Qazan aıynyń basynda kóshelerge Q árpi beınelengen iri posterler ilinip, qalyń kópshiliktiń basyn qatyrǵan edi. Endi sol qupııanyń syry ashyldy: munysymen «Qazkommersbank» AQ óziniń jańartylǵan strategııasy men aýystyrylǵan brendtik belgisine nazar aýdartqysy kelgen eken.
Áý basta syrǵa toly Q-diń mán-maǵynasy týraly san alýan nusqalar boldy: ulttyń joǵary IQ-i (Quotient), sapa (Quality), biliktilik – Qualification. Eger buǵan taǵy bir mańyzdy anyqtamany – klıentke moıyn burýshylyqty qossaq, onda QKB-tiń jańa paradıgmasyn, QAZKOM degen jańa brendke aýysýynyń mánin tolyq túsinesiń. Banktiń rebrendıngi osyǵan sáıkes, parasatty ulttyń tarıhy arqyly jasaldy. Ár ǵasyrda ómir súrgen ult kóshbasshylary men ult qaıratkerlerin kórsetýdi tańdap alý – ótkenge qurmet, bolashaqqa baǵdar. Sóıtip, «Parasatty ult – Ýmnaıa nasııa» jarnamalyq naýqanyna múddelilik tanytqan qazaqstandyqtar arqasynda atalǵan qarjy ınstıtýty óziniń alǵa qoıǵan maqsat-murattaryna tolyq jetti deýge negiz bar.
О́tken juma kúni Bank Dırektorlar keńesiniń tóraǵasy ári negizgi aksıoner Keńes Raqyshev jáne onyń komandasy jurtshylyqqa QAZKOM-nyń jańa brendin tanystyrdy. Tusaýkeser jańa keńsede jáne ony ótkizý kúni de kezdeısoq tańdap alynǵan joq: 21 qazanda banktiń qurylǵanyna 25 jyl toldy. QAZKOM-nyń jańa keńsesi Quintessence – ıdeıalardyń iske asyrylýy sekildi jyl boıy banktiń barlyq servıstik júıesine birtindep kóshedi. Mamyr aıynda Keńes Raqyshev qarjy ınstıtýtynyń jańa strategııasyn usynyp, klıentke qyzmet kórsetý salasyndaǵy jarqyn ózgerister týraly aıtyp, oǵan az ýaqyttyń ishinde qol jetkizýge ýáde bergen edi. Osy joly bankırler ózderi aıtqan qarapaıymdylyqqa (Qarapayım), jedel jyldamdylyqqa (Qarqyndy) jáne qyzmet kórsetý sapasyn (Qundylyq) jetildirýge negizdelgen bank fılosofııasyn júzege sátti asyrǵandaryn kópshilikke pash etti.
Tusaýkeser qarsańynda halyqaralyq Standard&Poor’s reıtıng agenttigi banktiń uzaq merzimdi kredıttik reıtıngisin «SSS+»-dan «B-»-ge ózgertti. Bul ózgeris Banktiń birqatar jaqsy kórsetkishterine oraı jasaldy. S&P-tiń túsiniktemesinde negizgi aksıonerdiń jańa komandasymen birge qol jetkizgen bıznestiń tıimdi damýynyń jaǵymdy jaqtary barynsha aıqyn kórsetildi.
Banktiń jańa bólimshesinde klıenttiń ózin jaqsy sezinýi úshin ári kezek kútip qalǵan jaǵdaıda kóńilin aýlaý úshin jaǵdaıdyń bári jasalynǵan, klıentke kofe de usynylady, ol jaıly orynǵa da otyrady, ınternet jelisine de tegin kire alady. Zamanaýı tehnologııamen, ozyq qural-jabdyqtarmen jabdyqtalǵan jańa bólimshede sirá klıenttiń kezek kútýine týra kelmeıtin shyǵar. О́ıtkeni, munda ózińiz de jeke-dara túrde tólem jasap qana qoımaı, óz betińizshe depozıt asha alasyz, kartochkańyzdy tolyqtyrýǵa múmkinshilik bar, tipti kredıt te rásimdeı alasyz. Degenmen, usaq-túıekke deıin mán berip, klıent úshin jasalǵan qosymsha jaılylyq QAZKOM-nyń qyzmet kórsetý sapasyn «bes juldyz» deńgeıine deıin kóterý qulshynysyn baıqatady. Sapaly qyzmet pen ónim arqyly jańa klıentterdi tartýdyń qyr-syryn meńgergen bul qarjy ınstıtýty shaǵyn jáne orta bıznes ókilderin jáne bólshek saýda ıelerine túrli qarjylyq ónim usynbaqshy. Bank buryn-sońdy bıznestiń bul segmenterine basymdyq bermegeni belgili. Endi klıent úshin tyń salalardy da qamtyp, qyzmet kórsetýge shyndap kiristi. Munyń ózi úlken jetistik, úlken jeńis.
Tusaýkeserde bankırler budan ózge de jaǵymdy jańalyqtarymen bólisti. QAZKOM-nyń jańa fılosofııasy júzege asa bastaǵan sátte shaǵyn jáne orta kásipkerlerge berilgen nesıe kólemi óziniń tarıhı kóleminiń 70 paıyzyn quraǵan. Al bólshek klıentterge burynǵymen salystyrǵanda, 9 ese kóp kredıttik karta berilipti jáne bul kórsetkishti aldaǵy ýaqytta úsh esege kóbeıtý kózdelýde. Buǵan qosa, onlaın túrinde ashylyp jatqan depozıtter legi de ósken. Búginderi QAZKOM-da ashylǵan árbir besinshi depozıt qashyqtyqtan ashylǵanyn aıtyp ótý mańyzdy.
– О́zgeristiń mán-mańyzy tek logotıpti aýystyrýmen jáne Bank ataýyn basqasha jazýmen shektelmeıdi. Eń bastysy – biz málimdegen Banktiń jańa strategııasyndaǵy damý maqsat-murattary – bank qyzmetiniń sapasy jaqsarýy tıis, – dedi Keńes Raqyshev BAQ ókilderimen kezdesken kezde. – Áńgime bizdiń klıentterdiń qajettiligine moıyn burýdan, anyǵynda, qyzmet kórsetý salasyndaǵy iri reforma jóninde aıtylyp otyr. Logotıptegi Q lıterasy klıentterimizge banktik servıste úlken mobıldilikti, qarapaıymdylyq pen jedel jyldamdyqty qamtamasyz etý maqsatynda ınnovasııany damytýdyń jańa deńgeıine shyǵý talpynysymyzdy bildiredi.
Banktiń jańa basshylyǵy jańa brendtiń sabaqtastyǵyn erekshe atap ótti. «Kásipkerlik romantızm dáýirinde» Qazkom eldegi 236 banktiń biri ǵana bolǵan. 1991 jyly 1 mıllıon dollar aktıvi bolǵan bank 15 mlrd dollarlyq aktıvke deıin ósti. Qazir jeke kapıtaldyń ózi 1,5 mlrd dollardy quraıdy, al bank júıesinde 4 mln klıentke qyzmet kórsetiledi. Áý basta bul banktiń 72 klıenti boldy degenge osy kúni bireý senedi, bireý senbeıdi. Qabyldanǵan jańa strategııa – klıentterdiń jańa talaptary men suranystaryna jaýap beretin jańa servıstiń IT-formasııasyna, damýdyń jańa kezeńine kóshý maqsat-muraty.
– QAZKOM dál búgingi qalpynda ózinen-ózi quryla salǵan joq. Oǵan Bank qyzmetkerleriniń ashy mańdaı teri, zııatkerlik úlesi jáne klıentterimizdiń izdenimpazdyǵy arqasynda qol jetti. Bizdiń elimizde ómir súrip jatqan júzden asa ult ókilderiniń qoldaýynsyz biz osy kúnge jete almas edik,– dedi basqarma tóraǵasynyń birinshi orynbasary Abaı Iskandırov.
Alevtına DONSKIH
ALMATY