Petropavlda júzge tarta aqqý men úırek muz qursaýynda qalyp qoıýy múmkin, dep habarlaıdy egemen.kz KTK arnasyna silteme jasap.
Kúz jyly bolǵandyqtan olar ońtústikke ushýǵa asyqpaǵan. Endi soltústiktiń sýyǵynan seskengen ınspektorlar qustardy kún saıyn baqylaýda ustaýǵa májbúr.
Shahar túbindegi kólshik - qustardyń alysqa ushar aldynda tynyǵyp, ál jınaıtyn jeri. Bundaı kólshikterdiń oblysta on shaqtysy bar. Osyndaı toǵandarda olar bir úıirge toptasatyn kórinedi. Negizgi baǵyttary - Kaspıı teńizi men Dnepr ózeni. Tipti Eýropaǵa da jetetinderi bar. Biraq jyl saıyn kesh uıalaǵan qustardyń qanaty qataımaǵan balapandary men jaraly qustar muz qursaýynda qalyp qoıady eken. Eger aıaz túser bolsa, ekologtar tótenshe jaǵdaı departamentimen birigip qustardy qutqarý operasııasyna kirispek.
«Usha almaı qalǵan qustardy biz tótenshe jaǵdaı qyzmetkerlerimen birge aýlap, jyly arna dep atalatyn kólshikke aparmyz. Ol jerde qustar emin-erkin qystap shyǵa alady. Qazir kún saıyn osyndaı kólshikterge baryp, qustardy sanap baqylap júrmiz», - deıdi SQO orman sharýashylyǵy jáne janýarlar álemi aýmaqtyq ınspeksııasynyń bólim bastyǵy Oleg Bespalov.