Halyqtar dostyǵyna arnaldy

Keshe Ekonomıkalyq qyl­mys­­qa jáne sybaılas jem­qorlyqqa qarsy kúres agenttigi Qarjy po­lısııasynyń aka­de­mııa­synda ha­lyqtar dostyǵy men tatýlyǵyn pash etken úlken jıyn bolyp ótti. Onda akademııa bas­shy­ly­ǵynyń uıym­das­tyrýymen «Vaınah» ulttyq-má­denı ortaly­ǵy­nyń jetekshisi Salman Geroev akademııanyń oqytýshy-profes­sor­lyq qu­ra­my­men jáne tyń­daý­shylarmen kezdesti. Kezdesýdi ashqan akademııa basshysy Marat Báshimov elimizdegi halyqtar dostyǵynyń shy­naıy da myzǵymas úlgisi retinde tanylǵan «Vaınah» ulttyq-má­denı ortalyǵynyń Qazaq­stan­da­ǵy osy kezge deıingi ıgilikti iske qosqan úlesi men atqaryp jat­qan jumystary týraly jan-jaqty aı­typ ótti. Bizdiń elimizdegi ha­lyqtar arasynda, eń aldymen dos­tyq, tatýlyq bir-birin erekshe syılaý men qur­metteý dástúri etek alǵan. Son­dyqtan da mundaı qasterli de qasıetti ónegeni keıingi urpaqqa jalǵastyrý – paryz О́ıtkeni, bir­lik bolǵan jerde tirlik bo­latynyn bizdiń ata-babamyz anyq túsingen. Memleketimizdiń de basty saıasaty halyqtar dos­tyǵyn keńinen qoldaý bolyp ta­bylady. Endeshe quqyq qorǵaý salasynda erteń úlken ómirge ara­lasatyn bizdiń qazirgi tyń­daý­shylarymyz dostyq jibin odan ári nyǵaıtyp, jalǵastyra túsýi tıis degen akademııa bas­shysy kelesi sózdi Astana qa­lasyndaǵy «Vaınah» ulttyq-má­de­nı ortaly­ǵy­nyń jetekshisine berdi. Salman Geroev óz sózinde atalǵan ortalyq munda sonaý 1990 jyldardyń ortasynda qu­rylǵandyǵyn atap ótti. Odan ári ol Qazaqstan halqy Assam­bleıa­sy týraly, Astana qalasyndaǵy jaq­sy ister jóninde keńinen áńgi­melep berdi. Sonymen qatar ózde­riniń ulttyq mádenı dástúr­lerin nasıhattaý múmkindigi týǵan­dy­ǵyna alǵys bildirdi. Biz bárimiz de Qazaqstanda turyp jatqan teń quqyly ha­lyq­pyz. Biz etnomádenı uıym­da­rymyzdy qurýǵa, mádenıe­ti­mizdi, tilimizdi, salt-dástúr­le­rimizdi qa­laýy­myzsha damyta alamyz. Bu­ryn mundaı bolǵan joq. Tipti bes-alty adam bolyp jınalyp, ishki máselelerimizdi talqylaýǵa tyıym salynatyn. Al qazir bárine múmkindik bar. Bizdiń adamdyq qu­qymyz ben bos­tandyǵymyz naqty zań jú­zinde qorǵalatyn boldy. Osy­nyń bári el táýelsizdiginiń, memleketimizdiń ustanǵan syn­darly saıasatynyń arqasy dep bilemin. Osy kópqyrly saıa­sa­ty­myzdyń nátıjesinde biz búkil álemge tanyldyq. Oǵan ótken jyldyń aıaǵynda ótkizilgen Astana Sammıti kýá, ústimizdegi jyly ótkizilgen Qysqy Azıada oıyn­dary naqty mysal bola alady degen Salman Geroev Qazaqstanda adam, onyń jaqsy da aýqatty tur­mysy men tatý-tátti ómiri úshin atqarylǵan orasan zor isterdi mysalǵa keltirdi. Osy jetis­tikterdiń túp-tiregi bul halyqtar dostyǵy, olardyń myzǵymas ta­týlyǵy men ár­qashanda bir-birin qurmet tu­týshylyǵy dep túıin­degen onyń oıyn «Vaınah» bı ansambli ilip áketti. Bı ansambliniń ulttyq kıimde malynyp shyqqan jastary ja­lyndy bı lezgınkany dóń­gelente jónelgende bar tyń­daýshy qol soqty. Qap taýyn­daǵy shap­shań­dyq pen eptilikti, júrektilik pen jigerlilikti aı­shyqtaıtyn yrǵaq­ty bı dástúri ár halyqtyń ja­nyna jaqyn eken­digin pash etti. Árıne, ár kavkaz halqynda ol ózinshe kó­rinis alatyny belgili. Degenmen sharshamaıtyn eptilikti baıqa­tatyn jarys bıi vırtýozdy ónerdi de bildiredi. Budan ári ár júrekti jaýlaǵan «Prıglashenıe», «Bıaste» bıleri oryn­daldy. Jalpy atalǵan ortalyq janynda halyq bıleriniń ansambli jumys isteıdi. Oǵan «Halyqtyq» degen ataq berilgen jáne res­pýb­lı­kalyq «Shabyt» baı­qa­ýy­nyń laýreaty bolyp tabylady. Osyn­daı syndarly kezdesý barysynda ulttyq óner­lerimen tánti etken «Vaınah» ulttyq-mádenı ortaly­ǵy elimizdegi halyqtar dostyǵy­nyń shynaıy bir úlgisin kórsetti. Aleksandr TASBOLATOV.