Le Parisien basylymynyń tapsyrysy boıynsha Fransııanyń kelesi prezıdenti laýazymynan úmitkerler týraly júrgizilgen áleýmettik saýalnama nátıejeleri elde úlken sensasııa týǵyzyp otyr.
О́ıtkeni, ótken demalys kúnderi júrgizilgen saýalnama boıynsha halyqtyń 23 paıyzynyń «Ulttyq maıdan» atty ýltraońshyldar jetekshisi Marına Le Penge daýys beretini belgili bolǵan. Al qazirgi prezıdent Nıkolıa Sarkozı 21 paıyz ǵana daýys jınaǵan. Marııa Le Pen ýltraońshyldardyń negizin qalaýshy Jan-Marı Le Penniń qyzy bolyp tabylady. Aıta ketý kerek, Fransııada kezekti prezıdent saılaýy 2012 jyldyń kókteminde ótedi.
Trıbýnal óz jumysyn jalǵastyrady
AQSh prezıdenti Gýantanamodaǵy amerıkalyq áskerı bazadaǵy áskerı trıbýnaldyń jumysyn qaıta bastaý qajettigine qoldaý bildirgen.
Bul túrmede AQSh-qa qarsy terrorlyq áreketter júrgizdi dep aıyptalǵandardyń qamaýda otyrǵany belgili. B.Obamanyń aıtýynsha, áskerı sot jumysyn bastaý jónindegi ókim belgisiz merzimge sottalǵandarǵa qatysty bolmaq. Amerıka úshin qanshalyqty qaýip týǵyzatynyn anyqtaý úshin olardyń isteri aýyq-aýyq qaralyp turatyn bolady. Sonymen birge, AQSh prezıdenti Aq úıdiń terrorshylarǵa qarsy isti azamattyq sottardyń qaraýy úshin kúres júrgize beretinin jáne burynǵysynsha Gýantanamony jappaq nıeti bar ekenin de jetkizgen.
Kaırdegi dinaralyq qaqtyǵys
Egıpettiń astanasy Kaırde musylmandar men hrıstıan-koptylardyń arasyndaǵy daý-janjalǵa baılanysty týyndaǵan jappaı tártipsizdikter odan ári jalǵasýda.
2 myńǵa jýyq hrıstıan-koptylar iri avtomagıstraldy jaýyp tastap, avtomáshınelerge tas laqtyrǵan. Týyndaǵan tártipsizdikter saldarynan bir adam qaza taýyp, onnan astam adam jaraqat alǵan kórinedi. Egıpettegi hrıstıandar qaýymdastyǵy el halqynyń 10 paıyzyn nemese 8 mıllıon adamdy quraıdy. Elde musylmandar men hrıstıandar arasyndaǵy qatyǵystar jıi oryn alyp turady.
Japonııada iri jer silkinisi boldy
Sársenbi kúni Japonııada 7,2 balldyq jer silkinisi bolyp, abyroı bolǵanda, eshkim zardap shekpegen.
Ǵımarattar men ınfraqurylymdardyń zaqymdanýy da anyqtalmaǵan. Sol sııaqty apattyń negizgi soqqysyna ushyraǵan Mııagı prefektýrasyndaǵy atom elektr stansasynyń jumysy da toqtaǵan joq. Degenmen, zilzala kólik qozǵalysynda edáýir kidirister týdyrǵan. Japonııa meteorologııalyq qyzmetiniń málimetteri boıynsha, jer silkinisiniń oshaǵy Tynyq muhıtynda 10 kılometr tereńdikte bolǵan. Sýnamı qaterine baılanysty turǵyndarǵa teńiz jaǵalaýyna jaqyndaýǵa tyıym salynyp otyr.