Senattyń Halyqaralyq qatynastar, qorǵanys jáne qaýipsizdik komıtetiniń tóraǵasy Qýanysh Sultanov Túrkııanyń Qazaqstandaǵy Tótenshe jáne ókiletti elshisi Lale Úlkermen kezdesti. Kezdesý barysynda Qazaqstan men Túrkııanyń ekijaqty qatynastary, onyń ishinde parlamentaralyq únqatysýdy odan ári nyǵaıtý máseleleri boıynsha pikir almasyldy.
Qazaqstan men Túrkııa arasyndaǵy qol jetken yntymaqtastyq deńgeıi saıası, saýda-ekonomıkalyq, ınvestısııalyq jáne mádenı-gýmanıtarlyq saladaǵy ózara ekijaqty is-qımyldy tabysty damytýǵa múmkindik beretini aıtyldy.
Memleketaralyq qatynastardy nyǵaıtýdaǵy parlamentaralyq quramnyń mańyzdy rólin atap óte kelip, Q.Sultanov túrkitildes memleketterdiń Parlamenttik Assambleıasy (TúrkiPA) deńgeıinde ózara is-qımyldyń joǵary áleýetin atap ótti.
L.Úlker sondaı-aq ekijaqty baılanystardy odan ári tereńdetý jaıyna toqtalyp, Qazaqstan men Túrkııa arasyndaǵy saıası, ekonomıkalyq jáne mádenı-gýmanıtarlyq baılanystardy qarqyndy damytý úshin barlyq jaǵdaı jasalǵanyn aıtty, dep habarlady Parlament Senatynyń baspasóz qyzmeti.