Kólikterge arnalǵan gaz ballondary

Byltyr kúzde Qazaqstannyń jáne Reseıdiń birlesken ká­sip­oryn­dary astyqty ólkede «Bıoplant Flora» organıkalyq-mı­neraldy tyńaıtqyshtar shyǵaratyn zaýyttyń qurylysyn bas­taǵan edi. Onyń birinshi kezegin jazda qosyp, jylyna 12 myń tonna ónim óndirý belgilengen. Tolyq qýatyna jetken jaǵ­daıda ónimdilik 60 myń tonnaǵa deıin artatyn bolady. Jaqynda «Goldhein invest­ments limited» kompanııasynyń bas­shylary Qyzyljar óńirine atbasyn tirep, taǵy bir tyń joba ákeldi. «Gaz ballondaryn shy­ǵa­ra­tyn zaýyt» ınvestı­sııalyq jo­basynyń tanystyrý rásimine oblys ákimi Serik Bi­lálov, vedomostvo, kásiporyn basshylary qatysyp, baǵdar­lama jan-jaqty oı eleginen ótkizildi. Kompanııa jetekshisi Davıd Varagıan tyń­aıt­qyshtar zaýyty keshenine 5 myń bas iri qara malyn bor­da­qylaıtyn fer­ma, kókónis ósire­tin jyly­jaılar, munaı óndire­tin kásip­oryn kiretinin, bul maq­sattar úshin 8 mıllıard dollar ınvestısııa quıylǵanyn aıta kelip, Germanııanyń jáne Italııa­nyń ozyq tehnologııasyna negizdelgen jańa jobanyń artyqshy­lyq­taryn áńgimeledi. Onyń só­zine qaraǵanda, aıyna avtomobılderge arnalǵan joǵary qy­symdy 12 myń dana gaz ballon­daryn shyǵaratyn zaýyt álem­niń 20 elinde ǵana bar kórinedi. Servıstik qyzmetterdi qosa esep­tegende qosymsha 500 ju­mys or­nyn ashý múmkindigi bar. Qural-jab­dyq­tar­dy ornatý, qu­ras­tyrý sonshalyqty kóp ýa­qytty almaı­tynǵa uqsaıdy. Iske dereý kirissek, tórt aıdyń ishin­de alǵashqy ónimder soltús­tik­­qazaqstandyq tutynýshy­lar­men qa­tar shet elderge de jol tabar edi, dedi sózi­niń sońynda D.Varagıan. «IGVI» kompanııasy basqarmasy­nyń tór­­aǵasy Sarkıs Gavrıelıan aldy­men ózimen ala kelgen beınefılmdi jı­nal­ǵandar nazaryna usyndy. Onda Erevandaǵy gaz ballon­daryn shyǵaratyn zaýyt­tyń ty­nys-tirshiligi beınelenipti. Jo­banyń quny 30 mıllıon dol­lar­dy quraıdy. Arnaıy qon­dyr­ǵylardy kóliktiń kez kelgen tú­rine ornatýǵa bolady. Soltústik óńirge qarjy quıýǵa bekingen ınvestorlardyń pikirleri muqııat tyńdalǵannan keıin tańdaý nelikten osynda tústi degen saýal tastaldy. Oǵan shıkizatty Reseıden Arme­nııaǵa tasymaldaý qolaı­syz. Máselen, shıkizattyń bir ton­na­sy 300 dollarǵa tússe, Sol­tústik Qazaqstanǵa jetkizý on esedeı arzan. Aldymen ekono­mı­kalyq jaǵy jete eskerildi. Su­ra­nys jaıyna kelsek, odan da utylmasymyz anyq. Tabıǵı gaz­dy paıdalaný janar-jaǵarmaı jáne dızel otyndaryna qara­ǵanda arzan ári ekologııalyq ja­ǵynan taza degen jaýap berildi. Serik Sultanǵazyuly óz só­zinde nysan tolyq paıdalanýǵa berilgende jer­gilikti turǵyn­da­r­dyń jumys­qa ornalasaty­nyn, sa­lyq kózderi keńeıetinin basa aıtty. Zaýytty Peterfeld aýy­lyna emes, ob­lys ortalyǵyna ornalastyrý qaı jaǵynan tıimdi keletinin naq­ty mysaldarmen dáleldedi. Jı­ynda ınvestorlardyń usy­ny­sy qabyl alynyp, ǵımarat bólý, basqa da aǵymdyq má­se­lelerdi jedel sheshý úshin tıisti oryn­darǵa tapsyrmalar berildi. Zaýyt­tyń alǵashqy ónim­deri maýsymda shyǵarylatyn boldy. О́mir ESQALI. Soltústik Qazaqstan oblysy.