Túrkııa men Ázirbaıjan kásipkerleri Atyraý oblysyndaǵy kásiporyndarǵa qarjy quımaq. Osy maqsatta eki eldiń bıznes qaýymdastyǵy óńirge arnaıy kelip, kelissózder júrgizdi, dep habarlaıdy egemen.kz 24.kz - ke silteme jasap.
Túrkııa men Ázirbaıjan kásipkerleriniń bizdiń naryqqa kelgenine 20 jyldan asty. Búginde azyq-túlik ónimderi, munaı-gaz salasyna servıstik qyzmet kórsetý jáne munaı hımııasy boıynsha ondaǵan birikken kompanııalar jumys istep jatyr. Endi qos memleket Atyraýǵa jaqyn bolǵandyqtan, kólik-logıstıka salasyn damytyp, ózara júk tasymalyn júrgizetin baǵyttar men jańa bıznes jobalaryn usyndy.
Atyraý oblysynda ınvestorlar úshin barlyq jaǵdaı jasalǵan. Arnaıy ekonomıkalyq aımaqtan barlyq ınfraqurylymy jabdyqtalǵan jer telimderin berý, salyq jáne ózge de jeńildikter jasaý baǵytynda jergilikti atqarýshy bılik ókilderi barynsha sapaly qyzmet kórsetip keledi.