Qazaqstan Respýblıkasynyń Memlekettik hatshysy Gúlshara Ábdiqalyqova «N.Nazarbaevtyń úlgisi: beıbitshilik pen kelisimniń 25 jyly» atty halyqaralyq ǵalymdar men sarapshylar forýmyna qatysty, dep habarlaıdy egemen.kz akorda.kz saıtyna silteme jasap.
El táýelsizdiginiń 25 jyldyǵyna arnalǵan forýmǵa Qazaqstan halqy Assambleıasy tóraǵasynyń orynbasary E.Toǵjanov, Parlament Májilisiniń depýtattary, memlekettik organdardyń, ǵylymı jáne shyǵarmashyl zııaly qaýymnyń, etnomádenı birlestikterdiń ókilderi, qoǵam qaıratkerleri, Qazaqstan halqy Assambleıasy ǵylymı-saraptamalyq keńesiniń músheleri, Reseı, Eýropalyq Odaq, Latyn Amerıkasy, Úndistan, Qytaı, Pákistan, Ońtústik Koreıa, Japonııa elderiniń ǵalymdary men sarapshylary qatysty.
Forýmǵa qatysýshylarǵa arnaǵan sózinde G.Ábdiqalyqova qoǵamdyq kelisim men jalpyulttyq birliktiń qazaqstandyq úlgisin qalyptastyrǵan Nursultan Nazarbaevtyń aýqymdy tulǵalyq ereksheligine toqtalyp ótti. Memlekettik hatshy Qazaqstan etnosaralyq kelisim men halyq birligi salasynda jahandyq kóshbasshylardyń birine aınalǵanyn aıtty.
Forýmǵa qatysýshylar kópulttylyq jaǵdaıyndaǵy etnosaralyq dıalog modeliniń otandyq jáne álemdik tájirıbesin, polıetnıkalyq qoǵamdaǵy ıntegrasııalyq úderisterdi, sondaı-aq til saıasatynyń biriktirýshi rólin talqylady.
Forým qorytyndysy boıynsha Qazaqstan Prezıdentine joldanatyn onyń beıbitshilik pen kelisim saıasatyn, sondaı-aq álemdik qaýipsizdik pen turaqtylyqty qamtamasyz etý jónindegi jahandyq bastamalaryn qoldaý týraly úndeý mátini bekitildi.