Halyq tańdaýyna eshkim qol suqpaıdy

Prezıdenttikten úmitkerlerdi tirkeý bastal­ǵan­da, bizdiń QKHP da óziniń belsendi bir múshesin  saıasat dodasyna qosýdy du­rys dep tapty. Úmitkerimiz Aqmola ob­lysynyń Qorǵaljyn aýdanyndaǵy Janteke atty shal­ǵaı eldi mekende on bir bala týyp, tár­bıe­­lep ósirgen ar­daq­ty ata-ananyń sha­ńyraǵynda dú­nıe­ge kelipti. Demek, birlik pen tirliktiń, qıyndyq pen jeńistiń ne ekenin kitaptan emes, ómirdiń ózi arqyly bilip ósken azamat dep senemiz oǵan. Shynynda, on eki jasynda qara ju­mys­­qa jegilip, on bes jasynda traktor tizginin ustaý qaı jas­óspirimge de ońaı emes. Biraq onyń jas­tyq jigeri qıyndyq­tan muqalmapty. Jı­yr­ma tórt ja­syn­da Qyzylsaı aýyl­dyq okrýginde depýtat bolǵan ol óziniń el úshin týǵan er ekenin túrli laýazymdy qyzmetterge qol jetkizý arqyly odan ary dáleldeı túsken. Sóı­tip, aq-qarany aıyra biletin ádil, qarapaıym halyq jaǵynda jú­retin qaıyrymdy azamat retinde aýyl, aýdan jáne oblys jan­ashy­ryna aınalǵan. Al sybaılas jem­qorlyq pen paıda­kúnemdik pıǵylyna qarsy turý nıeti ony QKHP músheligine alyp kelgen. QKHP Jambyl oblystyq ko­mı­tetiniń 6 myńǵa jýyq mú­shesi bar bolsa, sonyń barlyǵy óz úmit­kerin qoldaıtyny belgili. Basqa saılaýshylardan da úmit­timiz. Ol úshin biz búginde saı­laý­aldy shtab quryp, úmitkerimizdi qoldaýǵa baılanysty úgit-na­sıhat jumystarynyń josparyn jasadyq. Jospar boıynsha, saı­laý­shylardy «qalalyqtar» jáne «dalalyqtar» dep bólmeı, úgit-na­sıhat jumystaryn el tur­ǵyn­dary arasynda birdeı júrgizýge mán bermekpiz. Al prezıdenttikten úmitker­ler arasynan kimdi tańdap, kimge daýys beredi, ol – halyq qalaý­yn­da. Oǵan eshkim qol suǵa al­maı­dy. Ábdirahman MAMAShEV, QKHP Jambyl oblystyq komıtetiniń birinshi hatshysy. Taraz.