Aqtóbe qalalyq jumyspen qamtý jáne áleýmettik baǵdarlamalar bólimi 8 naýryz – Halyqaralyq áıelder kúni qarsańynda biryńǵaı názik jandarǵa arnalǵan bos jumys oryndary jármeńkesin uıymdastyrdy. Onyń da reti bar. Bólimde jumyssyzdar retinde tirkelgen 567 adamnyń 427-si qyz-kelinshekter. Munyń ózi jumyssyz áıelderdiń eki qolǵa bir jumys tabýy qıyn ekenin kórsetse kerek. Osy máseleni oń sheshý maqsatynda uıymdastyrylǵan jumys oryndary jármeńkesine qatysqan on kásiporyn názik jandar úshin 164 jumys ornyn usyndy. Jármeńkede ásirese, bank qyzmetkerlerine, esepshilerge, aspazdarǵa, satýshylarǵa, baǵdarlamashylarǵa, medısına qyzmetkerlerine suranys joǵary boldy. Qyz-kelinshekterdi jumysqa alýǵa «Aqtóbe kondıter fabrıkasy», «Qabıev ı K» jaýapkershiligi shekteýli seriktestikteri jáne «Aqbulaq» aksıonerlik qoǵamy yntalylyq tanytty. Jármeńkege kelgen 200-den astam jumyssyz qyz-kelinshekterdiń arasynan birazy ózine laıyqty eńbek ornyna shaqyrylyp, mereke qarsańynda kóńilderi kóterilip qaldy.
Satybaldy SÁÝIRBAI.
Aqtóbe oblysy.