Kásipker Bolat Ábdibekov úshin meshit jyry ótken ǵasyrdyń 90-shy jyldarynan bastaldy. «Quralaı» kompanııasy jergilikti atqarý organdarynyń suraýymen Arqalyqta, Amantoǵaıda jáne Torǵaı kentinde meshit turǵyzǵan bolatyn. Tapsyrys berýshiler qurylys kompanııasynyń aqysyn túgel tóleı almaıdy. Kásipker sotqa berip, jeńgenmen, onyń qolyna aqsha tımeıdi, meshitterdiń ıesi bolyp qala beredi. Mine, 16-17 jyl boıy kásipker óziniń qurylysqa jumsaǵan aqshasyn qaıtyp ala almaı júr. Bul týraly kásipker jergilikti «Kostanaıskıe novostı» gazetine bergen suhbatynda aıtqan.
Kásipkerdiń aıtýynsha, Arqalyqtaǵy meshit 150 mıllıon teńgege, Amantoǵaıdaǵy meshit 50 mıllıon teńgege, al Torǵaıdaǵy meshit 31 mln 500 myń dollarǵa baǵalanǵan. Ol meshitti kúzetýmen sharshaǵanyn, eger alatyn adam bolsa baǵasyn túsirýge daıyn ekenin aıtyp otyr. Al meshitterdi buzyp, qurylys materıalyna jaratý kúná dep sanaıdy.
Názıra Járimbetova
Qostanaı oblysy