Ákimshilik kedergilerdi azaıtý

arqyly shaǵyn jáne orta bıznestiń jan-jaqty damýyna qolaıly múmkindikter týdyrýǵa bolatynyn tájirıbe kórsetip otyr Petropavlda «Atameken» ult­­tyq kásipkerler palatasy kásip­ker­ler quqyǵyn qorǵaý keńesiniń res­pýblıkalyq kóshpeli otyrysy uıym­dastyryldy. Alqaly jıynǵa keńes jetekshisi Ǵanı Qasymov tóraǵalyq etip, shaǵyn jáne orta bıznes salasyna qatysty ózekti máseleler talqylandy. Ǵ.Qasymov kirispe sózinde ká­sip­kerlerdiń quqyǵyn qorǵaý jónindegi Elbasy tapsyrmalaryn oryndaý basty baǵdar, buljymas qaǵıdat bolyp qala beretinin atap kórsetti. Úsh jyldyń ishinde 12 myńǵa jýyq másele qaralyp, naqty sheshimder alynǵan. Bıznes salasyndaǵy tolǵaqty problemalardy eńserýde óńirlerge erekshe talap júkteletinine, biri­gip jumys istegende ǵana naqty nátıje shyǵatynyna nazar aýdardy. Jasyratyny joq, óz kásibin ashqysy kelgen adamdarǵa ákimshilik kedergiler áli az kezdespeıdi. Túrli syltaýlar aıtylyp, bógetter jasalady. Sondyqtan, shaǵyn jáne orta bıznes ókilderine óktemdik ja­saý­shy­lardyń aty atalyp, túsi tústelýi tıis. Memlekettik qyzmetshi me álde qu­qyq qorǵaý organynyń adamy ma, endi aıaýshylyq bolmaıdy, dedi keńes tóraǵasy. Oblystyq kásipkerler palata­sy­ dırektorynyń quqyq­tyq má­­­­­se­­­­le­ler jónindegi orynbasary Je­­­ńis Qazıevtiń habarlaýynsha soń­ǵy úsh jylda 2761 shaǵym tús­ken. 380 mıl­­lıon teńgeniń bıznes múddesi qorǵalǵan. Bıyl 34 ákim­shilik kedergi anyqtalyp, 16-y qanaǵattandyrylyp, 11-i res­pýblıkalyq vedomstvolarǵa jol­dan­ǵan. 100-den astam kásipkerge túr­li kómekter kórsetilgen, túsin­di­rý jumystary júrgizilgen. De­sek te shaǵymdanýshylar qatary seıi­ler emes. Onyń basty sebepteri qa­­ǵaz­bastylyqqa, bıýrokrattyq en­jar­lyqqa, basqa da bógesinderge kelip tireledi. Jergilikti kásipkerler atynan sóz alǵan «Kazgradstroı» qu­ry­­lys kom­pa­nııasynyń dırektory Aleksandr Avdeev birqatar qı­ǵash­tyqtardy jaıyp saldy. Onyń aıtýynsha, oblys ákimi­niń bu­rynǵy orynbasary qyzmet babyn paıdalanyp, neshe túrli qysymshylyq kórsetip kelgen. Qurylys basqarmasy tarapy­nan da bura tartýshylyqtar az ushy­raspaǵan. 2,5 jylda qoljetimdi tur­ǵyn úıler salýǵa 6 mıllıard teńge ınvestısııa quıylǵanyna qaramastan, kommýnıkasııalyq júıeler tartý, telim jerler bólý jaǵynan qoldaý az. Keńeste shaǵyn bıznes ókil­derinen tús­ken aryzdar boıynsha tarap ıeleri tyńdalyp, muqııat taldaý júrgizildi. «Lesokompleks» JShS-niń dırektory Andreı Andreev memleket­tik jáne quqyq qorǵaý oryndary­­nyń shabandyǵyna shaǵymdandy. Kompa­nııa bir bankpen 2017 jyl­dyń 5 sáýirine deıin 14 paıyzdyq ústeme­men 900 myń AQSh dollary kóleminde ne­sıe jelisin ashý jaıly kelisim jasas­qan. Ondaǵy maqsat ınvestısııany, aınalym qarajatyn tolyqtyrý bolǵan. Alaıda, syıaqy mólsheri aıaqasty ósip ketýi saldarynan tıisti jobalar qar­jy tapshylyǵyna ushyrap, óndiris­tiń quldyraýyna soqtyrǵan. Qarjy ınstıtýttarymen kelisim nátıjesiz aıaqtalǵan. Eshqandaı je­ńildik túrle­ri qarastyrylma­ǵan. Sóıtip, banktiń paıdasyna 92,2 mıllıon teńge óndirilgen. Seriktestik basshylyǵy kepilde tur­ǵan jyljymaıtyn múlikterdi bank arzan baǵamen sattyrýǵa májbúrledi, ol úshin alaıaqtyqqa bardy degen ýájben zań oryndaryna qaıyrylǵan. Bul áreket­ti kuqyqqa qol suǵýshylyq dep baǵa­lap otyr. Osy máselege qatysty tıis­ti oryndarǵa naqty tapsyrma beri­lip, Ǵ.Qasymov jeke baqylaýyna aldy. «Atameken» UKP kásipker­ler qu­qy­ǵyn qorǵaý keńesiniń tóraǵasy Ǵ. Qasymov qorytyndy sózinde aldaǵy ýaqy­tta da iskerlik tal­qylaýlar men oı-pikirler alma­sýǵa keń jol ashylatynyn, ákim­shilik keder­gilerdi joıý­ǵa barlyq múmkindikter qara­s­ty­rylatynyn jetkizdi. О́mir ESQALI, «Egemen Qazaqstan» Soltústik Qazaqstan oblysy