Aýyldardy aralaýǵa attandy

Qazaqstan Kommýnıstik halyqtyq partııasy atynan Qazaqstan Respýblıkasy prezıdenttiginen úmitker retinde usynylǵan ortalyq komıtet hatshysy J.Ahmetbekovtiń kandıdattyǵyn qoldaý qoǵamdyq shtabynda bolyp, Soltústik Qazaqstan oblystyq fılıalynyń birinshi hatshysy Dáýken Temirbaevtan saılaýaldy saıası sharalardyń atqarylýy jaıly suraǵan edik. – Partııa atynan usy­nyl­ǵan úmitkerimizdiń tanymal­dy­lyǵyn arttyrý jáne saı­laý­aldy baǵdarlamasyn sol­tús­tikqazaqstandyqtarǵa jetkizý maqsatymen qurylǵan shtab­tyń quramyna belsendi adamdar tartylyp otyr. Má­selen, Núrıkan Shaýkenova shtab jumysyn úılestirip otyrsa, Aqbópe Báıtenova ıdeo­logııalyq-aqparattyq ja­ǵyn qamtamasyz etedi. Ýaqyt ótken saıyn pikirlesterimiz molaıa túsýde. Senim bildirilgen adamdar  men úgitshi-na­sıhatshylar iriktelip, meke­me-kásiporyndardy tynbaı aralap júr. Belgilengen jerlerge kandıdattyń sýretteri men tuǵyrnamasy jazylǵan pla­kattar ilinip, jergilikti BAQ-tardyń da múmkindigin paıdalanýdamyz. Keshe shtabta EQYU jáne qoǵamdyq uıymdar ókilderi­men kezdesý ótkizip, saılaý jaı­ly pikirler alystyq. Olar da saılaýdyń ádil de ashyq óterine senimdi. – J.Ahmetbekovtiń saı­laý­aldy tuǵyrnamasy aý­qym­­dy kórinedi. Ony oblys jurtshylyǵyna tanys­ty­ryp úlgeresizder me? – Ol partııa atynan túsip otyrǵandyqtan, saıası uıym­nyń ustanymyn aıqyndary anyq. Al QKHP-nyń kóz­qa­ra­sy aıqyn. Prezıdenttik saı­laý kezinde partııa tuǵyr­na­masynyń negizgi de basty qaǵıdattaryn jurtshylyqqa usynamyz. Basa aıtaty­ny­myz, áleýmettik-ekonomı­ka­lyq baǵyttarǵa úlken basym­dyq beriledi. Bul oraıda, bas­taýysh partııa uıymdary da basty tiregimizge aınalady. Sóz arasynda, prezıdenttikke kandıdattyń soltústik aımaq­tar­dy aralap, Qyzyljar óńirinde de kezdesýler uıym­dastyratynyn aıta ketken jón. Munyń ózi saılaý do­da­syn qyzdyryp, saılaýaldy sha­raǵa úlken ekpin bereri sózsiz. – Atbasyn aýdandarǵa da buratyn shyǵarsyzdar? – Árıne, eldi meken tur­ǵyn­darymen kezdesip, olar­dyń jaǵdaılaryn tereńirek bilý, problemalaryn zerdeleý – kún tártibinde turǵan máselelerdiń biri. Aıtylǵan oı-pikirlerdi jınaqtap, Úki­met­ke usynatyn bolamyz. «Úgit-nasıhat poıyzy» shara­sy aıasynda arnaıy kólik jab­dyqtalyp, aýyldardy ara­laý­ǵa attanyp ketti. Onyń qu­ramyndaǵy úgitshilerimiz ben belsendi toptarymyz halyq­shyl-kommýnıstiń baǵdar­la­ma­symen tanystyryp, únpa­raq­tar, sýretter, plakattar taratýmen aınalysady. Basqa da mindetterdi júzege asyrý qarastyrylǵan. Áńgimelesken О́mir ESQALI. Petropavl.