Kot-d`Ivýardaǵy jaǵdaı jaqsarmaı tur

Bir táýlik ishinde Kot-d`Ivýardyń eń iri qalasy Abıdjanda memlekettiń qa­zir­gi basshysy Loran Gbagbonyń jaq­taý­shylary men taıaýdaǵy prezıdenttik saılaýda jeńiske jetken Alassan Ýattarýdy qoldaýshylar arasynda bolǵan qaq­ty­ǵysta 20-dan astam adam qaza tapty, dep habarlaıdy Assosheıted Press agenttigi. Armııa mınometter men granatometterdi qoldana bastaǵan ótken aptadaǵy oqıǵadan keıin qarsylastar arasyndaǵy ahýal shıelenisti sıpatqa ıe bolǵan. Sarapshylar etek alyp bara jatqan zorlyq-zombylyq áreketterdi toqtatýdyń sáti túspese, elde azamat soǵysy bastalyp ketýi múmkin degen qaýip aıtýda. IRANNYŃ ÁSKERI KEMELERI SÝES KANALYNA ENDI Irannyń áskerı-teńiz kúshteriniń eki kemesi Sýes kanalyna ekinshi márte enip, Qyzyl te­ńiz­ge qaraı baǵyt alyp barady, dep habar­lady Reıter agenttigi. О́tken aıdyń sońynda da Iran kemeleri Sırııadaǵy áskerı manevrge qatysý úshin Sýes kanaly arqyly Jerorta teńizine shyqqan bolatyn. Biraq ol joly Egıpet ókimetiniń talabyna sáıkes ýa­qytsha keıin qaıtýǵa týra kelgen. Iran ókilderiniń aıtýlarynsha, kemelerdiń ótýi halyqaralyq quqyq normalaryna sáıkes keledi. ÝGO ChAVESTIŃ USYNYSY QABYLDANBADY AQSh pen Fransııa Venesýela prezıdenti Ýgo Chavestiń Lıvııadaǵy ahýaldy retteý úshin halyqaralyq komıssııa qurý jónindegi usynysyn qabyldamaı tastady. Onyń esesine Aq úıdiń baspasóz hat­shysy Fılıpp Kroýlı Djamahırııa kósemi Mýammar Kaddafıdiń óz qyzmetinen ketýi jónindegi usynysyn taǵy da qaıtalaǵan. Fransııa bolsa, M.Kaddafıdiń óz maqsatyna qol jetkizýine jaǵdaı jasaıtyn kez kelgen kelissózdi qoldamaıtynyn bildirip otyr. Soǵan qaraǵanda, oryn alǵan ahýalǵa ádil baǵa berýdi oılap bas qatyryp jatqan eshkim joq sııaqty. Birqatar elder batys túımedeıdi túıedeı etip kórsetýde degendi de aıtýda. AQSh AQPARATTYQ SOǴYSTA JEŃILIS TABÝDA AQSh-tyń memlekettik hatshysy Hılları Klınton Va­shıng­tonnyń aqparattyq soǵysta ózge memleketterden je­ńilip jatýyna baılanysty eldiń ishki saıasat vedom­stvo­synyń bıýdjetin qysqartýǵa jol berilmeýi kerektigin málimdegen. Onyń aıtýynsha, «qyrǵı-qabaq soǵys» aıaqtalǵannan keıin BAQ pen nasıhatqa bólinetin shyǵyndardyń qysqartylýy AQSh-tyń aqparattyq óriste ózge oıynshylarǵa jol berýine ákelip soqtyrǵan. Mysal retinde Klınton katarlyq «Ál Jazıra», qytaılyq CCTV jáne reseılik Russia Today telearnalaryn keltirgen. Sondaı-aq, gollıvýdtyq fılmder men amerıkalyq oıyn-saýyq baǵdarlamalardyń álemde ústemdik qurýy aqparattar taratý bolyp tabylmaıdy ári eldiń shynaıy beınesin burmalap kórsetedi, dep esepteıdi memlekettik hatshy. EÝROPALYQ ODAQ TÝYN О́RTEDI Úndeýleri Facebook áleýmettik jelisi arqyly taratylǵan úkimetke qarsy ereýilder barǵan saıyn qarqyn ala túsýde. О́tken sársenbide Zagrebte birneshe myń­da­ǵan adam qatysqan sherýde halyq Eýro­odaq­tyń týyn órtep jibergen. Sol sııaqty úkimetti basqaryp otyrǵan Iаdran­kı Kosor jetekshisi bolyp tabylatyn «Horvat demokra­tııa­lyq dostastyǵy» fraksııasynyń týyn da túte-túte qylyp jyrtqan. Qarsylyq sherýleri eldiń Rıeke, Splıte jáne Djıakove sııaqty qa­lalarynda da ótýde. Narazy top bılikke korrýpsııa, jumyssyzdyq jáne turmys taýqymetiniń qymbattyǵy úshin aıyptar taǵyp otyr. NATO LIVIIа ISINE ARALASPAIDY BUU Qaýipsizdik Keńesiniń Lıvııaǵa qa­tys­ty qabyldaǵan qararynda áskerı kúsh kórsetý týraly aıtylmaǵandyqtan NATO Lıvııadaǵy ahýalǵa áskerı turǵyda ara­lasýdy josparlap otyrǵan joq, dep má­limdedi osy uıymnyń bas hatshysy Anders Fog Rasmýssen. BUU Qaýipsizdik Keńesi 28 aqpanda Lıvııaǵa qarsy osy elge qarý-jaraq satýǵa embargo engizýdi, sol sııaqty esep-shottardy qı­mylsyzdandyryp, Kaddafıdiń, onyń otbasy men birqatar jaqyn­darynyń shet elge shyǵýyna tyıym salýdy qarastyratyn sanksııalar engizý týraly qarar qabyldaǵan bolatyn. Kóptegen elder, sonyń ishinde Reseı de kóterilis júrip jatqan Lıvııadan óz azamattaryn alyp shyǵýda, dep habarlaıdy Interfaks agenttigi. QUPIIа MATERIALDAR JARIIа ETILDI Ulybrıtanııanyń ulttyq muraǵaty brıtan saıasatkerle­ri­niń ushatyn beımá­lim nysanǵa (UBN), «bógdeplane­ta­lyq­tar­dyń basyp kirýine», sol sııaqty beı­málim qubylystardy kór­genderdiń aıt­qan­dary men áskerılerdiń jáne polı­seı­lerdiń zertteýlerine qatys­ty qupııa qujattardy jarııa etti, dep habarlaıdy brı­tandyq Sky News telearnasy. Ulybrıtanııanyń ulttyq muraǵaty eldiń qorǵanys mınıs­tr­liginiń muraǵatyndaǵy ushatyn beımálim nysandarǵa qatysty ma­te­rıaldardy jyl saıyn jarııa etip turady. «UFO Files» retinde ta­nymal ol qujattar qoǵam men jýrnalısterdiń nazaryn árkez ózine aýdaryp keledi. Bul jolǵy qujatta UBN fenomenine brıtan úkimeti deńgeıinde júrgizilgen zertteýlerdiń nátıjeleri bar kórinedi. HOSNI MÚBÁRAKTIŃ ULY О́ZIN О́ZI О́LTIRMEK BOLDY Beıresmı málimetterge qaraǵanda, Egıpettiń eks-prezı­den­ti Hosnı Múbáraktiń balasy Jamal Múbárak ózin ózi óltirmek bolǵan kórinedi. Aljırdiń Echorouk gazetiniń habarlaýynsha, ol óz nıetin ý iship júzege asyrmaqqa tyrysqan. Bul oqıǵa egıpettik áskerıler alynyp qoıylǵan mıllıondaǵan dollar qarjyny bankterdiń esep-shotyna keri qaıtarýdy talap etkennen keıin oryn alǵan. Jamal Múbárakti Sharm-el-Sheıhtaǵy otbasylyq rezıdensııada es-tússiz jatqan jerinen taýyp alypty. Tek emdeýshi dárigerdiń kúsh-jiger jumsaýynyń arqasynda ǵana ol ajaldan aman qalǵan. Internet materıaldary negizinde ázirlendi.