Kandıdattyń oblystyq shtaby quryldy

Qostanaıda QKHP-dan prezıdenttikke kandıdat Jambyl Ah­met­bekovtiń  shtaby  quryldy. Ha­lyqtyq kommýnıster aldymen saılaýaldy jumystarynyń jos­pa­ryn jasap qoıdy. Saıası naý­qan qarsańynda qandaı ju­mys­tar atqaratyndyǵy jóninde jurt­shylyqty habardar etý úshin shtab qyzmetkerleri jergilikti aq­parat quraldary ókilderimen baspasóz  máslıhatyn ótkizdi. Qazaqstan Kommýnıstik ha­lyq­tyq partııasy oblystyq ko­mı­tetiniń shtabynda 15 adam qyz­met isteıdi. Prezıdenttikten úmit­ker Jambyl Ahmetbekovtiń oblys ortalyǵynda – 30,  aýdandarda 20 senim bildirilgen adamy bolady. Árıne, olardyń barlyǵy da halyqshyl kommýnıster. Onyń syrtynda «Qazaqstan kommýnısi» gazetiniń  №6 sanynda Jambyl Ahmetbekovtiń ómir­baıa­ny, al №7 sanynda ol týraly ke­ńeıtilgen maqala berildi. Gazet­tiń osy eki sany da qosta­naı­lyq­tarǵa taratyldy. Bul saıası báı­gege ózderi qosqan úmitkerdi saı­laý­shylarǵa keńirek tanystyrý maq­satynan týǵan áreket bolatyn. Munan keıin shtab qyzmet­ker­ler men  senim bildirilgen adam­dar­dyń basyn qosyp, jınalys ót­kizdi. Onda  saılaý aldynda qan­daı jumystarǵa basymdyq be­ri­le­tin­digi jáne mindetter  saralandy. – Biz Naýryz merekesinde  adamdarǵa  saılaý kúni  daýys berýge kelý kerektigin túsindiremiz. Saılaýǵa kelgen ár adam kimge daýys berse de onyń óz erki, óziniń tańdaýy biledi. Eshkimde de «saılaýǵa bar­maımyn, kim bolsa, ol bolsyn», deıtin enjar­lyq bolmaýy kerek. Shyndyqty tý etip ustaıtyn kommýnıster shtabynyń  basty maqsaty  osy bolmaq,–deıdi Qa­zaq­stan Kommýnıstik halyqtyq partııasy ob­lystyq komıtetiniń ekinshi hat­shysy,  QKHP ob­lys­tyq shtaby bastyǵynyń oryn­ba­sary Zınaıda Maslenkova. Qostanaıdaǵy halyqshyl kommýnıster jetekshisiniń aıtýyn­sha, osy partııadan  prezıdenttikten úmitkerdiń  túsýi olardyń bel­sendiligin arttyryp otyr.  Shtab qyzmetkerleri  prezıdenttik saılaý ekonomıkamyzdyń da­myp, jerimizdiń órkendeýi úshin ótkizilgeli otyrǵan úlken sha­ra­nyń biri ekendigin halyqqa túsindiretin bolady. Názıra JÁRIMBETOVA. Qostanaı.