Sapary qala kóshelerinen bastaldy

Ortalyq saılaý komıssııa­synda Qazaqstan Respýblıka­sy­nyń prezıdenttiginen úmitker Qa­zaqstan Kommýnıstik halyq­tyq partııasy Ortalyq komı­teti­niń hatshysy Jambyl Ah­met­bekovtiń saılaýaldy shtaby­na qarasty «Shy­naıy saılaýdy qoldaý» qo­ǵam­dyq ortalyǵy quryldy. Onyń maqsaty – saılaý qu­qyq­tary eskerilmeı, qorǵalmaǵan aza­mattarǵa qoldaý kórsetý. Qazir par­tııanyń ózi de prezıdenttikten úmitkerge qoldaý kórsetý úshin jan-jaqty jumys júrgizýde. Al­dy­men úmitkerdi qoldaýǵa qol jınaý jumysy sátti aıaqtaldy. Bul aýqymdy jumys QKHP-nyń bar­lyq oblystyq, aýdandyq, qala­lyq komıtetteriniń jáne bas­taýysh uıym­dardyń atsalysýy­men iske asty. Qol jınaýda belsendiler, jaq­taýshylar men tilektester kómek kórsetti. Osy aptada partııanyń aty­nan prezıdenttikke túsip jatqan J.Ahmetbekovtiń saılaýaldy tu­ǵyrnamasy jarııalandy. Munda partııanyń ekonomıkany damy­tý­da, halyqtyń áleýmettik-tur­mys­tyq jaǵdaıyn jaqsartýda al­dyna qoıǵan maqsaty men saılaý naý­qany kezinde partııanyń atqa­ra­tyn jumystary týraly máli­met­ter keltirilgen. Sonymen birge, osy jetide QKHP-nyń prezıdenttikke kandıdat Jambyl Ahmetbekovtiń saı­­laýaldy shtabynda elimizde tirkelgen úkimettik emes uıym­dar, dıp­lomatııalyq korpýstar men kon­sýl­dyqtardyń qyzmet­ker­leri­men kezdesýi uıymdasty­ryl­dy. Oǵan EQYU men shet el­diń bir­qatar elshileri qatysyp, shtab­tyń ju­mysymen tanysty. Kezdesý ná­tı­jesinde baqylaý or­ganyn qurý tý­raly sheshim qabyl­dan­dy. Endi bul organ J.Ahmet­bekovtiń saı­laýaldy jumysymen kún saıyn ta­nysyp, oǵan baǵa berip otyratyn bolady. Al keshe Astanada partııanyń saılaýaldy shtabynyń uıymdas­tyrýymen «Úgit-nasıhat poıy­zy» atalatyn is-shara ótti. Ol ta­ńer­teń­nen keshke deıin jalǵasyp, qa­la­nyń birneshe kóshesin qam­ty­dy. Munda «GAZel» avtokóligine mingen azamattar saǵat 11.00-den bastap Baraev kóshesi, Respýblıka dań­ǵyly, odan keıin Esenberlın kó­she­sine shyǵyp, Jeńis dańǵy­ly­men júrip ótti. Odan ári Abaı dań­ǵyly, Keńesary kóshesimen júr­gen avto­kólik Abylaı han, Táýel­sizdik, Mo­myshuly dańǵyly, Toqpanov kó­she­si, Aqorda mańaıy men Syǵa­naq kóshesi, Qabanbaı batyr dań­ǵy­ly arqyly Táshenov,  Ýálı­hanov pen Imanov kóshesine jetti. Endi búgin J.Ahmetbekovtiń elimizdi aralap, saılaýshylarmen kezdesýge arnalǵan sapary bas­ta­lady. Ol aldymen Aqmola obly­sy­nyń Qorǵaljyn aýdanyna ba­ryp, ózi týyp-ósken Shalqar eldi mekeninde bolady. Odan keıin 9 naýryz kúni Kókshetaý, kelesi kúni Petropavl, Qostanaı qalalaryna sapar shegedi. Bul jerlerde ol avtokólikpen júredi. Dastan KENJALIN.