Sporttyq-tehnıkalyq jańa keshen

«Sokol» avtodromy» Almaty-Qaraǵandy saıraǵynyń boıynda salynady Qolǵa alynatyn «Sokol» avtodrom» sporttyq-tehnıka­lyq keshen jobasyn tanys­ty­rý­ǵa arnalǵan jıynǵa qatys­qan oblys ákimi Serik Úmbetov qurylysshylarmen birge al­da­ǵy mindetter jaıly áńgimeledi. Aldaǵy  kezde bastalatyn jobaǵa tapsyrys berýshi oblys ákimdigi men «Sokol» avto­dro­my» sporttyq-tehnıkalyq kesheni» jaýapkershiligi shekteýli seriktestigi bolsa, baǵdar­la­ma­ny óńirdegi týrızm, sport jáne dene tárbıesi basqarmasy men «Regıon Joba» seriktestigi bir­lesip jasaǵan eken. «Sokol» avtodromy» jobasyna 40 mln. AQSh dollary kóleminde ınvestısııa salý kózdelgen. Osy­laı­sha óńirde sporttyń teh­nı­ka­lyq túrlerin damytýǵa ar­nalǵan jańa jobada kartadrom, dreg-reısıng joly, shosselik-sheńber tasjoly, drıftıngke arnalǵan alań, apattyq jaǵ­daı­ǵa qarsy daıyndaý tasjoly, sondaı-aq qonaq úı keshenderi, minber jáne búkil keshenniń tolyq jumys isteýine qajetti basqa da sporttyq jáne tehnıkalyq qurylystar salý  josparlanǵan. Elimizdiń, sondaı-aq jaqyn jáne alys shet eldiń sport­shy­la­ry qatysatyn halyq­ara­lyq deń­geıdegi jarys ótkizýge arnalǵan keshen Almaty – Qaraǵandy kólik jolynyń 76-shy shaqyrymynda ornalassa, onyń qurylysyna 205 gektar jer telimi qajet eken. Avtodrom salýǵa tańdalǵan alań aýyl sharýashylyǵy maq­sa­tyn­da paıdalanylǵandyqtan, onyń óte­m­­aqysyn tóleý qajettigi alǵa qoıyldy. Máselen, jer telimi Ile aýdany aýmaǵyna qarasty bolǵandyqtan, aýdan ákimi máse­lege baılanysty ótemaqy tólen­gen jaǵdaıda kederginiń joqty­ǵyn málimdedi. Oblys ákimi Serik Úmbetov ekonomıkany órkendetý men ju­mys­syzdyqtyń aldyn alýdaǵy tıimdi jobalarǵa ınvestısııa sa­latyndarǵa qoldaý kórsetileti­nin aıtty. Onyń ústine je­ti­sý­lyqtar sońǵy jyldary sport­tyń qaı túrinen bolsa da jo­ǵar­ǵy jetistikterge qol jetkizip júr. Demek,  avtodrom kesheni qajet. «STK Socol» jáne «Region» seriktestikteri atynan sport­tyq-tehnıkalyq jańa keshen jobasy jaıly ınves­tor­lar­dyń kóshbas­shy­sy Dastan Ib­ra­gımov tanys­ty­ryp, joba jaı­ly túsinik berdi. Onyń aı­týynsha jobany júzege asyrý barysynda jaqyn mań­da­ǵy aýyl turǵyndary jumyspen qam­tylatyn bolsa, tolyq paıdalanýǵa berilgende 400 adamnyń turaqty eńbek etýine múmkindik bar eken. Qurylys erejeleri muqııat saqtalyp, salynatyn keshende ınjenerlik júıelerdi damytý jaıy da qarastyrylǵan. Qýat kózimen qamtý maqsatynda 630 jáne 1000 kVt bolatyn eki derbes transformatorlar jáne dızeldik elektrstansa ornatý kózdelgen. Jobada basqa da turmysqa qajetti nárseler anyqtalatyny aıtyldy. Baǵdarlamanyń oryndalý­yn arnaıy qurylatyn úıles­ti­rý keńesi baqylap, elimizde teń­desi joq avtodrom qury­ly­sy osylaı qolǵa alynbaqshy. Demek, jankúıerlerdiń avto­dromdaǵy sportshylar ónerin tamashalaýyna múmkindik týa­tyn kez alda deýge bolady. Kúmisjan BAIJAN. Almaty oblysy.