Qaıyrymdylyq qashanda adam janyn mereılendiretin, izgilikke bastaıtyn qasıet. Al, onyń ózi muqtaj jandarǵa kórsetilip jatsa, tipti ǵanıbet. Isi ońǵa basqan qaladaǵy «JersýPaýer» JShS osyndaı jaqsylyqqa jol salyp keledi. Kásiporyn 2004 jyly Qytaıdan atamekenine oralǵan tekelilik Erkin Rahymbaevqa tigin máshınesin syılap, otbasyn qýantty. Erkin jol apatyna ushyrap, birinshi toptaǵy múgedek bolyp, taǵdyr tálkegin basynan ótkizýde. Biraq qaısar azamat qıyndyqqa moıymaı kásibimen shuǵyldanyp, zaıyby Zylıha ekeýi úsh bala tárbıeleýde.
Erkin men Zylıha ulttyq qolónerdi jańǵyrtyp, kózdiń jaýyn alatyn túskıiz, tekemet basyp, syrmaq, kórpe-jastyq, keste tigip, tutynýshylardyń alǵysyn alyp kelipti. Olardyń qolynan shyqqan ártúrli monshaqpen ádemi zerlengen syılyq zattar men tór kórpe qyz jasaýyn tolyqtyratynyn da aıtqan jón.
Olardyń osy kásippen aınalysqanyna kóp jyl bolypty. Ulttyq naqyshtaǵy zattar kóbine qol eńbegimen jasalynatyndyqtan zor tózimdilikti qajet etedi. Kásiporyn syılaǵan tigin máshınesi endi jumysty edáýir jeńildetetin boldy deıdi Erkin.
Kúmisjan BAIJAN,
Almaty oblysy.