonomıkalyq shoǵyrlanýǵa tyıym salý (eger ekonomıkalyq shoǵyrlaný básekelestikti shekteýge ákep soǵatyn bolsa).
Memlekettik kórsetiletin qyzmet nátıjesin berý nysany: elektrondyq.
Kórsetiletin qyzmetti alýshy memlekettik qyzmetti kórsetý nátıjesin qaǵaz jetkizgishte alýǵa júgingen jaǵdaıda, memlekettik qyzmetti kórsetý nátıjesi elektrondyq nysanda resimdeledi, basyp shyǵarylady mórimen jáne kórsetiletin qyzmetti berýshiniń jáne ýákiletti tulǵasynyń qolymen rastalady.
7. Memlekettik kórsetiletin qyzmet zańdy jáne jeke tulǵalarǵa (budan ári – kórsetiletin qyzmetti alýshy) tegin kórsetiledi.
8. Kórsetiletin qyzmetti berýshiniń jumys kestesi: Qazaqstan Respýblıkasynyń eńbek zańnamasyna sáıkes demalys jáne mereke kúnderin qospaǵanda, dúısenbiden bastap jumany qosa alǵanda, saǵat 9.00-den 18.30-ǵa deıin, túski úzilis saǵat 13.00-den 14.30-ǵa deıin.
Kórsetiletin qyzmetti berýshiniń qoldaýhattardy qabyldaý jáne memlekettik qyzmet kórsetý nátıjelerin berý kestesi: saǵat 9.00-den 17.00-ge deıin, túski úzilis saǵat 13.00-den 14.30-ǵa deıin.
Kórsetiletin qyzmetti berýshiden qoldaýhattardy qabyldaý jáne memlekettik qyzmetti kórsetý nátıjelerin berý: saǵat 9.00-den 17.30-ǵa deıin júzege asyrylady, túski úzilis saǵat 13.00-den 14.30-ǵa deıin
Qabyldaý kezek tártibimen, aldyn ala jazylýsyz jáne jedel qyzmet kórsetýsiz júzege asyrylady.
9. Memlekettik qyzmetti alýshy (nemese senimhat boıynsha onyń ókili) usynatyn memlekettik qyzmet kórsetý úshin qujattardyń tizbesi:
Osy memlekettik kórsetiletin qyzmet standartyna qosymshaǵa sáıkes qoldaýhat, oǵan mynadaı qujattar, aqparattar (málimetter) qosa beriledi:
1) naryq sýbektisin biriktirý nemese qosý jolymen qaıta uıymdastyrý boıynsha:
- tulǵanyń nemese ýákiletti organnyń naryq sýbektisin qaıta uıymdastyrý týraly sheshiminiń jobasy;
- qyzmet túrlerinde nemese olardyń iskerlik operasııalary geografııasynda josparlanyp otyrǵan ózgeristerdi qosa alǵanda, naryq sýbektisin qaıta uıymdastyrý maqsatynyń negizdemesi;
- qurylatyn naryq sýbektisiniń bekitilgen jarǵysy men quryltaı sharty nemese olardyń jobalary;
- qurylatyn naryq sýbektisine beriletin múlikti berý málimetteri men sharttarynyń tizbesi;
- qaıta uıymdastyrylatyn naryq sýbektileriniń árqaısysy boıynsha, sondaı-aq qaıta uıymdastyrylatyn naryq sýbektilerimen bir tulǵalar tobyna kiretin naryqtyń árbir sýbektisi boıynsha mynalar kórsetiledi:
jeke tulǵa úshin – jeke basyn kýálandyratyn qujattyń derekteri, azamattyǵy týraly málimetter, sondaı-aq turǵylyqty jeri jáne zańdy mekenjaıy;
ataýy, zańdy jáne naqty mekenjaılary;
jarǵylyq kapıtalynyń mólsheri jáne qatysý úlesi;
aksııalardyń túrleri;
- naryqtyń basqa sýbektileriniń atqarýshy organy nyń, dırektorlar keńesiniń (baıqaýshy keńestiń) de músheleri bolyp tabylatyn atqarýshy organ, dırektorlar keńesi (baıqaýshy keńes) músheleriniń laýazymy kórsetilgen tizimi;
qaıta uıymdastyrylatyn naryq sýbektileri óndiretin jáne ótkizetin taýarlardy óndirý men ótkizýdiń, taýarlardyń eksporty men Qazaqstan Respýblıkasyna ımportynyń kólemi;
- qaıta uıymdastyrylatyn naryq sýbektilerimen bir tulǵalar tobyna kiretin naryq sýbektileri óndiretin nemese ótkizetin naq sol taýarlardy nemese ózara almastyrylatyn taýarlardy óndirý men ótkizýdiń, olardyń eksporty men Qazaqstan Respýblıkasyna ımportynyń kólemi;
- naq sol nemese ózara almastyrylatyn taýarlardyń osy mámileni jasasý nátıjesinde óndirý men ótkizý boljamy;
2) tulǵanyń (tulǵalar tobynyń) naryq sýbektisiniń daýys beretin aksııalardy (qatysý úlesterin, paılardy) satyp alýy boıynsha, bul rette, eger mundaı tulǵa (tulǵalar toby) satyp alýǵa deıin osy naryq sýbektisiniń aksııalaryna (jarǵylyq kapıtalyndaǵy qatysý úlesterine, paılaryna) bılik etpese nemese atalǵan naryq sýbektisiniń daýys beretin aksııalardyń (jarǵylyq kapıtalyndaǵy qatysý úlesteriniń, paılardyń) jıyrma bes nemese odan da az paıyzyna bılik etse, mundaı tulǵa (tulǵalar toby) atalǵan aksııalardyń (jarǵylyq kapıtalyndaǵy qatysý úlesteriniń, paılardyń) jıyrma bes paıyzdan astamyna bılik etý quqyǵyna ıe bolady:
- shart nemese sharttyń jobasy ne mámileniń jasalǵanyn rastaıtyn ózge de qujat;
satyp alýshy boıynsha jáne satyp alýshymen bir tulǵalar tobyna kiretin naryqtyń árbir sýbektisi boıynsha mynalar kórsetiledi:
jeke tulǵa úshin – jeke basyn kýálandyratyn qujattyń derekteri, azamattyǵy týraly málimetter, sondaı-aq turǵylyqty jeri jáne zańdy mekenjaıy;
ataýy, zańdy jáne naqty mekenjaılary;
jarǵylyq kapıtalynyń mólsheri jáne qatysý úlesi;
aksııalardyń túrleri;
ózine qatysty osy tarmaqtyń 2) tarmaqshasynda kózdelgen is-áreketter jasalatyn naryq sýbektisi óndiretin nemese ótkizetin taýarlarǵa nemese ózara almastyrylatyn taýarlarǵa uqsas taýarlardy óndirý men ótkizýdiń, olardyń eksporty men Qazaqstan Respýblıkasyna ımportynyń kólemi;
basqa da naryq sýbektileriniń atqarýshy organynyń, dırektorlar keńesiniń (baıqaý keńesiniń) músheleri bolyp tabylatyn, atqarýshy organnyń, dırektorlar keńesiniń (baıqaý keńesiniń) laýazymy kórsetilgen músheleriniń tizimi;
ózine qatysty osy tarmaqtyń 2) tarmaqshasynda kózdelgen is-áreketter jasalatyn naryq sýbektisiniń taýarlardy óndirý men ótkizý, olardyń eksporty men Qazaqstan Respýblıkasyna ımportynyń kólemi;
ózine qatysty osy tarmaqtyń 2) tarmaqshasynda kózdelgen is-áreketter jasalatyn naryq sýbektisiniń tikeleı nemese janama baqylaýynda bolatyn naryq sýbektileri óndiretin nemese ótkizetin naq sol nemese ózara almastyrylatyn taýarlardy óndirý men ótkizýdiń, olardyń eksporty men Qazaqstan Respýblıkasyna ımportynyń kólemi;
mámile jasalǵannan keıin ózine qatysty osy tarmaqtyń 2) tarmaqshasynda kózdelgen is-áreketter jasalatyn naryq sýbektisine jáne (nemese) onyń tulǵalar tobyna qatysty satyp alýshy alatyn quqyqtar týraly málimetter, onyń ishinde mámile jasalǵannan keıin satyp alýshy ıelik etetin naryq sýbektisi aksııalarynyń (jarǵylyq kapıtalyndaǵy qatysý úlesteriniń, paılarynyń) sany jáne ornalastyrý baǵasy, sondaı-aq olardyń naryq sýbektisiniń daýys berý quqyǵy bar aksııalarynyń (jarǵylyq kapıtalyndaǵy qatysý úlesteriniń, paılarynyń) jalpy sanyndaǵy paıyzdyq úlesi jáne olardyń naryq sýbektisiniń jarǵylyq kapıtalyndaǵy paıyzdyq úlesi;
naq sol nemese ózara almastyrylatyn taýarlardyń osy mámileni jasasý nátıjesindegi óndirý men ótkizý boljamy;
3) eger mámileniń (ózara baılanysty mámilelerdiń) nysanasyn quraıtyn múliktiń teńgerimdik quny múlikti ıelikten shyǵaratyn nemese basqaǵa beretin naryq sýbektisiniń negizgi óndiristik quraldary men materıaldyq emes aktıvteri teńgerimdik qunynyń on paıyzynan asyp ketse, naryq sýbektisiniń (tulǵalar tobynyń) naryqtyń basqa sýbektisiniń negizgi óndiristik quraldaryn jáne (nemese) materıaldyq emes aktıvterin, onyń ishinde jarǵylyq kapıtaldy tóleý (berý) esebine menshikke alý, ıelený jáne paıdalaný boıynsha:
shart nemese sharttyń jobasy;
satyp alýshy boıynsha jáne satyp alýshymen bir tulǵalar tobyna kiretin naryqtyń árbir sýbektisi boıynsha mynalar kórsetiledi:
jeke tulǵa úshin – jeke basyn kýálandyratyn qujattyń derekteri, azamattyǵy týraly málimetter, sondaı-aq turǵylyqty jeri jáne zańdy mekenjaıy;
ataýy, zańdy jáne naqty mekenjaılary;
jarǵylyq kapıtalynyń mólsheri jáne qatysý úlesi;
aksııalardyń túrleri;
satyp alynatyn múlikti paıdalaný arqyly óndiriletin naq sol nemese ózara almastyrylatyn taýarlardy óndirý men ótkizýdiń, olardyń eksporty men Qazaqstan Respýblıkasyna ımportynyń kólemi;
balanstyq quny kórsetile otyryp, mámileniń nysanasyn quraıtyn múliktiń tizbesi;
taýarlardyń túrleri kórsetile otyryp, alynatyn múliktiń qandaı taýarlardy shyǵarý úshin paıdalanylǵany jáne paıdalanylatyny týraly málimetter;
taýarlardyń túrleri kórsetile otyryp, alynatyn múlikti paıdalaný arqyly taýarlardy óndirý men ótkizý boljamy;
naq sol nemese ózara almastyrylatyn taýarlardyń osy mámileni jasasý nátıjesindegi óndirý men ótkizý boljamy.
4) naryq sýbektisiniń kásipkerlik qyzmetti basqa naryq sýbektisi júrgizgen kezde olardyń oryndaýyna mindetti nusqaýlar berýge ne onyń atqarýshy organynyń fýnksııalaryn júzege asyrýǵa múmkindik beretin (onyń ishinde senimgerlik basqarý týraly shart, birlesken qyzmet týraly shart, tapsyrma sharty negizinde) quqyqtar alýy boıynsha:
zańdy tulǵa rastaǵan sharttyń (shart jobasynyń) kóshirmesi ne mámileniń jasalǵanyn (ony jasasý nıetin) rastaıtyn ózge de qujat;
satyp alýshy boıynsha jáne satyp alýshymen bir tulǵalar tobyna kiretin naryqtyń árbir sýbektisi boıynsha mynalar kórsetiledi:
jeke tulǵa úshin – jeke basyn kýálandyratyn qujattyń derekteri, azamattyǵy týraly málimetter, sondaı-aq turǵylyqty jeri jáne zańdy mekenjaıy;
ataýy, zańdy jáne naqty mekenjaılary;
jarǵylyq kapıtalynyń mólsheri jáne qatysý úlesi;
aksııalardyń túrleri;
ózine qatysty osy tarmaqtyń 4) tarmaqshasynda kózdelgen is-áreketter jasalatyn naryq sýbektisi óndiretin nemese ótkizetin taýarlarǵa nemese ózara almastyrylatyn taýarlarǵa uqsas taýarlardy óndirý men ótkizýdiń, olardyń eksporty men Qazaqstan Respýblıkasyna ımportynyń kólemi;
naryqtyń basqa sýbektileriniń atqarýshy organynyń, dırektorlar keńesiniń (baıqaýshy keńestiń) de músheleri bolyp tabylatyn atqarýshy organ, dırektorlar keńesi (baıqaýshy keńes) músheleriniń laýazymy kórsetilgen tizimi;
ózine qatysty osy tarmaqtyń 4) tarmaqshasynda kózdelgen is-áreketter jasalatyn naryq sýbektisiniń taýarlardy óndirýi men ótkizýiniń, olardyń eksporty men Qazaqstan Respýblıkasyna ımportynyń kólemi;
ózine qatysty osy tarmaqtyń 4) tarmaqshasynda kózdelgen is-áreketter jasalatyn naryq sýbektisiniń tikeleı nemese janama baqylaýynda bolatyn naryq sýbektileri óndiretin nemese ótkizetin naq sol nemese ózara almastyrylatyn taýarlardy óndirý men ótkizýdiń, olardyń eksporty men Qazaqstan Respýblıkasyna ımportynyń kólemi;
ózderine qatysty osy tarmaqtyń 4) tarmaqshasynda kózdelgen is-áreketter jasalatyn naryq sýbektisine jáne (nemese) onyń tulǵalar tobyna qatysty mámile jasalǵannan keıin satyp alýshy alatyn quqyqtar týraly málimetter, onyń ishinde mámile jasalǵannan keıin satyp alýshy ıelik etetin naryq sýbektisi aksııalarynyń (jarǵylyq kapıtalyndaǵy qatysý úlesteriniń, paılarynyń) sany jáne ornalastyrý baǵasy, sondaı-aq olardyń naryq sýbektisiniń daýys berý quqyǵy bar aksııalarynyń (jarǵylyq kapıtalyndaǵy qatysý úlesteriniń, paılarynyń) jalpy sanyndaǵy paıyzdyq úlesi jáne olardyń naryq sýbektisiniń jarǵylyq kapıtalyndaǵy paıyzdyq úlesi;
naq sol nemese ózara almastyrylatyn taýarlardyń osy mámileni jasasý nátıjesindegi óndirý men ótkizý boljamy.
5) bir ǵana jeke tulǵalardyń eki jáne odan da kóp naryq sýbektileriniń atqarýshy organdaryna, dırektorlar keńesine, baıqaý keńesterine nemese basqarýdyń basqa da organdaryna atalǵan jeke tulǵalardyń osy sýbektilerdiń kásipkerlik qyzmetin júrgizý jaǵdaılaryn aıqyndaý shartymen qatysýy úshin:
eki jáne odan da kóp naryq sýbektileriniń atqarýshy organdaryna, dırektorlar keńesterine, baıqaýshy keńesterine jáne basqa da basqarý organdaryna qatysýy kózdeletin jeke tulǵa týraly málimetter:
jeke basyn kýálandyratyn qujattyń derekteri, ókilettikterin kórsete otyryp, osy sýbektilerde kásipkerlik qyzmetti júrgizýdiń sharttaryn aıqyndaýǵa múmkindik beretin azamattyǵy, jumys orny, atqaratyn laýazymy týraly málimetter;
zańdy tulǵalar tizbesi, onda habarlamany (qoldaýhatty) jiberýshi (berýshi) tulǵa ókilettikterin kórsete otyryp, kásipkerlik qyzmetti júrgizý sharttaryn aıqyndaıdy;
habarlamany (qoldaýhatty) jiberýshi (berýshi) tulǵa taǵaıyndalatyn nemese saılanatyn zańdy tulǵanyń (tulǵalar tobynyń) jáne basqarý organynyń ataýy;
habarlamany (qoldaýhatty) jiberýshi (berýshi) tulǵanyń atqarýshy organdarǵa, dırektorlar keńesterine, baıqaýshy keńesterge jáne basqa da basqarý organdaryna kirýi josparlanatyn naryq sýbektilerindegi laýazymnyń ataýy;
habarlamany (qoldaýhatty) jiberýshi (berýshi) tulǵanyń atqarýshy organdarǵa, dırektorlar keńesterine, baıqaýshy keńesterge jáne basqa da basqarý organdaryna kirýi josparlanatyn naryq sýbektilerinde osy tulǵaǵa kásipkerlik qyzmetti júrgizý sharttaryn aıqyndaýǵa múmkindik beretin quqyqtar tizbesi;
habarlamany (qoldaýhatty) jiberýshi (berýshi) tulǵa olarda kásipkerlik qyzmetti júrgizý sharttaryn aıqyndaıtyn naryqtyń árbir sýbektisi jáne tulǵalar toby boıynsha mynalar kórsetiledi:
naryq sýbektisiniń ataýy, zańdy jáne naqty mekenjaılary;
taýarlar óndirýdiń, ótkizýdiń, olardyń eksporty men Qazaqstan Respýblıkasyna ımportynyń kólemi;
habarlamany (qoldaýhatty) jiberýshi (berýshi) tulǵanyń qatysýy josparlanatyn naryq sýbektisi boıynsha, sondaı-aq osy tulǵa kiretin tulǵalar toby boıynsha mynalar kórsetiledi:
naryq sýbektisiniń ataýy, zańdy jáne naqty mekenjaılary;
habarlamany (qoldaýhatty) jiberýshi (berýshi) tulǵa olarda kásipkerlik qyzmetti júrgizý sharttaryn aıqyndaıtyn naryq sýbektisi men tulǵalar toby óndiretin jáne ótkizetin naq sol nemese ózara almastyrylatyn taýarlardy óndirýdiń, ótkizýdiń, olardyń eksporty men Qazaqstan Respýblıkasyna ımportynyń kólemi.
6) sheteldik zańdy tulǵalar memlekettik kórsetiletin qyzmet standartynyń osy tarmaǵyna sáıkes beriletin aqparattan basqa qosymsha mynalardy:
ózi turǵan eldiń zańnamasyna sáıkes onyń zańdy mártebesin rastaıtyn, shyqqan eliniń saýda tiziliminen nemese ózge de balama qujattan notarıat kýálandyrǵan úzindi kóshirmeni;
eger sheteldik zańdy tulǵanyń Qazaqstan Respýblıkasynda tirkelgen fılıaly nemese ókildigi bolsa, fılıaldy nemese ókildikti eseptik tirkeý týraly málimetterdi jáne fılıal nemese ókildik týraly erejeniń kóshirmesin;
eger satyp alýshynyń – sheteldik zańdy tulǵanyń nemese sheteldik qatysýy bar naryq sýbektisiniń Qazaqstan Respýblıkasynda fılıaly nemese ókildigi bolsa, fılıaldyń nemese ókildiktiń Qazaqstan Respýblıkasynda óndiretin jáne (nemese) ótkizetin taýarlarynyń túrleri tizbelengen aqparatty beredi.
Eger qosymsha málimetterdiń jáne (nemese) qujattardyń bolmaýy qoldaýhatty qaraýǵa kedergi keltiretin bolsa, kórsetiletin qyzmetti berýshi jazbasha túrde jáne (nemese) elektrondyq túrde «jeke kabınetke» tıisti suraýdy jiberý arqyly olardy kórsetiletin qyzmetti alýshydan suratýǵa quqyly.
Kórsetiletin qyzmetti berýshiniń keńsesinde kúni jáne kórsetiletin qyzmetti berýshi qyzmetkeriniń qoly kórsetilgen kórsetiletin qyzmet alýshy qujattarynyń kóshirmesindegi belgi (tirkeý týraly) qujattardyń qabyldanǵanyn rastaý bolyp tabylady.
10. Memlekettik qyzmetti kórsetýden bas tartý (qoldaýhattardy qaraýdy toqtatý) úshin:
1) kórsetiletin qyzmetti alýshylardan qoldaýhatty keri qaıtaryp alý týraly habarlamanyń túsýi;
2) eger mundaı aqparattyń bolmaýy qoldaýhatty qaraýǵa kedergi keltiretin bolsa, kórsetiletin qyzmetti alýshynyń aqparatty kórsetiletin qyzmetti berýshi belgilegen merzimde bermeýi;
3) kórsetiletin qyzmetti alýshynyń qoldaýhatty obektıvti túrde qaraýǵa yqpal etetin dáıeksiz aqparat berýi negiz bolyp tabylady.
3. Ortalyq memlekettik organdardyń, sondaı-aq kórsetiletin qyzmetti berýshilerdiń jáne (nemese) olardyń laýazymdy tulǵalarynyń sheshimderine, áreketterine (áreketsizdigine) shaǵymdaný tártibi
11. Kórsetiletin qyzmetti berýshiniń jáne (nemese) onyń laýazymdy tulǵalarynyń memlekettik qyzmet kórsetý máseleleri boıynsha sheshimderine, áreketterine (áreketsizdigine) shaǵymdanǵan jaǵdaıda, shaǵym myna mekenjaı boıynsha kórsetiletin qyzmetti berýshi basshysynyń atyna beriledi: 01000, Astana qalasy, Orynbor kóshesi, № 8 úı, «Mınıstrlikter úıi», 4-kireberis, telefondar: 8 (7172) 74-91-18, 74-95-07, fakstar: 8 (7172) 74-96-10.
Shaǵym jazbasha nysanda pochta arqyly ne kórsetiletin qyzmetti berýshiniń keńsesi arqyly beriledi.
Shaǵym qabyldanǵan jaǵdaıda kórsetiletin qyzmetti alýshy óziniń tegin, atyn, ákesiniń atyn (bolǵan jaǵdaıda) ne zańdy, poshtalyq mekenjaıyn, shyǵys nómiri men kúnin kórsetedi. Shaǵymǵa kórsetiletin qyzmetti alýshy qol qoıady.
Kórsetiletin qyzmetti berýshiniń atyna ne Mınıstrliktiń atyna kelip túsken kórsetiletin qyzmetti alýshynyń shaǵymy ol qaralýǵa qabyldanǵan kúninen bastap 5 (bes) jumys kúni ishinde qaralýǵa tıis.
Kórsetilgen memlekettik qyzmet nátıjelerimen kelispegen jaǵdaıda, kórsetiletin qyzmetti alýshy memlekettik qyzmetterdi kórsetý sapasyn baǵalaý jáne baqylaý jónindegi ýákiletti organǵa shaǵymmen júgine alady.
Memlekettik qyzmetterdi kórsetý sapasyn baǵalaý jáne baqylaý jónindegi ýákiletti organnyń atyna kelip túsken kórsetiletin qyzmetti alýshynyń shaǵymy ol tirkelgen kúninen bastap on bes jumys kúni ishinde qaralady.
12. Kórsetiletin qyzmetti alýshy kórsetilgen memlekettik qyzmet nátıjelerimen kelispegen jaǵdaılarda zańnamada belgilengen tártippen sotqa júginýge quqyly.
4. Memlekettik qyzmet kórsetý erekshelikterin eskere otyryp qoıylatyn ózge de talaptar
13. Memlekettik qyzmetti kórsetý ornynyń mekenjaılary: Mınıstrliktiń www.economy.gov.kz ınternet-resýrsynda, kórsetiletin qyzmetti berýshiniń krem.gov.kz resmı ınternet-resýrsynda ornalastyrylǵan.
14. Memlekettik qyzmetti kórsetý máseleleri boıynsha anyqtama qyzmetteriniń baılanys telefondary: Mınıstrliktiń www.economy.gov.kz ınternet-resýrsynda, kórsetiletin qyzmetti berýshiniń krem.gov.kz resmı ınternet-resýrsynda kórsetilgen. Memlekettik kórsetiletin qyzmetterdi kórsetý máseleleri boıynsha biryńǵaı baılanys ortalyǵy: 1414.
«Ekonomıkalyq shoǵyrlanýǵa kelisim berý týraly qoldaýhattardy qaraý» memlekettik kórsetiletin qyzmet standartyna qosymsha
Nysan
Ekonomıkalyq shoǵyrlanýǵa kelisim berý týraly qoldaýhat
Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy
retteý jáne básekelestikti qorǵaý komıtetiniń birinshi basshysy
______________________________________________________________
(Kórsetiletin qyzmetti alýshynyń tolyq ataýy jáne (nemese) TAÁ, BSN
jáne JSN (bolǵan jaǵdaıda)
Ekonomıkalyq shoǵyrlanýǵa kelisim berý týraly qoldaýhat
«Básekelestik týraly» Qazaqstan Respýblıkasy Zańynyń 49-babynyń 2-tarmaǵyna sáıkes __________________________________________________________________________________________________________________
(mámileniń, is-árekettiń máni men taraptary kórsetilgen mámileniń, is-árekettiń sıpattamasy)
qamtıtyn ekonomıkalyq shoǵyrlanýǵa kelisim berýdi suraımyn.
Osy ekonomıkalyq shoǵyrlanýǵa kelisim berý týraly qoldaýhat _________________________________ negizinde
(«Básekelestik týraly» Qazaqstan Respýblıkasy Zańynyń 50-baby 1-tarmaǵynyń tarmaqshasy kórsetiledi)
_______________________________________________________________________________________ beriledi.
(kórsetiletin qyzmetti alýshynyń ataýy (TAÁ) kórsetiledi)
Qujattama _______________________________________________________________________________ sáıkes
(«Básekelestik týraly» Qazaqstan Respýblıkasy Zańynyń 53-babynyń tarmaǵy kórsetiledi) qosa beriledi.
Usynylyp otyrǵan qujattar nómirlengen jáne tigilgen (elektrondyq jetkizgish qosa beriledi).
Usynylyp otyrǵan qujattar men málimetterdiń tolyqtyǵy men durystyǵyn rastaımyn.
Aqparattyq júıelerde qamtylǵan zańmen qorǵalatyn qupııany quraıtyn málimetterdiń paıdalanylýyna kelisemin.
Ýákiletti tulǵanyń qoly
Buıryq Qazaqstan Respýblıkasynyń Ádilet mınıstrliginde 2015 jylǵy 5 mamyrda Normatıvtik quqyqtyq kesimderdi memlekettik tirkeýdiń tizilimine №10938 bolyp engizildi.