6-7 naýryz kúnderi fýtboldan Qazaqstan chempıonaty bastaldy

Taza jeńis Bul kúnderi matchtar Ordabasy» – «Tobyl», «Shahter» – «Qaısar», «Lokomotıv» – «Jetisý», «Vostok» – «Qaı­rat», «Aqtóbe» – «Atyraý», «Taraz» – «Ertis» komandalary ara­synda ótti. Birinshi týrdyń oıyndarynda 9 gol soǵyldy. Bar­lyq oıyndar «qurǵaq» je­ńis­pen bitti. Onda maýsymnyń alǵashqy go­lyn óz alańynda Qostanaıdyń «To­byl» klýbyn qabyldaǵan «Ordabasy» ko­man­­dasynyń sha­býyl­shysy Azat Nur­ǵalıev soqty. Ol esepti 33 mı­nótte ash­ty. Al tarazdyq qorǵaýshy Danııar Memshevıch 15 mınótte óz qaqpasyna gol sa­lyp, alǵashqy avtogoldyń avtory atan­dy. Osy týrda 3 goldy ulttyq qurama­nyń oıyn­shylary soqsa, oıynshy­lar­ǵa 21 eskertý qaǵazy kór­setildi. Sonyń ishin­de «To­byl» men «Er­tistiń» oıyn­shy­­lary 10 ret tártip bu­zyp, árqaısysy bes-besten sary qaǵaz al­dy. Osyǵan qarap matchtyń qy­zyq­ty jáne tartysty ót­ke­nin kórýge bolady. Degenmen, basqa da oıyndardyń qyzyqty ótýi­ne baıla­nys­ty bul týrdaǵy bolǵan orta­lyq oıynd­y aıtý qıyn. Tek «Jetisýdiń» As­tanaǵa kelip, «Lokomotıvti» jeń­geni bol­masa, bas­qa sensasııa deýge turarlyq esh­t­eńe bol­ǵan joq. So­n­yń ishinde byl­tyr­ǵy chempıon «Tobyl» men sýper­kýbok­ty ıelen­gen «Lokomotıv» alǵashqy oıyn­daryn jeńi­lis­ten bas­­tasa da sensasııa deýge bol­maı­tyn sııaq­ty. Taǵy bir aıta­tyn nárse, osy týr­daǵy «Shahter» men «Qaı­sar» ara­syn­daǵy kezdesý Qara­ǵan­­dy ala­ńy­nyń Qa­zaq­­stan fýtbol fe­derasııa­sy­nyń ta­laptaryna saı kel­me­gendikten Astanada ótti. Mun­daı jaǵ­daı ekin­­shi týrda da qaıta­lanatyn bola­dy. Iаǵnı, «Aty­raý» men «Shahter» aras­yndaǵy match Aty­raý­daǵy aýa raıy­nyń qolaısyzdyǵyna baı­la­nysty Asta­na­ǵa aýysty­ry­lady. Sóı­tip, «Shahter» ekinshi oıyn­dy da syrt alańda ótkizýge máj­búr bolyp otyr. Jalpy, birinshi týrdyń oıyndary my­nadaı nátıjemen aıaqtaldy. «Or­da­basy» – «Tobyl» – 1:0. Qajymuqan atyn­­daǵy ortalyq stadıonda ótken bul kezdesýge 3 500 adam jınaldy. Qazir shym­kent­tik komandanyń qura­myna Farhatbek Yrys­metov pen Azat Nurǵalıev qaıtyp keldi. Sol Azat, jo­ǵaryda aıt­qany­myz­daı, kezdesýdiń 33 mınótin­de chempıo­nat­tyń alǵashqy go­lyn soqty. Al «To­byl­dyń» bul jeńi­li­si kezdeısoq dep aıta al­maı­myz. Qos­tanaılyqtar alǵashqy matchta jeńilgeni­men, jańa maýsymda chem­pıondyq ataqty qorǵaýǵa tas-túıin daıyn tur. Bas bapker Ravıl Sabıtovtiń aıtýyn­sha, komandada kadr máselesi joq. Komanda ja­ńar­tylyp, jańa oıynshylar alyndy. Qa­zir solardyń ishinde tek bos­nııalyq forvard Bekrıch qana eńbek vıza­syn alma­ǵan­dyqtan oınaı almaı júr. Al basqa­lary komanda sapynda da­ıyndalýda. «Lokomotıv» – «Jetisý» – 0:2. Bul oıyndy «As­tana-Arena» stadıonyna kelgen 2 500 adam ta­ma­­shalady. Matchta gol­dy Serikjan Mujyqov pen Sergeı Os­tapenko soqty. «Jetisýdyń» bas bapkeri As­qar Qo­ja­bergenov kezdesý sońynda ótken bas­pa­sóz máslıhatynda shákirt­teri­niń ónerine rıza ekenin, qorǵaýshylar Aq­jol Serikjanov pen Zahar Korobovtyń match­qa qatysa almasa da basqa oıyn­shy­lardyń jaqsy  qorǵanyp, utymdy sha­býyl­­­dar j­a­saı alǵanyn atap ótti. «Temir­jol­shy­lardyń» bas bapkeri Holger Fah bolsa, oıynǵa Andreı Kar­po­vı­chtiń «Tobylmen» el sýper­kýbogy úshin ótken sońǵy oıynda aýyr jara­qat alǵanyna baılanysty qatysa almaǵanyn, ol endi bir aı boıy jara­qa­tyn emdeıtinin aıtty. Al oıyn tý­raly ol qar­sylastarynyń jeńiske degen qulshyny­syn baǵalaıtynyn jetkizdi. «Vostok» – «Qaırat» – 1:0. Kezdesýde jal­ǵyz doptyń avtory Sasha Dobrıch atan­dy. О́skemenniń «Vostok» stadıo­nyn­da 1 300 jankúıerdiń kóz al­dynda ótken bul matchta jergilikti komanda jeńis­ke jetý úshin bar kúsh-jigerin sal­dy. Ko­man­danyń bas bap­keri Vahıd Ma­sý­dov ta «ta­maǵy aýyr­­­ǵan­sha» alań­nyń jıeginde tu­ryp, oıyn­shy­la­ryn qaı­raý­men búkil ýa­qy­tyn ótkiz­di. Jal­py, qazir jan­kúıerler arasyn­da my­na­daı áń­gime júr. Maýsym bas­ta­lar aldynda ob­lys áki­mi Berdibek Saparbaev komanda qura­my­men kezdesip, eger olar «Qaı­ratty» jeńse, fýtbolshylar 1 mln. teńge kóle­min­de qo­symsha ústemaqy ala­dy dep ýáde bergen kó­ri­nedi. Al «Vostok» koman­da­synda al­ǵash­qy gol­dyń av­tory atan­ǵan oıynshyǵa qosymsha 100 myń teńge syı­aqy taǵa­ıyndalatyn bo­lyp­­ty. Endi Sasha Dob­rıchtiń ústem­aqy­men birge qosymsha syı­aqy da alatyn túri bar. «Qaıratqa» kelsek, bul kezdesýge ıy­ǵy­na alǵan jaraqatyna baılanysty Rýslan Baltıev qatysa almady. Jal­py, al­matylyqtar bıylǵy maý­symda altylyq­qa enýdi kózdep otyr. Eger budan da jaq­sy oınaıtyn bolsa, úshtikke iligip ÝEFA jarys­taryna qatysýdan da ket ári emes. «Taraz» – «Ertis» – 0:1. Tarazdyqtar birinshi týr­da «Lokomatıvten» keıin óz alańynda jeńilgen ekinshi komanda bol­dy. Sóıtip, «Jastar» stadıo­ny­na jı­nal­ǵan jankúıerlerdiń alǵashqy úsh upaı­­dy óz alańymyzda alamyz ba degen úmiti aqtal­ma­dy. Byltyr Voıt Tal­ǵaev­tiń shákirtteri kerekýliktermen úsh ret kezdesip, taǵy bir ret Qazaqstan kýbogy úshin jarysta jeńiske jetken bolatyn. Endi «Ertisten» aılasyn asyra almaı utylyp otyr. Bul oıynda kózge túsken bir fýtbolshyny aıtýǵa bolady. Ol bıylǵy maýsymda «Ertiske» keregi bol­maı qalǵan «Tarazdyń» qorǵaýshysy Vıacheslav Sobolev. Búkil oıyn boıy ol Pavlodardan ketkennen keıin qarsy­lastaryna qarsy janyn aıamaı oınady. «Aqtóbe» – «Atyraý» – 2:0. Bul kórshi óńirlerdiń kezdesýi ádettegideı tartysty ótti. Statıstıkaǵa qarasaq, eki klýbtyń arasyndaǵy oıyndardyń bárin­de kóp goldar soǵylady eken. Soǵan qa­rap, kór­shi jatqan oblys­tar­dyń ara­syn­da bir básekelestiktiń bary baıqa­la­dy. Qazir aıtary joq, bul básekede «Aqtó­be­niń» aty ozyp turǵany sózsiz. Osy jolǵy kezdesýge «Aqtóbe» to­lyq qurammen shyqty. Al «Atyraý» sa­pynda biraz ózgeristerdiń jasalǵany kó­ri­nip tur­dy. Piráli Álıev, Rýslan Sa­qal­baev sııaq­ty oıynshylardyń orny­na jańa fýt­bol­shy­lar oınady. Bul jerde kezinde Más­keýd­iń «Spartak» ko­man­da­syn­da oı­na­ǵan tájik bapkeri Ra­mız  Ma­medovtiń legıonerlerge ar­qa súıeı­tinin ańǵarý qıyn emes. Oǵan argen­tı­nalyq qorǵaýshy Leon Ignasıo, gollan­dııalyq Havbek Kıranyń komanda qura­my­na qo­sylǵany dálel bola alady. Birinshi týrdyń eń sońǵy oıyny 7 naýryz kúni «Shah­ter» men «Qaısar» komandalary arasynda ótti. Kezdesý 2:0 esebimen alǵashqylardyń paıdasyna sheshildi. Bul oıynda «Tobyldyń» baı­qaýy­nan ótpegen Rashkovıch pen Dos­ma­ǵanbetov gol soqty. Osy oıynda qara­ǵandylyq komanda bıylǵy maý­sym­da altylyqqa ený úshin kúsh salatynyn kórsetti. Ol úshin komanda quramyna lıt­valyq Havbek Vıchıýs, bosnııalyq Djıdıch, sha­býylshylar Andreı Fınonchenko, Maqsat Baıjanov, Qanat Álıev, Qaırat О́tebaev, Vıacheslav Erbes sha­qyrylyp otyr. Kelesi týr 12 naýryz kúni ótedi. Dastan KENJALIN.