Jańashyl ister dáýiri

Joldaýlarda alǵa qoıylǵan min­detterdi jasampaz ister dá­ýi­ri dep sıpattaýǵa bolady. Osy­men onyn­shy ret joldanyp ot­yrǵan mereı­toılyq Joldaý eli­mizdiń árbir aza­matynyń ómirine jańa úmitter men jańa maq­sattar engizetindigimen mańyz­dy. «Beıbitshilik pen jasam­paz­dyq­tyń jıyrma jyly» urany – elimizdiń ótken ýaqyttaǵy eren ta­bystaryn saralap, aldaǵy on jyl ishindegi jańa maqsattar men mindetterdi belgileıdi. Respýblıka ekonomıkasynyń ın­dýstrııalyq-ınnovasııalyq da­mý­y­na jáne, eń aldymen, eko­no­mı­kanyń agrarlyq sektory­nyń damý­y­na basty nazar aý­da­rylyp otyr. Shaǵyn jáne orta bız­nes­tiń damýy­na tikeleı qa­ty­sy bar «Myqty bıznes – myqty memleket» urany basym bolýy qa­jet­tiligimen kelispeýge bolmaıdy! Elimizdiń jáne onyń azamat­tarynyń damýy úshin sheshýshi máni bolýy tıis «áleýmettik óz­gertý» joǵary baǵaǵa laıyq. Birinshiden, bilim berý júıesiniń reformasy. Olarǵa kásiptik kadr­lardy daıarlaý úshin Ulttyq keńes qurý, 2015 jylǵa qaraı 12 jyl­dyq bilimdi endirý, Qazaq­stannyń árbir azamaty­nyń «О́mir boıy bilim alý» degen basty prınsıpin anyqtaý jáne bekitý jatady. Ǵy­lym sala­syndaǵy reformalardy nazardan tys qal­dyrýǵa bolmaı­dy: ǵylym kandı­daty jáne dok­tory ǵylymı dáre­jelerin alý­dyń eskirgen jáne tıimsiz júıe­sinen «bakalavr – magıstr – PhD dok­to­ry» akademııalyq dáreje­le­rin alý­­dyń naqty qoldanystaǵy jú­ıe­sine ótý kerektigi ómir ta­la­by. So­nymen qatar, ýnıversıtettik bilim men ǵylym da­mýy­nyń ja­ńa deń­geıin qamtamasyz etý mindeti qoı­ylǵany joǵary mektep úsh­in asa mańyzdy bolyp tabylady. Joldaýda elimizde 12 jyl­dyq oqý endiriletini, al 2020 jyl­ǵa deıin barlyq qazaq­stan­dyq balalar mektepke deıingi sapaly bilimmen qam­tamasyz etiletini atap kórsetildi. Kásiptik-teh­nı­kalyq mek­tepterdiń ma­te­rı­al­dyq baza­sy túbegeıli ózge­ris­ke ushyraı­dy, al joǵary oqý or­yndary ın­no­vasııalyq joo mo­deline ótýi tıis. Densaýlyq saqtaý salasyn­daǵy reformalaý perspektı­va­sy, atap aıt­qanda, «kólik medı­sınasy», «ólim sanyn 11 pa­ıyz­ǵa deıin azaıtý, bala týý sanyn 25 paıyzǵa deıin kóbeı­tý», «2015 jylǵa qaraı ómir súrý uzaq­ty­ǵyn – 70 jasqa, al 2020 jylǵa qaraı 72 jasqa jáne odan da kóp jasqa deıin ulǵaıtý» ósken eldiń bıik maqsatyn aıǵaqtaıdy. Nıkolaı DRIDJ, Memlekettik syılyqtyń eki márte laýreaty.