Nıý-Iorktaǵy BUU shtab-páterinde ulttyq taǵamdar festıvali uıymdastyryldy, dep habarlaıdy egemen.kz 24.kz - ke silteme jasap.
Bul sharaǵa kelgen meımandar qazaqtyń mol dastarqanynan dám tatyp, tamsanyp qaıtty. Sheteldik qonaqtar Qazaqstanǵa degen qyzyǵýshylyqtarynyń basym ekenin aıtady. Ulttyq tamaq túrlerin meımandarǵa otandastarymyz barynsha dámdi ári ádemi qylyp daıyndaǵan.
BUU Bas hatshysy Pan Gı Mýn festıval qatysýshylarynyń barlyǵyn quttyqtady. Ár ulttyń taǵamynan dám tatqan mártebeli meıman Qazaqstan dastarqanyna erekshe kóńil bóldi. Ulttyq naqyshta kıingen Arýana men Azamat esimdi búldirshindermen tildesken Bas hatshy otandastarymyzdyń daıyndyǵyna joǵary baǵa berdi.