28-qazan - Halyqaralyq anımasııa kúni. Bul merekeni anımasııalyq kınonyń Halyqaralyq assosıasııasy fransýzdyq áriptesteriniń usynysymen 2002 jyly bekitken. Dál sol jyly alǵashqy anımasııalyq tehnologııanyń shyǵýyna 110 jyl bolǵan edi. 1892 jyly 28 qazan kúni Parıjde sýretshi Emıl Reıno alǵash ret qozǵalyp turatyn sýretterdi kórsetetin «praksınoskop» apparatyn tanystyrǵan. Bul qazirgi mýltfılmderdiń shyǵýyna jol ashqan edi.
Qazaqstanda alǵashqy anımasııa 1967 jyly shyqqan «Qarlyǵashtyń quıryǵy nege aıyr» atty týyndy boldy. Rejısser Ámen Qaıdarov bul mýltıplıkasııalyq fılm úshin Lenıngrad qalasynda ótken Búkilodaqtyq kınofestıvalda (1968), Nıý-Iorktegi Halyqaralyq mýltıplıkasııalyq fılmder festıvalinde (1975) júlde alǵan.