«Nur Otan» partııasy oblystyq fılıaly janyndaǵy partııalyq baqylaý komıssııasy men jemqorlyqqa qarsy is-qımyl jónindegi qoǵamdyq keńestiń birlesken otyrysynda «Nurly jol» memlekettik baǵdarlamasynyń oryndalý barysy, qurylystyń, joldardyń jaǵdaıy talqylandy.
Baǵdarlamanyń aıasynda 14 mıllıard teńge baǵyttalsa, 11 mıllıard teńge qarajat joldardy qalpyna keltirýge jumsalǵan. «Qazavtojol» UK» AQ oblystyq bólimshesiniń dırektory Asqar Jankın jınalǵandardy «Býrabaı–Kókshetaý–Petropavl» jolynyń jáne Reseıge aparatyn joldardyń jaǵdaıymen tanystyrdy. Onyń aıtýynsha, «Astana–Petropavl» baǵytyndaǵy tasjoldyń 87 shaqyrymyn, «Petropavl – Jezqazǵan» baǵytyndaǵy tasjoldyń 11 shaqyrymyn jóndeý jumystary bıyl tolyq aıaqtalady.
Partııalyq baqylaý komıssııasynyń tóraǵasy Álim Shúkenov merdigerlerdiń materıaldardy ońdy-soldy únemdeıtinin, bıtýmdy az qoldanatynyn synǵa aldy. Shalshyq sý men sazdyń ústine asfalt tóseıtinin óz kózimmen kórdim. Demek, jaýapty kompanııalar tarapynan iske baqylaý joq degen sóz. Osyndaı oralymsyzdyqtar saldarynan bir ýchaskeni jylda jamap-jasqap jatqandary. Odan da kúrdeli jóndeý júrgizilse, qarajat tıimdi jumsalar edi, dedi ol. О́zgeler de osy pikirge qosylyp, sapasyz joldar merdigerler esebinen jóndelýi tıistiligin qadap aıtty. A.Jankın merdigerler jol sapasyna bes jylǵa deıin jaýap beretinin, kelisimshartta olar banktik kepildeme beretindikten, jaýapkershilikten jaltara almaıtynyn, mindettemeni oryndamaǵan jaǵdaıda basqa kompanııalar atqaratynyn jetkizdi.
Qurylys basqarmasy basshysynyń orynbasary Vladıslav Lýkın «Nurly jol» baǵdarlamasy sheńberinde Ǵ.Músirepov aýdanynda – 400, Taıynsha qalasynda 300 oryndyq mektep, Petropavl qalasynda 320 oryndyq balabaqsha turǵyzylǵanyn, bul maqsattaǵy qarjy tıimdi jumsalǵanyn kóldeneń tartty.
Alaıda, qoǵamdyq keńes múshelerin oblys ortalyǵyndaǵy keı ýchaskelerdegi sý qubyrlaryn tartý jaıy qanaǵattandyrmady. Energetıka jáne turǵyn úı-kommýnaldyq sharýashylyq basqarmasynyń mindetin atqarýshy Tasmurat Qadqadamovtyń komıssııa aldyndaǵy esebi bir aıdan keıin qaıta tyńdalatyn boldy.
Jıynda memlekettik baǵdarlamalardy múltiksiz oryndaý, jemqorlyqqa jol bermeý, aldyn alý asa mańyzdy faktor ekeni atap kórsetilip, sharalar belgilendi.
О́mir ESQALI,
«Egemen Qazaqstan»
Soltústik Qazaqstan oblysy